Bota

11 shtatori! Biden u bashkohet të mbijetuarve dhe familjarëve të viktimave në New York, krah tij Obama dhe Clinton

11 Shtator 2021, 14:37 Nga DOSJA

SHBA – Mijëra të mbijetuar dhe familjarë të viktimave që humbën jetën në sulmin e 11 shtatorit  në vitin 2001 janë mbledhur për të përkujtuar ngjarjen e hidhur ku Kullat Binjake ranë preh  e një sulmi terrorist që “gjunjëzoi” Shtetet e Bashkuara. Pjesë e tyre janë dhe ish-familjet presideniale Obama dhe Clinton, si dhe vetë presidenti Joe Biden.

Ja cilët janë disa nga personat që janë duke marrë pjesë në këtë përkujtimore: Sekretari amerikan i mbrojtjes, Lloyd Austin, foli në ceremoninë përkujtimore të Pentagonit, ku ai shprehu ngushëllimet e tij dhe tha se Amerika duhet të jetë “e palodhur” në mbrojtjen e vlerave,lirive, të drejtave dhe sundimit të ligjit.

Barbara Lee, e cila punonte në Pentagon më 11 shtator, ishte pjesë e memorialit privat atje. “Unë mendoj se ne duhet të kujtojmë, duhet të kujtojmë njerëzit që kemi humbur, të kujtojmë familjet. është thjesht një ditë shumë e trishtuar”,tha Lee.

Richard Keller dhe gruaja e tij morën pjesë për djalin e tyre, Chandler Keller. 29-vjeçari, i cili ishte në Fluturimin 77 të American Airlines, u vra në këtë fluturim. “Ne e humbëm atë ditë dhe jemi kthyer pothuajse çdo vit për ta kujtuar atë”, thanë ata.

Thea Trinidad, babai i së cilës u vra gjatë sulmeve të 11 shtatorit, lexoi emrat e viktimave gjatë ceremonisë së sotme. Trinidad ishte vetëm 10 vjeç.

Ken Corrigan, 54 vjeç, zjarrfikës, punonte në Ground Zero më 11 shtator. “Si çdo vit, është e dhimbshme. Kam humbur miq në departamentin e zjarrfikësve, në departamentin e policisë, djemtë që shkuan në Irak dhe Afganistan. Kur erdhëm nga Bronx këtu, na thanë se një aeroplan i dytë kishte goditur dhe të gjitha njësitë po hynin në një luftë“, tha Corrigan.

Mike Low, vajza e të cilit, Sara Low, ishte stjuardesë në Fluturimin 11 të American Airlines, e cila goditi Kullën Veriore në 8:46 të mëngjesit ishte gjithashtu në ceremoninë përkujtimore. Ish-Presidenti Bill Clinton dhe Hillary Clinton janë gjithashtu të pranishëm në Ground Zero, ku ceremonia përkujtimore e 11 Shtatorit ka filluar. Ata i janë bashkuar familjes Biden dhe Obama.

 

Njerëz të tjerë priten t’i bashkohen këtij memoriali madhështor dhe të përkujtojnë ata që kanë humbur siç edhe mund të ndiqet në video live të The Guardian.

 Në 11 shtator 2001 SHBA ra pre e sulmit terrorist më të madh të parë ndonjëherë. Një avion u përplas me kullën veriore në orën 8:46 të mëngjesit dhe më pas avioni tjetër u përplas me kullën tjetër në orën 9:03, pak minuta më vonë. Sulmi shkaktoi 2,996 viktima dhe më shumë se 6 mijë të plagosur. Miti se SHBA ishte e “paprekshme” ra poshtë dhe bota njohu më afër se asnjëherë frikën ndaj terrorizmit.

(m.k/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota sulmi i 11 shtatorit sulmi i 11 shtatorit

Sondazh

Poll

Bota 11 Shtator 2021, 14:08

SHBA– Sot bëhen 20 vite që nga sulmet e 11 shtatorit në Amerikë  ku humbën jetën 2,977 persona 184 u vranë në Pentagon atë ditë përfshirë 59 pasagjerë dhe...

Bota 11 Shtator 2021, 12:21

DW: Simbol i tërheqjes së superfuqisë SHBA

SHBA- Sulmi terrorist i 11 shtatoritnë SHBA e goditi në zemër Amerikën. Shumëfish. Një sulm, që në këtë formë nuk kishte ndodhur kurrë në tokën amerikane. Jo ve...

MË SHUMË