Sport

Ylli i Sampdorias rikthehet të luajë në moshën 46-vjeçare

8 Shtator 2021, 14:16 Nga DOSJA

ITALI – Në fillim të vitit 2007 Francesco Flachi ishte në rrugën e tij për t’u bërë një legjendë e klubit me skuadrën e Serie A Sampdoria. Kapiten, shënues i më shumë se 100 golave ​​dhe u grumbullua nga Italia për herë të parë.

Por jeta e tij ndryshoi në orët pas një ndeshje kundër Interit, më 28 janar 2007, kur testoi pozitivisht për kokainë. Ai u pezullua menjëherë nga çdo aktivitet futbolli dhe përfundimisht u ndalua për dy vjet.

“I humba të gjitha në atë moment, – thotë Flachi për BBC Sport. – Unë isha një idhull në Genoa. E kisha filluar vitin me dy gola dhe kohët e fundit isha grumbulluar edhe nga ekipi kombëtar.”

Por ky ishte vetëm fillimi.  Dy vjet më vonë, e gjithë karriera e tij përfundoi. Ose pothuajse


Njollë në reputacionin e tij

Flachi nuk ishte i huaj për polemikat. Një vit më parë, në 2006, bazuar në përgjimet telefonike të palëve të treta, Flachi u akuzua për tentativë për trukimin e ndeshjeve dhe u pezullua për dy muaj.  “Unë nuk kisha të bëja me të,”– thotë ai. – “Unë kurrë nuk e pranova atë dënim.”

Ai e kishte kapërcyer atë njollë mbi reputacionin e tij dhe ishte i zënë me përmirësimin e nivelit sportiv si një nga numrat 10 më të talentuar italianë të brezit të tij. 110 golat e Flachi për Sampdoria e vendosën atë të tretin në listën e golashënuesve ​​të të gjitha kohërave të klubit, para tij ishin vetëm Roberto Mancini dhe Gianluca Vialli.

Numri i tij pothuajse me siguri do të ishte më i lartë, nëse ai nuk do të rezultonte pozitiv ndaj kokainës në vitin 2007. Pas mungesës së detyruar dyvjeçare, Flachi-t iu ofrua një të kalonte në  Serie B me Brescia dhe Empoli.  Por ngjarjet e viteve të mëparshme kishin bërë të vetën. “Mendërisht nuk isha më i njëjti person dhe nuk mund të shmangja rënien në këtë aspekt,”– reflekton ai.

Dhe kështu në dhjetor 2009, Flachi doli përsëri pozitiv për kokainë.  Ai ishte një shkelës i përsëritur dhe iu dha një ndalim 12-vjeçar, duke i dhënë fund karrierës së tij të nivelit të lartë. Dukej e sigurt që ai nuk do të luante përsëri.

Por tani, 12 vjet më vonë, Flachi po përgatitet për një rikthim të pamundur. “Unë dua të lë pas atë që kam kaluar”

Ndërsa ai nuk mund të luante, Flachi trajnoi jozyrtarisht ekipin lokal Bagno në Ripoli, duke fituar tituj të ligës dhe kupës.  Ai gjithashtu ka stërvitur skuadrat e të rinjve të Signa 1914 dhe që nga shpërthimi i pandemisë, jep mësime individuale mbi teknikën e futbollit për 50 fëmijë.

Ai do të jetë pjesë e Signa 1914 në kategorinë e pestë dhe do të jetë lojtar në moshën 46 -vjeçare, kur dënimi i tij të përfundojë në janar.

“Jam shumë i emocionuar sepse data po afron,”- thotë Flachi.  “E gjitha filloi si një shaka, por më pas ne u bëmë më seriozë për të. Unë tashmë po ndihmoja Signa 1914, duke dhënë një dorë në sektorin e të rinjve.

“Andrea (presidenti i klubit) filloi të më provokonte: “Ju nuk mund të luani më, ju jeni shumë i vjetër”. Unë nuk kisha hyrë në një fushë futbolli me 11 lojtarë për 12 vjet, por unë jam një njeri i futbollit dhe unë  jetoj për emocionet, që më kishin munguar aq shumë.

Unë jam duke stërvitur tani dhe ndjesitë janë të ngjashme me ato që ndjeva si një lojtar i vërtetë. Ekspozimi dhe presioni janë të ndryshëm, por disa dinamika të futbollit, si jeta në dhomën e zhveshjes, janë të njëjta në të gjitha nivelet.

Unë e di që kam bërë një gabim dhe jam ndëshkuar për këtë. Unë gjithashtu e di që nuk jam aq i shpejtë sa dikur, por mund të bëj pjesën time dhe t’i ndihmoj këta djem të besojnë në veten e tyre. Unë gjithashtu dua që ata të kuptojnë sa i bukur është futbolli. Ata nuk mund të përballojnë të humbasin atë që humba unë dikur”.
B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport

Sondazh

Poll

MË SHUMË