Bota

Bashkëshorti i ish-princeshës japoneze Mako ngel në provimin e avokaturës

1 Nëntor 2021, 15:25 Nga DOSJA

Bashkëshorti i ish-princeshës japoneze Mako ngel në provimin e

JAPONI– Bashkëshorti i ri i Princeshës Mako, Komuri Kei ka dështuar në provimin e jurisprudencës në shtetin e New York, me rezultatet e publikuara disa ditë pasi çifti u martua. Mako, 30 vjeç, vajza e madhe e princit të kurorës Fumihito dhe mbesa e perandorit në fuqi Naruhito, u martua me të dashurin e universitetit Kei Komuro, një person i zakonshëm, në Tokio javën e kaluar pas një fejese tetë-vjeçare.

Çifti po planifikon të transferohet në një apartament së bashku në Tokio, përpara se të transferohen në SHBA dhe të jetojnë në New York City, ku Komuro punon si avokat në firmën ligjore Lowenstein Sandler LLP me bazë në New Jersey. Mako refuzoi ofertën e pagesës prej 140 milionë jen (890,000 £) të cilën ajo kishte të drejtë t’i merrte për largimin nga familja perandorake, sipas të dhënave nga zyrtarët e pallatit dhe pritet të gjejë një punë në New York.

Komuro telefonoi avokatin Okuno Yoshihiko, kreun e një firme në Japoni ku ai punonte më parë, për t’i thënë se ai dështoi në provimin e Shoqatës së Avokatëve të Shtetit të New Yorkut të shtunën. Komuro mori provimin në fillim të kësaj vere, ndërsa rezultatet e provimit u postuan në faqen e internetit të Bordit të Ekzaminuesve të Ligjit të Shtetit të Nju Jorkut të premten. Emri i tij nuk ishte në mesin e kandidatëve të suksesshëm. Sipas burimeve, Komuro tha se ka në plan të vazhdojë studimet dhe do të rimarrë provimet në shkurt. Ndërkohë Mako ka thënë se do të vazhdojë të mbështesë studimet e bashkëshortit të saj.

Burimi: Daily Mail

(i.d.Dosja.al)

Cila mendoni se është alternativa më e mirë:

View Results

bota bota komuro kei princesha japoneze princesha mako komuro kei princesha japoneze princesha mako