TIRANË– Qendra e Lëvizjes Vetëvendosje në Shqipëri nuk e ka ndalur ‘fushtën’ kundër pjesëmarrjes së këngëtarit serb Goran Bregoviç në Festivalin e Birrës në Korçë. Në një status në faqen zyrtare në Facebook, LVV njofton se në bashkëpunim me 20 shoqatat e familjeve të personave të zhdukur gjatë gjenocidit që Serbia kreu në Kosovë kanë vendosur një banderolë të gjatë me fjalët “Bregoviç dajre gjenocidi”, në Bulevardin “Republika”, në qendër të qytetit të Korçës.
Me anë të kësaj banerole, LLV-ja kërkon të ndërgjegjësojë qytetarët dhe jo vetëm, për bojkotimin e koncertit ku do të këndojë Bregoviç, në Festën e Birrës në Korçë, më datë 22 gusht. Sipas Vetëvendosjes, si komb, do të ishte hipokrite nëse ndajmë vetëm gëzimet, medalje dhe mirënjohje ndërkombëtare, pa u solidarizuar duke ndarë edhe vuajtjet.
Statusi i plotë: Bregoviç “dajre” gjenocidi
Qendra e Lëvizjes VETËVENDOSJE! në Shqipëri ka organizuar sot një aksion simbolik ndërgjegjësues në qendër të qytetit të Korçës, duke vendosën një banderolë të gjatë me fjalët “Bregoviç dajre gjenocidi”, në Bulevardin “Republika”. Aksioni u organizua në solidaritet me 20 shoqatat e familjeve të personave të zhdukur gjatë gjenocidit që Serbia kreu në Kosovë, të cilat kanë kërkuar nga Bashkia e Korçës anulimin e ftesës në “Festën e Birrës” të muzikantit të shumëkontestuar, Goran Bregoviç. Aksioni u zhvillua githashtu në mbështetje të bojkotit që shumë artistë shqiptarë nga të gjitha trevat i kanë bërë kësaj feste, pasi Bashkia e Korçës ka refuzuar të anulojë ftesën për Bregoviçin. Kujtojmë se muzikanti i shumëkontestuar Bregoviç nuk e ngriti kurrë zërin gjatë aparteidit të Milosheviçit në Kosovë, por e gjeti kohën të organizonte një koncert kundër ndërhyrjës së NATO-s në krah të UÇK-së. Për më tepër, shqiptarët e Kosovës, që ishin viktima të gjenocidit të Serbisë, ende e mbajnë mend mirë se si ushtria dhe paramilitarët e Serbisë i kryenin masakrat e tyre ndaj shqiptarëve duke u frymëzuar me këngë të Bregoviçit. Koncerte të tij janë anuluar nga organizatorë edhe në shtete të tjera të botës, pas qëndrimeve të tij lavdëruese për Rusinë në koncertin e mbajtur në Krimenë e pushtuar nga Rusia. Bregoviçi, përmes muzikës dhe qëndrimeve të tij, ka shërbyer e shërben si lëkuara e deles me të cilën mbulohet nacionalizmi shoven serb. Serbia nuk është penduar për krimet e saj, drejtohet nga kriminelë lufte dhe vazhdon të ketë për qëllim ekspansionin e mëtejshëm në rajon me projekte si “Ballkani i Hapur”. Për më keq, Serbia kryen sot e kësaj dite spastrim etnik të shqiptarëve të Luginës së Preshevës.
Nuk mund të jetë rastësi që datat e Festës së Birrës në Beograd përputhen me datat e Festës së Birrës në Korçë (18-22 gusht). Ajo në Beograd u hap mbrëmë nga Bregoviç, ajo në Korçë pritet të mbyllet po nga Bregoviç. Është e vërtetë se jugonostalgjiku Bregoviç ka mbajtur edhe më herët koncert në Shqipëri në vitin 2006, dhe është nderuar nga kryeministri Edi Rama, në atë kohë kryebashkiak, me “Çelsin e Tiranës”. Bregoviç është nderuar me medalje këtë vit edhe nga presidenti i Serbisë, Aleksandar Vuçiç. Mirëpo, prej vitit 2006, vetëdija kombëtare shqiptare është rritur më shumë në popull sesa te pushtetarët e korruptuar të Shqipërisë. Shqiptarët janë shumë më të informuar e të lidhur me njëri-tjetrin. Si komb, do të ishte hipokrite nëse ndajmë vetëm gëzimet, medalje dhe mirënjohje ndërkombëtare, pa u solidarizuar duke ndarë edhe vuajtjet. Bashkë i ndamë vuajtjet dhe iu gjendëm njëri-tjetrit gjatë luftës në Kosovë, por edhe më vonë pas tërmetit në Shqipëri e tani gjatë zjarreve që shkrumbuan me mijëra hektarë. Ne kërkojmë ndërgjegjësim e bashkëpunim kombëtar në të gjitha fushat, drejt bashkimit. Korçë, 19 gusht 2021 Lëvizja VETËVENDOSJE! Qendra në Shqipëri.
Bregoviç do të këndojë natën e fundit të festimeve të Festës së Birrës në Korçë dhe ardhja e tij në Shqipëri ka sjellë mjaft revolta. Serbi nuk do të këndojë falas për popullin shqiptar më 22 gusht. Bileta për ta parë atë do të jetë 10 mijë lekë të vjetra (ose një mijë lekë të reja). Bashkia e Korçës është shprehur se tashmë kontratat janë mbyllur të gjitha dhe se pavarësisht revoltave, koncerti i Bregoviç nuk do të anulohet.
(F.m/dosja.al)
Iftar dhe politikë, a u prek Muaji i Ramazanit nga politikanët?
GREQI– Media greke ‘Protothema’ i ka kushtuar një artikull historianes Elena Kocaqi dhe deklaratave të saj. Së fundmi, ata shkruajnë se Kocaqi...
ELBASAN– Zmain Menko 25 vjeç, Nertil Zani 27 vjeç, dhe Kristi Dragoti 23 vjeç, të tre banues në Gramsh janë vënë në pranga bashkë me ...
DURRËS– Një 25-vjeçar me iniciale E.S është arrestuar ditën e sotme në Durrës pasi iu gjet lëndë narkotike dhe një tabelë policie gjatë kontrollit.N...
KAPSHTICË– Radhët kilometrike të makinave me emigrantët shqiptarë në Kapshticë, në pritje për të kaluar në tokën greke vazhdojnë. Për t’i freskuar at...
VLORË– Një person është arrestuar në Vlorë ndërkohë që një tjetër është shpallur në kërkim për kultivim të lëndës narkotike. Bëhet fjalë për dy ras...
TIRANË– Policia ka arrestuar Hasan Sinën, të dënuar nga Gjykata e Tiranës me 6 vite burg për veprën penale “Mashtrimi”. Në pranga kanë rënë dhe disa ...
TIRANË– Një 34-vjeçar është arrestuar në Tiranë, pasi ka përndjekur ish-të dashurën e tij. Policia ka vënë në pranga shtetasin O.A, i cili ka ...
DURRES– Kompozitori Shpëtim Saraçi ka shpëtuar për mrekulli nga mbytja pasi jeta iu rrezikua seriozisht nga një gropë thithëse e krijuar nga rrymat e uji...
TIRANË– Afganët e parë që do të vijnë në Shqipëri, do të strehoen në Berat. Kështu konfirmoi Kryetari i Bashkisë Berat, Ervin Demo. Për ‘Eurone...