Aktualitet

‘Të vras si piloti gruan’/ Shqiptari ‘terrorizonte’ gruan në Greqi (HISTORIA)

20 Nëntor 2021, 08:04 Nga DOSJA

‘Të vras si piloti gruan’/ Shqiptari ‘terrorizonte’

GREQI– Një shqiptar akuzohet se ka përdhunuar bashkëshorten e tij 27-vjeçare në Greqi. Nëna e dy fëmijëve e cila banon në Rodos, ka dërguar në burg të shoqin e saj 39-vjeçar pasi sipas saj e ka dhunuar, kërcënuar dhe detyruar që të kryejë marrëdhënie seksuale pa dëshirë kur ajo ishte me menstruacione.

Shqiptari i ka mohuar të gjitha akuzat duke deklaruar para punonjësve të policisë se bëhet fjalë për një keqkuptim.

27-vjeçarja, ka dëshmuar se është prej 10 vitesh e martuar me 39-vjeçarin me të cilin ka dy femijë, një djalë 9 vjec dhe nje vajzë 6-vjeç. Që në fillim të martesës së tyre ai e ka dhunuar dhe e ka detyruar që të kryejë marrëdhënie seksuale.

Siç pretendon ajo, më 22 qershor 2021 dhe rreth orës 22.30 është kthyer në shtëpi me bashkëshortin, pas punës. Fëmijët po flinin në dhomë. Ajo bëri banjë, veshi pizhamet dhe u shtri në krevat për të fjetur pasi ishte shumë e lodhur. Burri i saj hyri i zhveshur dhe iu afrua me një humor erotik. Gruaja ka refuzuar për shkak se ishte e lodhur dhe ai i ka grisur pizhamet dhe të brendshmet me duar dhe në mohimet e saj i ka thënë “ti je gruaja ime dhe do të bëj çfarë të dua”, ndërsa e goditi në fytyrë. Ajo gjithashtu pretendoi se i kishte thënë se do ta vriste, siç “i bëri piloti gruas së tij”.

Pasi e përdhunoi, ai u shtri pranë saj dhe i kërkoi që ta përqafonte. Gruaja ka treguar se bashkëshorti se e kishte detyruar të kryente marrëdhënie seksuale në të kaluarën dhe se e kishte rrahur disa herë.

Duke kërkuar falje në prani të avokates së tij Nineta Katsimbri, ai mohoi akuzën e përdhunimit, duke theksuar se e njihte gruan e tij prej afro 12 vitesh dhe se ata ishin martuar në vitin 2010.

Shqiptari ka ardhur në Rodos me familjen në vitin 2018. Ai shtoi se si të gjitha martesat, edhe martesat e tyre po kalojnë disa kriza dhe në çift është normale që të mos pajtohen për disa çështje dhe të grinden ndonjëherë.

Ai dëshmoi se gruaja e tij është gjëja më e rëndësishme në jetë si dy fëmijët e tyre. Ai kurrë nuk do ta lëndonte atë, tha ai, duke shtuar se e trajton gjithmonë me dashuri dhe respekt. Shqiptari tha se ishte e shokuar që shkoi në polici me akuzat për përdhunim, duke pretenduar se ai kurrë nuk e kishte rrahur, nuk e kishte kërcënuar dhe as nuk e kishte përdhunuar.

Burimi: Protothema.gr

(a.b)/dosja.al

Cila mendoni se është alternativa më e mirë:

View Results

aktualitet aktualitet dhune ne greq greqi shqiptari dhunon gruan ne greqi shqiptari ne greqi dhune ne greq greqi shqiptari dhunon gruan ne greqi shqiptari ne greqi