TIRANË– Me 104 vota ‘pro’ deputetët e Kuvendit të Shqipërisë vendosën që të shkakojnë nga detyra presidentin Ilir Meta. Pas përfundimit të numërimit, nisën reagimet, teksa i pari erdhi nga Presidenca. Me ironi, zëdhënësi i Metës, Tedi Blushi u shpreh se vendimi kishte shkaktuar ‘zero shqetësime’. Madje shtonte se veç pensionit të përjetshëm, deputetët i siguruan vetes edhe një vit pushime falas. Pas tij, reagoi edhe vetë kreu i shtetit, i cili postoi gafën e Selami Jenishehrit, duke e shoqëruar me batuta.
I fortë ishte dhe reagimi i Partisë Demokratike! Me një qëndrim zyrtar, PD e konsideron antikushtetues vendimin e Kuvendit dhe kërkon nga Gjykata Kushtetutese të ruajë paanësinë dhe të refuzojë shkarkimin e kreut të shtetit. Por për socialistët, më konkretisht numrin dy të PS-së, Taulant Balla shkarkimi i Ilir Metës është mbarësi e madhe, ndërsa shtoi se ai dhe kolegët do të presin vendimin e Gjykatës Kushtetuese. Kjo e fundit, do të vendosë nëse Kuvendi ka vepruar drejtë për shkarkimin e kreut të shtetit. Deri atëherë Meta do të vijojë që të mbajë postin, të cilin e mori më 24 korrik të vitit 2017.
Por si arriti situata deri këtu?
Prej javësh, presidenti i Republikës Ilir Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit. Presidenti u zotua se do të mundësonte votën e lirë të shqiptarëve që sipas tij do ti bashkoheshin në një referundum popullor. Deklaratat e Metës gjatë fushatës arritën majën e tensionit kur kreu i shtetit deklaroi se “do t’ju presim dorën atij që prek votën”, apo “bëni gati sfurqet dhe kosat”. Këto deklarata përfshirë edhe përplasjen me ambasadoren Yuri Kim janë “dënimi” që sipas socialistëve Ilir Meta mori më 25 prill nga shqiptarët, duke i dhënë mandatin e tretë PS-së dhe për këtë Ilir Meta duhet të shkarkohet. Me firmën e 49 deputetëve socialist u ngrit një komision hetimor dhe u kërkua shkarkimi i Metës.
Gjatë ditëve të mbledhjeve, deputetët përbërës të Komisionit kanë ‘skanuar’ të gjitha deklaratat e Metës, përfshirë edhe termin ‘anëtarët’ e ‘Ndrangheta-s’ që ka përdorur ai për të krahasuar deputetët. Në fund u vendos se deklaratat e tij gjatë fushatës zgjedhore, por jo vetëm, nxitën dhunë dhe provokuan vrasjen e Pjerin Xhuvanit në Elbasan, ngjarje en dpdhur katër ditë para zgjedhjeve të 25 prillit.
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Kryetari i grupit parlamentar të partisë Socialiste, Taulant Balla, është shfaqur i lumtur për mediat pas vendimit që doli nga Kuvendi për shkarkim...
GJIROKASTËR– Ministri i Brendshëm, Bledi Çuçi i ka dërguar një kërkesë Inspektorit të Lartë të Drejtësisë (ILD) dhe Këshillit të Lartë Gjyqës...
TIRANË– Partia Demokratike e ka quajtur një akt anti-kushtetues vendimin e Parlamentit për të shkarkuar nga detyra Presidentin e vendit, Ilir Meta. Me anë ...
TIRANË– Agron Shehaj ka lënë të nënkuptojë se ka të dhëna për vendimin që pritet të shpallë Gjykata Kushtetuese më 23 qershor, në lidhje me vendimin ...
TIRANË– Presidenti Ilir Meta ka reaguar për të herë të parë ndaj vendimit të deputetëve të Kuvendit për ta shkarkuar nga posti i kreut të shtetit. Për të ...
TIRANË– Jemin Gjana, kryetari i Komisionit të Zgjedhjeve në Partinë Demokratike para se të niste fjalimin e tij, ka hequr nga goja çëmç...
TIRANË– 7 deputetë të Kuvendit të Shqipërisë nuk kanë marrë pjesë në shkarkimin e presidentit Ilir Meta. Për arsye që ende nuk dihen, vota në kuti ka mungu...
TIRANË– Pas shkarkimit të kreut të shtetit Ilir Meta, vjen reagimi i parë nga Presidenca! Zëdhënësi i Presidentit Ilir Meta, Tedi Blushi, ka bërë me dije s...
TIRANË– Parlamenti ka vendosur për shkarkimin e presidentit Ilir Meta. Me 104 vota pro, 7 kundër dhe 3 abstenim, deputetët kanë vendosur që kreu i shtetit ...
TIRANË– Kuvendi i ditës së sotme kishte dhe momente që nuk duheshin humbur. Erion Piciri, u mundua të recitonte një kryevepër të letërsisë botërore poezin...