Një bashkëpunëtor i politikanit opozitar rus, Aleksei Navalny, është ndaluar në aeroportin e Moskës.
Bëhet fjalë për Aleksei Yakovlev, ish-producent i kanalit Navalny LIVE në YouTube.
Avokati i tij, Sergei Telnov, tha se klienti i tij u arrestua në bordin e një aeroplani që u ul në Moskë dhe u dërgua në Komitetin Hetimor për t’u marrë në pyetje si dëshmitar në një rast mashtrimi.
Në fund të dhjetorit, autoritetet ruse thanë se kanë nisur një hetim të ri penal kundër Navalnyt nën dyshimet se ai dhe bashkëpunëtorët e tij kishin keqpërdorur rreth 4.8 milionë dollarë fonde të donatorëve dhe mbështetësve tjerë për Fondacionin Kundër Korrupsionit (FBK) të udhëhequr nga Navalny.
Një ditë para arrestimit të Yakovlev, Rusia e vendosi në listën ndërkombëtare të kërkimit drejtorin e FBK-së, Ivan Zhdanov, i cili aktualisht banon në Lituani.
Gjatë viteve të kaluara Fondacionin Kundër Korrupsionit ka bërë publike të dhëna për korrupsion ndaj zyrtarëve rusë. Publikimi i tyre është bërë përmes postimit të videove në kanalin në Youtube – Navalny Live.
Autoritetet kanë rritur presionin ndaj kësaj organizate para zgjedhjeve parlamentare që pritet të mbahen në shtator. Sondazhet e opinionit tregojnë se po zbehet mbështetja për partinë në pushtet, Rusia e Bashkuar.
Rrjeti politik i Navalnyt ka prezantuar një strategji “të votimit të mençur ” – një projekt i hartuar për të promovuar kandidatë që ka më shumë gjasa të mposhtin figurat e lidhura me Kremlinin.
Një gjykatë ruse më 9 qershor miratoi një kërkesë nga prokurorët për të deklaruar FBK-në dhe organizata të tjera të lidhura me Navalnyn si “ekstremiste”.
Vendimi i Gjykatës së Qytetit të Moskës parandalon personat e lidhur me FBK-në dhe rrjetin e tij të zyrave rajonale në të gjithë Rusinë të garojnë ose zgjedhen për poste publike.
Navalny është në burg për shkelje të rregullave të një dënimi me kusht, për një rast përvetësimi, akuzë që e konsideron të motivuar politikisht.
Ai u ndalua në Rusi, në muajin janar, pas kthimit nga Gjermania. Navalny u trajtua në Berlin, pas helmimit me agjent nervor Noviçok.
Ai ka fajësuar presidentin rus, Vladimir Putin për dhënie të urdhrit për helmim, mirëpo Kremlini mohon diçka të tillë. REL
Iftar dhe politikë, a u prek Muaji i Ramazanit nga politikanët?
Mbi 100 vdekje në rajonin e Paqësorit veriperëndimor të Amerikës së Veriut mund të jenë shkaktuar nga hipertermia, thanë autoritetet në shtetet amerikane të Ore...
GREQI– Autorët e vrasjes së Edmond Llangozit, 53-vjeçari i cili u ekzekutua janarin e kaluar para syve të fëmijëve të tij në sheshin e Agios Sostis në Ne...
BRITANI– Situata pandemike në Britaninë e Madhe është përkeqësuar ku javën e fundit rastet e infektimeve janë rritur me 69.9%, duke shënuar 26.068 raste t...
Vaksinimi me dozat anti-COVID ka nisur thuajse në të gjithë vendet e botës, por disa janë më të avancuara se gjithë të tjerat. Por jo të gjithë njerëzit janë en...
FLORIDA– 6trupa të tjerë janë gjendur pajetë nën rrënojat e pallatit të shembur rreth një javë më parë në Miami, duke e çuar numrin e viktimave në 18 per...
GREQI– Viktima e një vepre penale apo e një aksidenti? Kjo pyetje po mundon autoritetet greke që po hetojnë zhdukjen e Violet Gigano, e cila ka humbur kon...
Rregullat e hyrjes në BE për njerëzit e vaksinuar janë të pakuptueshme, sepse çdo shtet anëtar bën të vetën. Nevojë për sqarim ka edhe për Ballkanin.&Cce...
Dhoma e Përfaqësuesve votoi të mërkurën për krijimin e një komisioni për të hetuar sulmin e 6 janarit ndaj Kapitolit nga qindra përkrahës të ish-Presidentit Tru...
SHBA– Andreas Giannitsopoulos , një 21-vjeçar grek, u nxor i vdekur nga rrënojat e ndërtesës së rrënuar në Surfside, Florida. Giannitsopoulos, studenti i...