Sport

Erkand Qerimaj në “Tokyo 2020”, i pari në baterinë B me 338 kg në dygarësh

31 Korrik 2021, 05:19 Nga DOSJA

JAPONI – Në mëngjesin e sotëm në pedanën e “Tokyo International Forum” është paraqitur edhe peshëngritësi ynë i shquar Erkand Qerimaj. Ai ka konkurruar në baterinë B të peshës deri 81 kg, duke u renditur i pari me 338 kg në dygarësh.

Në stilin e shkëputjes, peshëngritësi Qerimaj, i shfrytëzoi të tria provat që kishte në dispozicion. Ai e filloi garën me 151 kg, për të kaluar më pas në 155 kg dhe mbyllur stilin me 157 kg të ngritura.

Në stilin e shtytjes, në proven e parë Erkandi ngriti me lehtësi 181 kg, ndërkohë që në proven e dytë tentoi 185 kg. Në vërtetë ai e ngriti mbi gjoks shtangën, por nuk shtyu mirë dhe dështoi. Në provën e tretë Qerimaj tentoi të ngrinte 187 kg., por nuk mundi.

Kësisoj, peshëngritësi Erkand Qerimaj, me 338 kg. të ngritura në dygarësh u rendit në vendin e pare në baterinë B, ku duhet thënë se diferenca e tij, me kundërshtarët ishte mjaft e dukshme.

Gjithsesi për të përcaktuar vendin, ku do të renditet përfundimisht peshëngritësi ynë Qerimaj, duhet pritur përfundimi i konkurrimit në baterinë A të peshës deri 91.