Aktualitet

PAMJET e operacionit për fikjen e zjarreve në Karaburun/ Peleshi del me video-selfie: E kishim fikur para disa ditësh, kemi d

7 Gusht 2021, 08:56 Nga DOSJA
PAMJET e operacionit për fikjen e zjarreve në Karaburun/ Peleshi del

VLORË– Riaktivizimi i zjarrit në malin e Dukatit ka sjellë shqetësim për autoritetet pasi ka rrezik të prekë zona të tjera përreth. Kjo u tha dhe nga ministri i Mbrojtjes, Niko Peleshi i cili me anë të një video-live, u shfaq në zonën ku po kryhet operacioni për shuarjen e flakëve në Karaburun, me helikopterin që ka ardhur nga Hollanda. Peleshi u shpreh se vatra në Dukat, ishte shuar ditë më parë mirëpo kanë dyshime se ka nisur qëllimisht nga disa persona.

‘Kemi filluar operacionin me helikopterin nga Hollanda. Këtu jemi me prefektin e Vlorës. Gjatë mesnatës ka pasur një riaktivizim mbi Dukat. E kishim fikur para disa ditësh, po punojmë në mëngjesin e sotëm. Kemi dyshime të forta për zjarrëvënie të qëllimshme. Vijon e hapur ftesa për bashkëpunim.’- tha Peleshi.

Ndërkohë kryeministri Edi Rama, teksa ka ndarë këtë video shkruan se tashmë në Vlorë është eleminuar në pjesën më të madhe të vatrave, por është riaktivizuar një vatër intensive në malin e Dukatit, e cila ishte e shuar pak ditë më parë.

SHKRIMI i Ramës:

Situata e zjarreve në vendPrej orëve të para të mëngjesit është intensifikuar puna për shuarjen e zjarreve në vatrat aktive të mbetura në të gjithë territorin e vendit.Zjarri në Gadishullin e Karaburunit, njësia administrative Orikum, bashkia Vlorë është eleminuar në pjesën më të madhe të vatrave, por është riaktivizuar një vatër intensive në malin e Dukatit, e cila ishte e shuar pak ditë më parë.Gjatë natës ka patur një vatër të re në Gjirin e Gramës, ku gjithashtu po punohet për shuarjen e flakëve me forca të shtuara.Zjarri pranë pikës kufitare Rips në fshatin Livadhja, bashkia Finiq ka rënë në një terren të vështirë, por po mbahet nën kontroll për të shmangur rrezikun e banesave.Një zjarr i rënë në fshatin Gjorgos, njësia administrative Cakran, bashkia Fier ka angazhuar forcat operacionale prej orësh, të cilët po punojnë për ta mbajtur nën kontroll. Në mbështetje të tyre ka shkuar edhe helikopteri i ardhur nga Çekia.Zjarri në Majën e Rrunës, njësia administrative Malzi, bashkia Kukës, aktualisht po mbahet nën kontroll, për të mos e lënë të përhapet në zona të banuara. Për shkak të terrenit të vështirë forcat nuk mund të ndërhyjnë dot në të gjithë zonën.Zjarri pranë luginës së Valbonës, fshati Klysyrë, njësia administrative Margegaj, bashkia Tropojë nuk ka përhapje dhe aktualisht është tërësisht i kontrollueshëm e me intensitet të ulët.Zjarri është nën kontroll edhe në fshatin Vermosh, njësia administrative Kelmend, bashkia Malësi e Madhe.Puna e forcave të emergjencave civile po vijon për të mbajtur nën kontroll flakët edhe në vatrat e hapura në fshatin Thirrë, njësia administrative Fan, bashkia Mirditë si dhe në fshatin Munellë-Domgjon, po në këtë bashki.

Dita e 15/ Shuhen disa vatra zjarri, Karaburuni dhe Maja e Rrunës me intensitet të lartë, 10 nën monitorim. Shpresat për shuarjen e flakëve mbeten te helikopterët e mbërritur nga Holanda e Çekia

(a.b)/dosja.al

Iftar dhe politikë, a u prek Muaji i Ramazanit nga politikanët?

View Results

aktualitet aktualitet zjarret ne shqiperi zjarret ne shqiperi

Sondazh

Poll

Aktualitet 7 Gusht 2021, 08:52

ITALI– Gjatë natës, karabinierët në Scandicci të Italisë gjatë një sërë kontrollesh të organizuara si pjesë e shërbimeve specifike të parandalimit në zonën Chia...

Aktualitet 7 Gusht 2021, 07:52

TIRANË– Ministria e Mbrojtjes ka bërë bilancin e fundit të bërë në lidhje me vatrat e zjarrit aktive në vend bën me dije se kanë nisur punë edhe helikopter...

MË SHUMË