Sport

Kuqezinjtë marrin pushim: Kalabria në dyshim, Kalulu gati kundër Veronës…

10 Tetor 2021, 18:20 Nga DOSJA
Kuqezinjtë marrin pushim: Kalabria në dyshim, Kalulu gati kundër

ITALI – Ka përfunduar sesioni i fundit stërvitor i javës në Milanello, para ditës së pushimit të dhënë nga Stefano Pioli për nesër. Ekipi, pas disa ushtrimesh për ngrohje, punoi në teknikë dhe më pas përfundoi seancën me një ndeshje të përzierë me lojtarët e Primavera.

Nga nesër do të dimë më shumë për kushtet e Davide Calabria, e cili u largua para kohe nga ekipi kombëtar për shkak të një problemi të lehtë të muskujve. Duket se është një dëmtim i vogël, por nëse ai nuk është gati për ndeshjen e së shtunës kundër Veronës, Kalulu do të luante në vendin e tij, aktualisht i angazhuar me Francë U-21 në ndeshjet kualifikuese të Euro 2023

Ndër lojtarët e tjerë kuqezinj të angazhuar me kombëtaret e vendeve të tyre, Kjaer, kapiten i Danimarkës, luajti të gjithë ndeshjen në fitoren 4-0 kundër Moldavisë, duke shënuar edhe nga një goditje dënimi.

Një mbrëmje e veçantë edhe për mbrojtësin kuqezi, Tomori, që ishte përsëri në fushë me Anglinë, në gjysmën e fundit të fitores 5-0 kundër Andorrës. Debutimi absolut, megjithatë, për Rafael Leao me kombëtaren portugeze: sulmuesi luajti në ndeshjen miqësore midis Portugalisë dhe Katarit, duke shërbyer edhe me asisstin e fundit të 3-0 për ish-shokun e skuadrës kuqezi, Andre Silva.

Saelemaekers luajti një orë në finalen e Nations League midis Italisë dhe Belgjikës, duke goditur edhe shtyllën. Pak minuta edhe për Ballo-Toure në fitoren 4-1 të Senegalit kundër Namibisë, një ndeshje e vlefshme për ditën e tretë të raundit kualifikues për Kupën e Botës 2022. Ekipi kuqezi do të takohet përsëri në Milanello, të martën pasdite.

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport davide calabria kapiten i danimarkës kjaer mbrojtësin kuqezi saelemaekers stefano pioli stërvitor i javës në milanello tomori davide calabria kapiten i danimarkës kjaer mbrojtësin kuqezi saelemaekers stefano pioli stërvitor i javës në milanello tomori

Sondazh

Poll

MË SHUMË