Sport

Gaboi në Euro 2020 në Itali-Turqi dhe Angli-Danimarkë, një polic “gafaxhi” do të gjykojë Shqipëri-Hungari

4 Shtator 2021, 15:14 Nga DOSJA
Gaboi në Euro 2020 në Itali-Turqi dhe Angli-Danimarkë, një

ELBASAN-Holandezi Danny Makkelie do të jetë arbitri në ndeshjen midis Shqipërisë dhe Hungarisë që do të luhet ditën e dielë në Elbasan Arena. Duke parë rëndësinë e ndeshjes, UEFA ka menduar të sjellë një emër të të gjithë respektit në arbitrim. Danny Makkelie me profesion polic, nuk toleron protestat, madje është i ashpër edhe në dhënien e kartonave.

Në vitin 2014, në një ndeshje të kampionatit holandez mes Den Hag dhe Feynord, Makeli dha 13 kartona, një rekord absolut që edhe sot e kësaj dite ende nuk është thyer. Në vitin 2011 arbitri mori stemën e FIFA-s, ndërsa debutimin në Champions League e bëri në vitin 2014 në takimin Chelsea-Maribor, ndërsa në Europa League ka arbitruar 15 ndeshje ku më e rëndësihmja ishte finalja Sevilla-Inter.

Në Euro 2020, Danny Makellie ka arbitruar 4 ndeshje, me 14 kartona të verdhë në total. Holandezi kujtohet për gafat në ndeshjen hapëse Itali-Turqi, por edhe në gjysmëfinalen mes Anglisë dhe Danimarkës. Pa harruar se ishte arbitër edhe në ndeshjen kualifikuese Serbi-Portugali, ku Cristiano Ronaldo shënoi një gol të rregullt, por holandezi nuk kërkoi ndihmën e sistemit VAR.Ndërkohë asistentët e 38-vjecarit janë Hessel Steegstra dhe Jan de Vries, ndërsa në VAR do të jetë italiani, Massimiliano Irrati.

E.Ç (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport danny makkelie hungari shqiperi danny makkelie hungari shqiperi

Sondazh

Poll

MË SHUMË