TIRANË- Deputetja e PD-së Grida Duma është shprehur se programi qeverisës i PS-së është një hartim mediokër. Në fjjalën e saj në Kuvend, Duma u shpreh se as një orë nuk duhej për të analizuar programin qeverisës. Ajo tha se te dekumenti kushtonte më shumë kopertina se sa mendimi që është bluar në të. Duma e mbylli fjalën e saj duke thënë se gabimet, mungesa e seriozitetit dhe profesionalizimit te programi i qeverisjes janë qesharake deri në mëkat.
“Ky pritet të jetë një dokument tejet serioz, i konsultuar mirë, i shkruar me
profesionalizëm, se nga ky dokument varet jeta e shqiptarëve. E shfletova dy herë, e të them të drejtën rimendova: “ne i kërkuam dy ditë dy ditë për të analizuar këtë dokument, por paskan pasur të drejtë ata, se e kanë ditur që jo dy ditë jo një po as një orë nuk duhet për të analizuar këtë hartim mediokër.
E hapa e mbylla dhe pashë formatimin kopertinën; e më rierdhi në mendje një skenar hollivudian, protagonisti ishte kandidat për në kongres përe një çast e kuptoi se strategjia e konsulentëve ishte e gabuara dhe doli nga skaleta, hoqi njërën këpucë e ngriti lart e ju drejtua turmës e i tha: … e gjeni dot sa më kanë kushtuar këto këpucë që duhet të vishja sot… “ turma u çorientua e bërtiste të ndryshmë… dhe ai i tha..ok ok por mbani parasysh që çmimit real do ti shtoni dhe 4000 dollarë të tjera se aq kanë kushtuar konsulentët për të vendosur se cilin tip këpuce duhej për sot.
Tek ky dokument kam bindjen dhe qartësinë që kushton më shumë kartoni dhe
kopertina se pseudo mendimi strategjik që është bluar në të. RILINDJE; RIMEKËMBJE; RINGRITJE; RINDËRTIM; një RI RI RI që tingëllon rimë e që kumbon RINGINJIE. Patjetër duket qartë nga ky nivel paraqitje në përmbajte të këtij dokumenti që ca rilindas do ringinjen shpejt në kohe ndërsa shumica e shqiptarëve do varfërohen dhe jo nginjen por do të thinjen para kohe.
Mungesa e seriozitetit dhe profesionalizmit; gabimet në strukturë e në konceptim në këtë dokument janë qesharake deri në mëkat. Them deri në mëkat se di mirë që ka mes jush profesionistë që mund ta bënin së paku në letër një punë më të mirë, por jo, ju zgjidhni këtë paçavure. Merreni jepjani nje nxënësi të klasës së nëntë, jepjani një gjimnazisti një shqiptari që ka lindur në një kohë e botë më të lirë e do ta qeshë dhe përqeshë.
Sepse cdo mendje e lirë që zhvillohet dhe zhvillon nuk mund të konceptojë një strategji zhvillimi pa asnjë reflektim. Zhvillimi ndërtohet mbi përvojën mbi eksperiencën mbi kolrigjimin e dobësive, i gjithë ky dokument nuk reflekton asnjë problem, zero, në tetë vite qeverisje cdo gjë duket se ka ecur si në rrugë qiellore… dhe është për të qeshur e qarë bashkë se si në Programin Tuaj qeverisës fatkeqësitë natyrore janë FAT. Ato kanë ardhur nga Zotat të ndëshkojnë shqiptarët për të lartësuar shtetareët… kur ke rilindjen… ,, fq 4 … Duke kërkuar durimin e madh të shqiptarëve do t’i tregoj cilësinë këtij dokumenti nga ku varet jeta e tyre. Tabela e Lëndës Faqe 10 – Shqipëria e forte… prezantimi … faqe 35 Shqipëria e fortë ,…
Kudo ku të ndalosh e ta lexosh mund të pohosh me trishtim që është një paçavure hartim me rimë për për partinë. Diku NËPËR TË ku keni future ndonjë shifër thoni se në 2020 – 2021 keni rritur ndihmën ekonomike; ironi e madhe që e deklaroni vetë, se këtë kam thënë kur miratuar refemën e ndihmës ekonomike që do ta përdorni si litari në qafën e hallexhiut për vota. Dhe e bëtë! Ju me ndihmën ekonomike me rindërtimin bëtë racizëm politik, nuk ka poshtrim më të madh se të dëshmosh për mjerim për racionin e ushqimit që nuk ja japin se sjanë rilindas.
