Politike

VD-Gratë e dhunuara, Manastirliu: Krime ekstreme, do rrisim buxhetin dhe mbështetjen

25 Nëntor 2021, 11:31 Nga DOSJA

VD-Gratë e dhunuara, Manastirliu: Krime ekstreme, do rrisim buxhetin dhe

TIRANË– Ministrja e Shëndetësisë dhe Mbrojtjes Sociale, Ogerta Manastirliu premtoi rritje të mbështetjes nga grave të dhunuara me buxhetin e 2022. Gjatë fjalës së saj në Kuvend, Manastirliu tha se janë 17 qytetare që kanë rënë viktima të dhunës në familje këtë vit, 12 prej të cilave gra, teksa thekson se dhuna është kambanë alarmi për të çuar në një nivel tjetër fushatën kombëtare kundër dhunës.

MANASTIRLIU: Ky vit duhet të na bashkojë të gjithëve dhe për një arsye më shumë pasi pandemia, ashtu sikurse në të gjithë botën ka bërë që rastet e dhunës në familje të kenë shënuar rritje. Çdo lloj forme dhune cenon të drejtat e njeriut.Dhuna me bazë gjinore shënon rritjen e pabarazive. Ne kemi një përgjegjësi kolektive për të mbrojtur ata që janë më vulnerabël dhe duhej një përpjekje multi sektoriale në këtë drejtim.

Thëllënza, Sanija janë gra që kanë humbur jetën nga dhuna në familje. Dhuna në familje i ka marrë jetën 17 qytetarëve këtë vit, 12 prej të cilëve janë gra. Dhuna është këmbanë alarmi për të çuar në një nivel më të ri fushatën kombëtare kundër dhunës. Çështjet e barazisë gjinore dhe dhunës ndaj grave nuk mund ti trajtojmë të veçuara.Abuzimi dhe dhuna fizike, emocionale apo ajo seksuale janë krime ekstreme dhe duhet të marrin vendimin e merituar por fokusi duhet të jetë parandalimi.Parandalimi fillon me edukimin. Arsimi dhe fuqizimi ekonomik i gruas është thelbësor. Në këto 10 mijë, rreth 4 mijë denoncime janë referuar në Policinë e Shtetit. Gjatë këtyre viteve kemi forcuar vendosjen e masave ndëshkuese, masat dhe instrumentet mbrojtëse për përmasa ndaj dhunës.1200 gra e fëmijë kanë marrë shërbime nga fondet e mbështetura. Me buxhetin 2022 rrisim mbështetjen për gratë e dhunuara. Sa i përket shërbimeve sociale në territor, do të jenë të dedikuara rreth 323 milionë lekë. Do të doja të forcojmë zinxhirin e solidaritetit. Të jetosh një jetë pa dhunë është e mundur vetëm nëse e denoncon atë, nëse nuk e fal dhunuesin dhe zgjedh të jesh e lirë. Të jemi bashkë me gratë e Aleancës së grave për të bërë të mundur që të luftojnë me këto. fenomene.

LAJMI KRYESOR: LIVE-Buxheti 2022/Braçe: Paketa fiskale godet të dobëtin! Opozita e mbështet

(a.b)/dosja.al

Cila mendoni se është alternativa më e mirë:

View Results

politike politike ogerta manastirliu seance plenare 25 nentor 2021 ogerta manastirliu seance plenare 25 nentor 2021