Sport

Daja: “Kukësi një kundërshtarë i fortë, nuk do të nxitohemi për ta mundur”

16 Tetor 2021, 09:59 Nga DOSJA

Daja: “Kukësi një kundërshtarë i fortë, nuk do

TIRANE – Rikthehet Abissnet Superiorja këtë fundjavë me ndeshje të rëndësishme të cilat në letër përballjet më të mëdha janë ato të ditës së diel dhe të hënë. Partizani do të përpiqet këtë herë herë të bëjë kthesën përballë një prej skuadrave më në formë të këtij fillim sezoni si Kukësi. Nivelin e vështirësisë së këtijt akimi e ka theksuar edhe trajneri Ilir Daja në konferencën për shtyp një ditë përpara këtij takimi.

Sa ju ka shërbyer pauza për t’u përmirësuar?
Kjo periudhë pushimi ka të mirën e vet me rikuperimin, ndërsa ka edhe të keqen sepse kemi pasur lojtarë me ekipin U-21 dhe na janë kthyer vonë. Zhunior, Kaçe dhe Musta janë rikuperuar dhe janë bashkuar me grupin. Kjo periudhë na ka dhënë mundësinë për të rikuperuar, me tre lojtarët më sipër që do e nisin ndeshjen nga minuta e parë.

Sa e vështirë do të jetë përballja me Kukësin?
Është një skuadër që me lojë ka justifikuar pikët, pasi ka instaluar një manovër që përfshihen gjithë lojtarët dhe meritë ka stafi i tyre. Kanë lojë të mirë në tranzicione, por si çdo ekip, edhe Kukësi ka pikat jo të forta. Nesër nuk do e marrim ndeshjen me stres dhe do hyjmë me qetësi në fushë.

A mendoni se presioni mund t’ua komplikojë ndeshjen nesër?
Të gjitha ekipet kanë presion, por ne pak më shumë sepse na kanë munguar pikët, por jo loja. Kemi kontigjentin për rikuperim të pikëve, sepse kemi dominuar, por na kanë kushtuar gabimet individuale dhe duhet të jemi më të qetë para portës. Në raport me skuadrat e tjera kemi pasur më shumë raste para porte.

Jeni i kënaqur që do të luhet në “Air Albania” dhe mund të keni më shumë tifozë në stadium?
Ne kemi luajtur në Elbasan dhe të gjithë e dinë që stadiumi i ri ka kushtet dhe fushën në gjendjen optimale, gjë që e pamë edhe në sfidën e Kombëtares. Na duhet mbështetja e tifozëve, për një shfaqje të bukur me dy ekipe që luajnë bukur. Mbështetja do jetë nesër e madhe, sepse kjo do na japë një motiv më shumë për të shkuar drejt fitores.

B.T (Dosja.al)

Cila mendoni se është alternativa më e mirë:

View Results

sport sport #abissnetsuperiore futboll kategoria superiore superliga #abissnetsuperiore futboll kategoria superiore superliga