Nuk ka poshtrim më të madh se të thoni që po jetojnë vullnetarisht në çadra, ra ata rrezikojnë të vdesin nga sëmundjet në qie të hapur se qenkan afër tokës bujqësore që është djerrë se skanë as subvencione sa Maqedonia e Veriut. Ata jetojnë në cadra se fondet e rindërtimit u përdorën për të detyruar votat. Në muajin e fundit në qyteza me 10 mijë votues këshillat bashkiakë miratuan lista me mijëra familje për ti mbajtur peng në këmbim të votës. Nëse me ndihmën ekonomike bëtë racizëm politik me politikën e jashtme po bëni PATRONAZHISTIN POLITIK, me Kosovën, Kryeministri i Shqipërisë bën të qeshë Vucicic që të dy të përqeshin Kurtin.
Të nderuar Kolegë ky dokument është prova që fatkeqësisht asgjë e mirë nuk i pret shqiptarët. Të nderuar kokegë demokratë dhe të opozitës Nuk është çështja të jemi kundër për show a për kundërshti, është cështja të bëjmë detyrën ndaj shqiptarëve në cdo vështirësi. Na pret shumë punë, me mendjen që njerëzit e kanë përcjellë vullnetin e vet tek ne për ti mbrojtur se votat që na kanë dhënë këtë herë si ndoshta asnjëherë janë vota sakrifice jete,” tha Duma.
(I.A/dosja.al)
Iftar dhe politikë, a u prek Muaji i Ramazanit nga politikanët?
TIRANË– Ambasadorja e Shteteve të Bashkuara të Amerikës, Yuri Kim ka deklaruar se diplomatët amerikanë përballen kudo në botë me akuza se janë të afë...
TIRANË– Ambasadorja e Shteteve të Bashkuara të Amerikës, Yuri Kim është shprehur se nuk mjafton që kryeministri Edi Rama të ketë thjesht një persomancë në ...
TIRANË– Ambasadorja e Shteteve të Bashkuara të Amerikës, Yuri Kim është shprehur që qëndrimi i SHBA-ve në lidhje me pozicionin e ish-kryeministrit Sa...
TIRANË– Pasditja e sotme ka vënë në garë dhe tre liderët më kryesorë të politikës shqiptare për momentin, historikun në Partinë Demokratike, Sali Berisha, ...
TIRANË- Një takimin e mbedhur nga ish-kryeministri Sali Berisha ditën e sotme, një demokrate e ka pyetur në lidhje me udhëheqjen e Partisë Demokratike. Dem...
TIRANË- Ministrja për Evropën dhe Punët e Jashtme, Olta Xhaçka ka prezantuar në Kuvend ditën e sotme programin për politikën e jashtme. Gjatë fjalës...
TIRANË– Një demokrat kë përfituar nga takimi me ish-kryeministrin Sali Berisha për të përmendur gafat e kreut të PD-së, Lulzim Basha. Ai mori fjalën ...
TIRANË– Ish-kryeministri Sali Berisha ka bërë me dije se vnedimin e marrë nga kreu i PD-së Lulzim Basha për përjashtimin e tij nga grupi parlamentar,...
TIRANË- Kryedemokrati Lulzim Basha ka kundërshtuar nismën ‘Open Balkan’, në fjalën e tij të Kuvend. Basha u shpreh se nisma e vetme që duhet të...
TIRANË– Kryeministri Edi Rama nuk ka pranuar që t’i përgjigjet fjalës së mbajtur nga kryedemokrati Lulzim Basha në sallën e Kuvendit. Pas kreut të PD-së, R...