Bota

Konflikti në Afganistan, Blinken: Ndërhyrja e Kinës mund të ketë pasoja të mira

29 Korrik 2021, 16:11 Nga DOSJA
Konflikti në Afganistan, Blinken: Ndërhyrja e Kinës mund të

SHBA- Sekretari amerikan i Shtetit Antony Blinken ka thënë se përfshirja e Kinës në Afganistan mund të jetë një gjë e mirë dhe pozitive. BBC shkruan se Blinken u shpreh se nëse Kina është pro një zgjidhjeje paqësore të konfliktit mes Talibanëve dhe Afganëve, është një gjë e mirë. Komentet e tij erdhën pasi përfaqësuesit e Talibanëve vizituan Kinën.

“Askush nuk ka interes në pushtimin ushtarak të vendit nga talebanët, restaurimin e një emirati islamik,” tha Blinken.

Ndërkohë që pas takimit me talebanët, Kina zyrtare tha se ata po luajnë një rol shumë të rëndësishëm në vendosjen e paqes dhe në rindërtimin e Afganistanit. Në një tëeet, zëdhënësi i Talibanëve shkroi se Kina përsëriti angazhimin e saj për zgjidhjen e problemeve dhe vendosjen e paqes. 

“Kina përsëriti angazhimin e saj për të vazhduar ndihmën me Afganët dhe tha se ata nuk do të ndërhynin në çështjet e Afganistanit por do të ndihmonin në zgjidhjen e problemeve dhe rivendosjen e paqes në vend”, shkrohet në tëeet.

Në një deklaratë, Ministria e Jashtme e Kinës tha se do të ndiqte një politikë të mosndërhyrjes në punët e brendshme të Afganistanit.

“Tërheqja e nxituar e trupave amerikane dhe të NATO -s nga Afganistani në fakt shënoi dështimin e politikës amerikane ndaj Afganistanit, dhe populli afgan ka një mundësi të rëndësishme për të stabilizuar dhe zhvilluar vendin e tyre,” tha ajo.

Dhuna është rritur në Afganistan, me talebanët që marrin kontrollin zona të mëdha të vendit, ndërsa SHBA tërheq trupat e saj përpara afatit që është në shtator. Takimi i nivelit të lartë në Kinë sugjeron se talebanët po njihen në një skenë ndërkombëtare si një forcë e madhe politike.

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota antony blinken konflikti ne afganistan talibanët antony blinken konflikti ne afganistan talibanët

Sondazh

Poll

Bota 29 Korrik 2021, 15:55

GREQI- Ministri i Jashtëm grek Nikos Dendias pas një takimi me përfaqësuesit e partive parlanemtare ka thënë se qëllimi i Greqisë në Kombet e Bashkuara është që...

MË SHUMË