TIRANË– Gjykata Kushtetuese ka pranuar kërkesën e Avokatit të Popullit e Komitetit Shqiptar të Helsinkit dhe ka rrëzuar përgjimin nga policia pa lejen e Prokurorisë. Me shumicë votash, “Kushtetuesja” ka vendosur shfyqizimin e disa pikave në ligjin për Policinë e Shtetit, që u jep të drejtë efektivëve që të përgjojnë qytetarët pa një urdhër të lëshuar nga Prokuroria. Sipas trupës gjykuese, dy nenet e shfuqizuara ishin të papajtueshme me Kushtetutën, pasi preket edhe parimi i sigurisë juridike dhe ajo e jetës private.
“Ligji nuk rregullon në mënyrë shteruese dhe të qartë “masat e veçanta”, që zbaton Policia e Shtetit, duke prekur njëherazi edhe parimin e sigurisë juridike në drejtim të saktësisë së ligjit dhe koherencës së rendit juridik,“-thuhet ndër të tjera në vendim.
NJOFTIMI I PLOTË:
Gjykata Kushtetuese e Republikës së Shqipërisë në seancën plenare publike të datës01.07.2021 mori në shqyrtim çështjen me kërkues Avokatin e Popullit dhe Komitetin Shqiptar të Helsinkit, me objekt:
– Shfuqizimi i nenit 131 të ligjit nr. 108/2014 “Për Policinë e Shtetit”, të ndryshuar, si i papajtueshëm me Kushtetutën e Republikës së Shqipërisë dhe Konventën Evropiane për të Drejtat e Njeriut.
-Pezullimi i zbatimit të nenit 131 të ligjit nr. 108/2014 “Për Policinë e Shtetit”, të ndryshuar, deri në hyrjen në fuqi të vendimit përfundimtar të Gjykatës Kushtetuese.
Në përfundim të shqyrtimit, Gjykata Kushtetuese vlerësoi se:
– Neni 131, i lidhur me nenin 6, pika 29/1, i ligjit nr. 108/2014 “Për Policinë e Shtetit”, të ndryshuar,vendos kufizim të së drejtës kushtetuese të jetës private, duke mos respektuar kriterin kushtetues “vetëm me ligj”,sipas nenit 17 të Kushtetutës, pasi ligji nuk rregullon në mënyrë shteruese dhe të qartë “masat e veçanta”, që zbaton Policia e Shtetit, duke prekur njëherazi edhe parimin e sigurisë juridike në drejtim të saktësisë së ligjit dhe koherencës së rendit juridik.
Për këto arsye Gjykata Kushtetuese,
VENDOSI:
Pranimin e kërkesave.
2. Shfuqizimin e nenit 6, pika 29/1 dhe të nenit 131 të ligjit nr. 108/2014 “Për Policinë e Shtetit”, të ndryshuar. 3. Pezullimin e zbatimit të nenit 131 të ligjit nr. 108/2014 “Për Policinë e Shtetit”, të ndryshuar, deri në hyrjen në fuqi të vendimit përfundimtar të Gjykatës Kushtetuese. Vendimi përfundimtar i arsyetuar do të shpallet brenda afateve të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.
Por çfarë parashikon projekt-ligjit i propozuar nga ish-ministri i Brendshëm, Sandër Lleshaj?
Disa ndryshime në ligjin për Policinë e Shtetit u miratuan në nëntor të vitit 2020 nga Kuvendi me argumentin se do të shënojnë një tjetër hap në luftën kundër krimit dhe korrupsionit. Ndryshimi më i debatueshëm që në fillim ishte ai me nenin 131 të ligjit për Policinë e Shtetit. Në bazë të nismës ligjore, Policia do të kishte dorë të lirë në përgjime, duke nxjerrë kështu Prokurorinë jashtë loje. Me ndryshimet në ligj, i jepej kompetencë Policisë, pa marrë leje tek prokuroria, të përgjojë bisedat e personave në ambiente publike, në mjete të transportit publik si dhe bisedat telefonike. Ligji u kthye pas nga presidenti Ilir Meta, ndërsa u kundërtua nga vetë kryeprokurori Olsian Çela, opozita, strukturat e tjera ligj zbatuese, por dhe nga vetë deputetë të maxhorancës. Neni 131 i mëparshmi parashikonte që kur disponohen të dhënat që një person ka kryer apo po planifikon të kryejë një krim, policia, me leje të prokurorisë, kryen përgjim të fshehtë ambiental të bisedave në vende publike ose përgjon bisedat telefonike.
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Vasil Bedinaj, pronar i Hotel “Rexhina” në Vlorë ka zbuluar se nuk i ka shkuar deri në fund padisë për italianin që bëri dasmën në Shqipëri dhe nuk...
ITALI– Vincenzo Musacchio, jurist dhe profesor i së drejtës penale, i ka dedikuar një shkrim në “Huffington Post” lidhjes mes mafias shqiptare dhe asaj italian...
SARANDË– Mario Mejdi është avokati i cili mbeti i plagosur rëndë pasi persona të paidentifikuar i zunë pritë, e zbritën me forcë nga makina e tij tip “Benz...
Tregtarët e fruta-perimeve janë befasuar paraditen e sotme kur kanë mbërritur te “Fusha e Rërës”, hapësira e vënë në dispozion të tyre nga Bashkia e Durrësit, p...
TIRANË– Autoriteti i Aviacionit Civil Shqiptar ka bërë një njoftim të rëndësishëm për qytetarët që do të udhëtojnë drejt Italisë në datën 6 korrik. AAC ka ...
FIER– Një aksident ka ndodhur mesditën e sotme në rrugën Fier-Patos në afërsi fshatit Portez. Makina e një efektivi policie është përplasur me një automjet tjet...
TIRANË- Një automjet tio ‘Smart’ është përfshirë nga flakët pasditen e sotme në zonën e njohur si ‘Kthesa e Kamzës’ në Tiranë.Siç duket në videon e...
SARANDË– Tre makina i zunë pritë ditën e sotme, avokatit me inicialet M.M, në Sarandë.Tre personat e paidentifikuar, pasi i dëmtuan makinën, nxorën avokati...
TIRANË– Nëna e Alketa Gjokës, 40-vjeçares e cila bashkë më tre fëmijët e saj pësuan djegie të shumta nga shpërthimi i bombolës brenda hotelit të ty...
SARANDË–Mario Mejdi, me profesion avokat, është sulmuar ditën e sotme nga disa persona të paidentifikuar në Sarandë. Autorët i kanë zënë pritë automjetit t...