Aktualitet

Bënte furnizimin në Lazarat për ta çuar në Itali/ Në kërkim për trafik droge, ekstradohet nga Greqia 53-vjeçari nga Gji

21 Korrik 2021, 12:09 Nga DOSJA
Bënte furnizimin në Lazarat për ta çuar në Itali/

TIRANË– Çim Ibrahimi i dënuar si në Shqipëri ashtu dhe në Greqi për trafikim të lëndëve narkotike do të ekstradohet nga Greqia.

Policia ka ekstraduar Çim Ibrahimin, pasi ishte shpallur në kërkim në bazë të vendimit të Gjykatës së Krimeve të Rënda Tiranë, e cila në vitin 2017 i ka caktuar masën e sigurisë “Arrest në burg” për veprën penale “Trafikimi i lëndëve narkotike”.

Ky shtetas, në bashkëpunim me shtetas të tjerë, bënte furnizimin me lëndë narkotike në Lazarat, me qëllim trafikimi drejt Italisë.

NJOFTIMI I POLICISË:

Ekstradohet nga Greqia, një shtetas i shpallur në kërkim ndërkombëtar për trafikim të lëndëve narkotike. Nga ZQK Interpol Tirana është ekstraduar nga Greqia drejt vendit tonë, shtetasi shqiptar Ç. B., 53 vjeç, banues në Gjirokastër. Ky shtetas ishte shpallur në kërkim në bazë të vendimit të Gjykatës së Krimeve të Rënda Tiranë, e cila në vitin 2017 i ka caktuar masën e sigurisë “Arrest në burg” për veprën penale “Trafikimi i lëndëve narkotike”. Ky shtetas, në bashkëpunim me shtetas të tjerë, bënte furnizimin me lëndë narkotike në Lazarat, me qëllim trafikimi drejt Italisë.

Në kuadër të bashkëpunimit dhe shkëmbimit të informacionit janë marrë informacione nga Interpol Athina, se ky shtetas po vuante dënimin në një burg në Greqi, për veprën penale “Trafikimi i lëndëve narkotike”, caktuar nga Gjykata e Janinës, me vendimin e datës 14.09.2018. Në përfundim të vuajtjes së dënimit u bë arrestimi provizor i shtetasit Ç. B., me qëllim ekstradimi drejt vendit tonë.

Si rezultat i bashkëpunimit të Interpol Tiranës me Interpol Athinën u bë i mundur ekstradimi i tij nga Greqia drejt vendit tonë.

(A.B)/Dosja.al

Iftar dhe politikë, a u prek Muaji i Ramazanit nga politikanët?

View Results

aktualitet aktualitet cim ibrahimi cim ibrahimi

Sondazh

Poll

MË SHUMË