Politike

Kryebashkiaku i Mallakastrës u la në krye të detyrës, Këlliçi: Celibashi tregoi vullnet të mbrapshtë politik për të go

2 Korrik 2021, 13:29 Nga DOSJA
Kryebashkiaku i Mallakastrës u la në krye të detyrës,

TIRANË– Partia Demorkatike ka reaguar pasi Komisioni Qendror i Zgjedhjeve vendosi sot që kryebashkiaku i Mallakastrës Qerim Ismailaj të vijojë të qëndrojë në detyrë, pavarësisht se ishte i dënuar me burg në Greqi dhe nuk e kishte deklaruar ketë gjë në formularin e dekriminalizimit.

Në një deklaratë për mediat, Belind Këlliçi shprehet se vendimi i sotëm ka treguar se Ilirjan Celibashi ka vepruar në shkelje të ligjit. Këlliçi përmend tre rastet e mëparshm, atë të Dashamir Tahirit, Aqif Rakipit dhe Gledion Rahovicës, të cilëve KQZ u dogji mandatet pasi kishin gënjyer në formularin e dekriminalizimit.

Dhe vendimi i sotëm për PD-në është shkelje e ligjit të Dekriminalizimit. PD paralajmëron se do ta ankimojë këtë vendim.

DEKLARATË E PARTISË DEMOKRATIKE, BELIND KËLLIÇI:

Vendimi i sotëm i komisionerit Shtetëror të Zgjedhjeve, Ilirjan Celibashi për të amnistuar uzurpuesin e paligjshëm të bashkisë së Mallakastrës, pavarësisht dënimit me 3 vite burg në Greqi, është në shkelje të ligjit dhe në kundërshti me tre precedentë për të cilët KQZ ka vendosur ndërprerjen e mandatit.
Në rastet e Dashamir Tahirit, e Aqif Rakipit dhe Gledion Rahovicës, që kanë rezultuar të dënuar apo hetuar jashtë vendit dhe që nuk e kanë deklaruar në formularin e dekriminalizimit dhe kanë pretenduar se nuk kanë patur djeni për këto fakte, KQZ-ja ka shpallur pavlefshmërinë e mandateve. Pra të kundërtën e asaj që Ilirjan Celibashi zgjodhi të bëjë sot. Qerim Ismailaj është subjekt ndalimi i ligjit të dekriminalizimit. Ai përfshihet në shkronjën “ç” të pikës 1, të nenit 2 të ligjit, për shkak se ka kryer një krim dhe është dënuar me jo më pak se 6 muaj burgim. Për këtë rast ndalimi zgjat nga momenti i përfundimit të dënimit me burg, deri në momentin e rehabilitimit. Qerim Ismailaj jo vetëm nuk e ka përfunduar dënimin, por e ka fshehur atë dhe vendimi nuk është ekzekutuar sipas ligjit.
Vendim i Ilirjan Celibashit për të mbajtur në kundërshtim me ligjin një person të dënuar në krye të Bashkisë së Mallakastrës, është tregues i një vullneti të mbrapshtë politik për të goditur ligjin më të rëndësishëm të Republikës tonë, atë të Dekriminalizimit. Një ligj që erdhi në jetë nga beteja e Partisë Demokratike për t’u dhënë qytetarëve shqiptarë institucione të pastra nga kriminelët dhe për ta shkëputur politikën me krimin. Partia Demokratike dënon me forcë shkeljen e ligjit të Dekriminalizimit dhe do ta ankimojë këtë vendim. Masakra zgjedhore e 25 prillit, ku politika dhe krimi bashkëvepruan për të penguar nëpërmjet çdo paligjshmërie ndryshimin që njerëzit donin, tregoi se ligji i Dekriminalizmit nuk mund të shkelet, por duhet të forcohet dhe më tej për t’iu përgjgijur nevojës ulëritëse që kanë shqiptarët, sidomos të rinjtë, për një politikë të ndarë nga krimi, një politikë që i shërben njerëzve dhe jo krimit.

Kryetari i Bashkisë së Mallakastrës, Qerim Ismailaj do të vijojë mandatin pavarësisht dënimit të marrë në Greqi! Komisioni Qendror i Zgjedhjeve ka vendosur sot që Qerimaj të mbajë postin pasi në Shqipëri, sipas dispozitave ligjore për kundravajtjen do të dënohej vetëm me gjobë. Gjithashtu në favor të tij është shtuar dhe fakti që kurrë nuk ka qenë i ndaluar nga autoritetet greke. 

(F.m/dosja.al)

Iftar dhe politikë, a u prek Muaji i Ramazanit nga politikanët?

View Results

politike politike akuza e pd per qerim ismailajn belind kelliçi kqz per qerim ismailajn qerim ismailaj akuza e pd per qerim ismailajn belind kelliçi kqz per qerim ismailajn qerim ismailaj

Sondazh

Poll

Politike 2 Korrik 2021, 13:12

TIRANË– Ish kandidati për kryetar i Partisë Demokratike, Fatbardh Kadilli me anë të një shkrimi ka bërë një analizë për modelin e partive politike.Sipas ti...

MË SHUMË