Insights

Berti, u bë Shqipëria

6 Nëntor 2021, 16:12 Nga DOSJA

Berti zgjohu mor sheprak .
Pse s’dëgjon thirrjet e mia .
Të kam thënë s’do jetë shumë lark .
Ja u bë Akademia .
*********
Ngreu merr libra e shkresa
Të zunë myk në çantë të leshtë .
Ngreu mor se mu ngjall shpresa .
T’ju tregojmë ç’punë bëjnë deshtë
*********
Ngreu Berti vëlla xhani .
Ngreu se ngelëm blektorë .
T’ju mësojmë si mbahet stani .
Unë Dekan e ti Rektorë .
*********
Ngreu a dreqi të marrtë .
Azhornohu me të reja .
U krijua shkollë e lartë .
Mblidh literaturë dhe eja .
*********
Çohu të japim një dorë .
Ti shërbejmë dhe ne Vatanit .
Të përgatisim blektorë .
Të bëhen adap të stanit .
*********
Ti mësojmë kur lidhet qëni .
Si bëhet samari i mushkës .
Po u qas ujku prej vëni .
Si ta mbajnë në grykë të pushkës .
*********
Ti jep lëndët e ndërzimit .
Dhe unë lëndën e bulmetit .
Në fund të akademizmit .
Të jenë lëndë provim i shtetit .
*********
Ti të mësosh çobaneshat .
Se ngelën vashat copë copë .
Ti mësosh si vishen teshat .
Ti nxjerrësh mjelëse për lopë .
*********
Ti mësosh thithat si kapen .
Si trajtohet lopa mallteze .
Dhe për në kullotë kur hapen .
Kur bëhet zgjimi në mëngjeze .
*********
Tu mësojmë si të gatuajnë .
Ta bëjnë me hithra byrekun .
Edhe belin si ta luajnë .
Kur janë duke rrahë dybekun .
*********
Tu mësojmë si qethen dhëntë .
Tu mësojmë dashi si milet .
Shkurt hesapi tu shtojmë mëntë .
Tu mësojmë si varen zilet .
*********
Ti mund të keshë mëndje tjetër .
Mund të kesh dhe kundërshtime .
Unë të them si më i vjetër .
Do marrim suvecionime .