Bota

KFOR-i përkujton 22 vjetorin e hyrjes në Kosovë, Federici: Do të vazhdojmë të kemi rol në sigurinë dhe stabilitetin e ra

12 Qershor 2021, 10:32 Nga DOSJA
KFOR-i përkujton 22 vjetorin e hyrjes në Kosovë, Federici: Do

KOSOVË– Në 22 vjetorin e hyrjes në Kosovë, KFOR-i ka përkujtuar këtë ditë me një video, duke siguruar se do të vazhdojë të luajë një rol thelbësor, në ofrimin e sigurisë në të gjithë Kosovën dhe stabilitetin në të gjithë rajonin e Ballkanit Perëndimor.

“Njëzet e dy vjet më parë, pas miratimit të Rezolutës 1244/1999 të Këshillit të Sigurimit të Kombeve të Bashkuara, NATO zbarkoi mbi 50,000 trupa në Kosovë si pjesë e misionit të saj të KFOR-it për të siguruar një mjedis të sigurt dhe të qetë, dhe për të siguruar lirinë e lëvizjes në të mirë të të gjitha komuniteteve që jetojnë në Kosovë”, thuhet në njoftimin e KFOR-it.

Aktualisht, KFOR-i përbëhet nga rreth 3,600 trupa, nga 27 vende, duke përfshirë vendet e NATO-s dhe partnerët e saj.

“KFOR-i vazhdon të luajë një rol thelbësor, në ofrimin e sigurisë në të gjithë Kosovën dhe stabilitetin në të gjithë rajonin e Ballkanit Perëndimor”, theksoi Gjeneral Major Franco Federici, Komandant i KFOR-it, gjatë një ceremonie përkujtimore të mbajtur në “Camp Film City” (Prishtinë), që është pritëse e zyrave qendrore të misionit.

Gjatë kryerjes së aktiviteteve, KFOR-i punon në bashkëpunim të ngushtë me një varg akterësh, përfshirë Kombet e Bashkuara, Misionin e Bashkimit Evropian për Sundimin e Ligjit dhe Organizatat e Sigurisë në Kosovë.

(d.a/dosja.al)

Lajmi kryesor/ Kosova shënon sot 22-vjetorin e çlirimit që erdhi falë NATOS, Kurti: Sot Kosova kremton lirinë

 

Iftar dhe politikë, a u prek Muaji i Ramazanit nga politikanët?

View Results

diaspora diaspora 22 vjetori i clirimit te kosoves franco federici kfor ne kosove 22 vjetori i clirimit te kosoves franco federici kfor ne kosove

Sondazh

Poll

MË SHUMË