POGRADEC– Dy persona janë arrestuar dhe dy të tjerë janë proceduar penalisht në Pogradec, pasi prisnin dru në zonën e mbrojtur të Llëngës. Policia bën me dije se njëri prej dy të arrestuarve është inspektor pyjesh ndërkohë që personat i prisnin drutë, i organizonin e më pas i shisnin. Gjatë operacionit janë sekuestruar një sasi prej 20 metër dru ahu dhe lisi që ishin ngarkuar në një kamion tip ‘’Benz’’.
Njoftimi i policisë:
Pogradec; Finalizohet operacioni “Mokra”.
Operacioni pas një hetimi disamujor, nga Komisariati i Policisë Pogradec, nën drejtimin e Prokurorisë, për goditjen e veprimtarisë së paligjshme të prerjes së pyjeve.
Ushtronin në mënyrë të organizuar aktivitetin kriminal të prerjes së pyjeve në zonën e mbrojtur të Llëngës, vihen në pranga 2 shtetas, procedohen penalisht 2 të tjerë. Midis të ndaluarve edhe një inspektor pyjesh, i cili shpërdoronte detyrën. Sekuestrohet lëndë drusore pa dokumentacionin përkatës.
Në vijim të punës për parandalimin dhe goditjen e krimeve mjedisore, shërbimet e Komisariatit të Policisë Pogradec, pas një hetimi disamujor nën drejtimin e Prokurorisë të Rrethit Gjyqësor Pogradec, finalizuan operacionin e koduar “Mokra”, si rezultat i të cilit u bë arrestimi në flagrancë i shtetasve A. Xh., 43 vjeç (me detyrë inspektor pyjesh pranë Bashkisë Pogradec), A. Xh., 35 vjeç, si dhe u proceduan penalisht shtetasit F. M., 51 vjeç dhe G. A., 30 vjeç, banues në Pogradec.
Nga veprimet hetimore të kryera gjatë këtij operacioni rezultoi se këta shtetas, në bashkëpunim me njëri-tjetrin, kryenin në mënyrë të organizuar, prerje të paligjshme të pyjeve në zonën e mbrojtur të Llëngës në Pogradec, dhe grumbullonin, transportonin e më pas shisnin lëndën drusore në subjekte dhe persona të tjerë. Shtetasi A. B., duke qenë me detyrë inspektor pyjesh, dyshohet se ka shpërdoruar detyrën duke lejuar dhe favorizuar këtë veprimtari të paligjshme.
Gjithashtu, si rezultat i kontrollit të pandërprerë të territorit, shërbimet e Policisë, në rrugën Vërdovë-Pogradec, kanë kapur 35-vjeçarin A. Xh. (i proceduar edhe më parë për prerje të paligjshme të pyjeve), duke transportuar me mjetin tip kamion “Benz”, 20 metër sterë dru ah dhe lis, pa dokumentacionin përkatës, sasi e cila u sekuestrua në cilësinë e provës materiale.
Materialet në ngarkim të tyre i kaluan Prokurorisë pranë Gjykatës së Shkallës së Parë Pogradec, për veprat penale “Shpërdorimi i detyrës” dhe “Prerja e paligjshme e pyjeve”, kryer në bashkëpunim.
(kle.mu./dosja.al)
Iftar dhe politikë, a u prek Muaji i Ramazanit nga politikanët?
SARANDË– Gjykata e Sarandës ka lënë në masën arrest me burg efektivin e ‘’Shqiponjave’’ Lavdosh Metaj të cilit iu kap kokainë në banesë. Në seancë Metaj nu...
KUKËS– Policia e Kukësit ka publikuar informacion lidhur me kriteret bazë dhe dokumentet për pajisjen me autorizim dhe blerjen e armëve. Në listën e nxjerr...
Pasi vuajti në burgjet shqiptare një dënim prej 16 vite për trafik droge të kryer në Itali, Alket Hatija rrezikon të ekstradohet në vendin fqinj. Një muaj më pa...
TIRANË– Prokuroria e Posaçme kundër Krimit dhe Korrupsionit (SPAK) ka komunikuar zyrtarisht akuzën Ardian Çapjas, dhe nipit të tij, Florenc &...
TIRANË– Aktivistja Adriana Kalaja ka komentuar vendimin e Gjykatës Kushtetuese për shqyrtimin e çështjes për shembjen e Teatrit Kombëtar, ku s...
TIRANË- SPAK kërkoi ditën e djeshme në gjykatë sekuestron e 32 pronave, (biznese, pasuri të paluajtshme, makina e televizione) të manjatit të medias Ylli N...
ROSKOVEC– Ditën e sotme u bë e ditur se dy elektriçistë humbën jetën në Roskovec, pasi ranë nga shtylla e tensionit të lartë ku ata ishin duke punuar.Dy ...
TIRANË– Pasditen e djeshme, forcat speciale të RENEA-ve zhvilluan kontrolle ‘blic’ në 5 qytete të vendit, me qëllim arrestimin e personave të shumëkërkuar…...
KRUJË– Një 41-vjeçar është arrestuar nga Policia e Shtetit, për shkak se ka goditur për shkak të detyrës 2 punonjës të burgut të Fushë Krujës....
TIRANË– Një anije është fotografuar duke shkarkuar vaj të djegur në afërsi të Detit Adriatik. Pamjet e publikuara nga Report Tv, tregojnë sesi një anije pë...