Sport

Newcastle: Steve Bruce u shkarkua. Favre dhe Gerrard, favoritët për ta zëvendësuar

20 Tetor 2021, 14:51 Nga DOSJA

ANGLI – Kësaj here ndodhi vërtet. Steve Bruce, i përcaktuar nga shtypi anglez si “njeri i vdekur duke ecur”, përfundimisht u shkarkua me të vërtetë. Se ishte çështje orësh ishte mjaft e parashikueshme, jo vetëm sepse Newcastle e filloi sezonin në një mënyrë katastrofike, por mbi të gjitha, sepse pronarët e rinj sauditë të klubit po kërkonin një trajner më joshës dhe më të tregtueshëm nga media. Pasi u përpoqën pa sukses me Rodgers, Conte dhe Zidane, të preferuarit për momentin janë Lucian Favre dhe Steven Gerrard.

Bruce do të fusë në xhep 8 milionë paundë si kompensim. Ka nga ata, për të cilët është shumë më keq. Duke pritur për të shpallur emrin e trajnerit të ri, Graeme Jones do ta udhëheqë Newcastle nga stoli në ndeshjen e ardhshme, ndeshjen jashtë fushe kundër Crystal Palace të shtunën. Jones ishte pjesë e stafit stërvitor anglez në “Euro 2020” të udhëhequr nga Gareth Southgate.

Ish-trajneri i Borussia Dortmund, Lucien Favre është një nga emrat më të përfolur si pasardhës i Bruce, ashtu siç është edhe trajneri i Glasgow Rangers, Steven Gerrard. Favre, 63 vjeç, ka qenë pa punë që kur u largua nga Dortmund dhjetorin e kaluar dhe hodhi poshtë një ofertë nga Crystal Palace në qershor, por është gati të kthehet në rrugën e duhur në një klub që tani nuk ka kufizime financiare.

Largimi nga Newcastle shënoi për Steve Bruce, fundin e karrierës së tij si trajner. “Mendoj se mund të jetë përvoja ime e fundit si trajner, – rrëfeu ai për “Telegrafin”, – unë jam 60 vjeç, ne kemi një jetë të mirë kështu, kësisoj me siguri kam mbaruar puna ime si trajner. Të paktën, derisa të më telefonojë ndonjë president që të pyesë nëse mund t’i ndihmoj. Asnjëherë mos thuaj kurrë, e mësova këtë. Kur mbërrita në Newcastle, mendova se mund të përballoja gjithçka, por ishte shumë, shumë e vështirë.”

Ndërkohë, klubi, me një shënim zyrtar, u kërkoi fansave të tij që të përmbaheshin nga veshja e rrobave dhe mbulesave të kokës, të frymëzuara nga kultura arabe, ose e Lindjes së Mesme: “Shumë tifozë kohët e fundit u shfaqën në “St. James Park” të veshur me veshje tradicionale arabe dhe mbulesa koke, të frymëzuara nga kultura e Lindjes së Mesme, për të nënvizuar blerjen e klubit nga “PIF, PCP Capital Partners dhe RB Sports & Media”, – lexohet në deklaratën për shtyp. – Asnjë nga pronarët e rinj nuk u ndje në asnjë mënyrë i ofenduar nga ata që zgjodhën të festonin në këtë mënyrë, ishte një mirëseardhje gjest i njohur si pozitiv. Megjithatë, mundësia që të vishesh kështu është e papërshtatshme nga ana kulturore dhe rrezikon të ofendosh dikë tjetër.”

B.T (Dosja.al)

Cila mendoni se është alternativa më e mirë:

View Results

sport sport “st. james park” conte dhe zidane graeme jones ish-trajneri i borussia dortmund lindjes së mesme lucian favre dhe steven gerrard. newcastle odgers steve bruce “st. james park” conte dhe zidane graeme jones ish-trajneri i borussia dortmund lindjes së mesme lucian favre dhe steven gerrard. newcastle odgers steve bruce

Sondazh

Poll

Sport 20 Tetor 2021, 07:34

Rikthehet dyshja Messi-Ronaldinho, por tek PSG

FRANCE – Braziliani, kampioni i Botës, u bashkua me skuadrën “blaugrana” pas një transferte nga Paris Saint-Germain në verën e 2003 dhe vazhdo...

MË SHUMË