Sport

Donnarumma rrëfen: “Milani më emocionon, ja arsyet e lamtumirës sime”

19 Gusht 2021, 09:00 Nga DOSJA

ITALI – Tani ai flet. Nëpërmjet një orteku fjalësh, Gigio Donnarumma, i rrëfen Ivan Zazzaronit në faqet e ‘Corriere dello Sport’, arsyet e lamtumirës së tij nga Milani. Një lamtumirë e hidhur, sepse edhe pse fjalët e ish-portierit të kuqezinjve hapin një brazdë që është një humnerë pritshmërish, projektesh dhe ambiciesh.

“Nuk do të doja të flisja për sezonin e kaluar, nuk do të kishte kuptim sot, le ta ndryshojmë temën”, – thotë ai para se të shtonte. – “Kam kaluar tetë vjet te Milani, ishte shtëpia ime, kam jetuar momente të mrekullueshme atje. Milani akoma më emocionon, kam respekt të madh.

Për njerëzit që punojnë atje dhe për tifozët. Kur mësova se drejtori (Gazidis) ishte i sëmurë, i shkrova atij, duke i uruar që të kthehej shpejt në Milanello, te vendi i tij… Por jeta përbëhet nga zgjedhje, ne kishim ambicie të ndryshme. Unë gjithmonë do të jem një tifoz i Milanit”.

Një ‘tifoz’ që u tërhoq nga mjedisi i tij: “Tetë vjet nuk harrohen, por më duhej të ndryshoja që të rritesha, të përmirësohesha dhe të bëhesha më i fortë. Ndjeva nevojën për hapësira të reja, realitete të reja”. Dhe përsëri: “Unë kam bërë gjithmonë zgjedhje profesionale. Familja ime më ka lënë gjithmonë të lirë dhe më ka mbështetur.

Të njëjtën gjë ka bërë Mino. Ai respekton vullnetin e klientët e tij 100 %, ai bën gjithçka për të kënaqur kërkesat e tyre. Unë u largova nga Milano dhe nuk pata asnjë kontakt me ekipet e tjera, betohem, por isha i sigurt se me një Europian të mire, dikush do të shfaqej”.

Më në fund për Paris SG dhe Messin: “Kur nënshkrova presidenti më tha “Ne jemi më në fund së bashku”. Tani jam mirë, jam shumë i qetë, vitin e kaluar skuadra nuk e fitoi Ligue 1, por qëllimi i vërtetë është një tjetër, Champions League”.

Interesi i së kaluarës? “Parisi më ka kërkuar gjithmonë, por në ato momente përparësia ishte Milani. Sot, gjithashtu falë Milanit, ndihem më i sigurt, më i pjekur dhe jam përmirësuar teknikisht. Gigi Ragno dhe Nelson (Dida) kanë këmbëngulur shumë për të punuar me këmbët e mia dhe për detajet teknike që i mbaj për vete”.

Messi? “Eshtë e pabesueshme, një grusht shteti i vërtetë teatral! Kur u bë e ditur lamtumira e tij nga Barcelona, nuk mund ta imagjinoja se do ta gjeja këtu, ky është një ekip fenomenesh. Messi tashmë po stërvitet me ne”…

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport arsyet e lamtumirës së tij nga milani corriere dello sport gigio donnarumma mino paris sg arsyet e lamtumirës së tij nga milani corriere dello sport gigio donnarumma mino paris sg

Sondazh

Poll

MË SHUMË