Aktualitet

Ilva Tare largohet nga ekrani pas 25-vitesh karrierë, zhvendoset në SHBA: Iki e emocionuar, kam pasur privilegjin që televizi

14 Qershor 2021, 19:09 Nga DOSJA
Ilva Tare largohet nga ekrani pas 25-vitesh karrierë, zhvendoset në

TIRANË- Gazetarja Ilva Tare nuk do të jetë më pjesë e ekranit të televizioneve shqiptare. Mbrëmjen e sotme, Tare i ka dhënë lamtumirën emisionit të saj ‘Ilva Now”, teksa nga studioja e Euronews Albania ka njoftuar largimin nga ekrani. Gazetarja tha se kapitulli i televizionit për të duhet mbyllur, për t’i kushtuar më shumë kohë familjes së saj.

Kështu, Ilva Tare, i ka dhënë fund rrugëtimit të saj prej 25 vitesh, për tu shpërngulur në Shtetet e Bashkuara të Amerikës, së bashku me familjen e saj, politikanin Eduard Selamin dhe dy fëmijët.

“Në këto 25 vite kam pasur privilegjin që ekranin ta quaj shtëpinë time. Ju keni qenë aleatët e mi në përballjet e vështira me realitetin dhe mentalitetin. Publiku ka qenë edhe kritiku dhe vlerësuesi im më i mirë. E kam zemrën plot me mirënjohje edhe për të gjithë bashkudhëtarët, me të cilët kemi punuar për të bërë me të mirën për një gazetari cilësore. Kemi kaluar shumë së bashku unë dhe ju dhe tani është momenti që unë ta mbyll këtë kapitull, për t’i dhënë më shumë kohë familjes sime, Eduardit, Melodisë e Thomasit. Është koha të nis një kapitull të ri, në një stacion tjetër të jetës sime. Iki e emocionuar, me urimet më të mira për të gjithë ju,”-vazhdon gazetarja.

Në përfundim të fjalës së saj, gazetarja la të hapur mundësinë e rikthimit.

“‘Ilva Now’ dhe ky kapitull suksesi me ‘Euronews Albania’ mbyllet, por kjo s’është hera e fundit që shihemi bashkë. Faleminderit me zemër!” -përfundoi ajo.

(f.i/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet 'euronews albania eduard selamin ilva tare 'euronews albania eduard selamin ilva tare

Sondazh

Poll