VLORË– 4 ekzekutime të bushjme kanë tronditur qytetin e Vlorës në më pak se 4 muaj! Vrasja e Gentjan Qarrit më 6 shkurt, pasoi tre ekzekutime të tjera në Vlorë. Të gjitha vrasjet kanë dy ’emërues’ të përbashkët, të vrarë në mes të qytetit dhe me kallashnikov!
Ekzekutimi i Delon Troqes mbrëmjen e djeshme, tronditi Vlorën. 38-vjeçari i martuar dhe baba i një djali është ekzekutuar me 5 plumba kallashnikovi. Troqe, i cili kishte vetëm pak ditë që ishte kthyer nga Spanja, ishte në servisin e tij të makinave bashkë me të vëllanë, mbrëmjen e djeshme në lagjen “Pavarësia”, pranë pallatit të sportit “Flamurtari”.
Rreth orës 21:50, persona të paidentifikuar e qëlluan me më shumë se 15 plumba kallashnikovi. 5 prej tyre përfunduan në trupin e Troqes, duke bërë që ai të ndërronte jetë. Brenda pak minutash vendi në derën e servisit të Troqes, do të kthehej në një ‘skenë morti’, ku familjarët e 38-vjeçarit e rrethuan trupin dhe vunë kujën me të qara.
Gentian Qarri, 40 vjeç, një person me precedentë penalë dhe i njohur me pseudonimin ‘Geçe’ është ekzekutuar me më shumë se 20 plumba kallahnikovi të lojit ‘Shars’ në Vlorë. Ngjarja e rëndë u regjistrua pasditen e 6 shkurtit në lagjen “29 Nëntori”, në afërsi të Bibliotekës së Vlorës dhe përballë Kishë Ortodokse, ku Qarri po ecte në këmbë. I pikasur nga autorët, Qarri është qëlluar me breshëri plumbash, më shumë se 20 herë dhe ka rënë në tokë. Atentatorët e pajisur me kapele dhe maskë janë larguar me shpejtësi nga vendi i ngjarjes, ndërsa 40-vjeçari u dërgua në spital. Plagët e shumta që kishte marrë në kraharor dhe këmbë, bënë që Gentian Qarri të ndërrojë jetë, duke mos mundur të tregojë asgjë çfarë mund të ketë parë tek vrasësit e tij.
Taulant Gjikaj alias Taulant Beqiraj, Manaj, 31 vjeç, me precedentë penalë dhe djali i një ish-punonjësi policie u ekzekutua mesditën e 3 marsit me breshëri kallashnikovi. Ngjarja e rëndë ndodhi në mes të ditës në Vlorë, në sy të qytetarëve pranë rrugës ‘Transballkanike’. Teksa ecte në këmbë, Gjikaj u qëllua nga një automjet me xhama të zinj katër herë dhe u la i vdekur në vend. Plumbat vinin nga një makinë ngjyrë gri, tip “Ford”, e cila ishte në ecje dhe brenda kishte më shumë se një person. 31-vjeçari, Gjikaj qëndroi për disa momente në tokë i rrethuar nga njerëz të shumtë që u përpoqën t’i jepnin ndihmën e parë, dhe më pas u transportua në spitalin e Vlorës. Aty ai ndërroi hetë si pasojë e plagëve të marra në pjesë të ndryshme të trupit. Autori i krimit me të njëjtën makinë u largua në drejtim të pyllit të Sodës në sy të kalimtarëve të cilët sinjalizuan autoritetet për itinerarin e tij. Pak momente pas ekzekutimit, Andi (Hansi) Jonuzaj, 44 vjeç dhe një biznesmen i njohur në zonë u vu në pranga.
Bledar Birçaj, 40 vjeç është ekzekutuar mesditën 10 majit tek vendi i njohur si “Bishti i Kalldrëmit” në qytetin e Vlorës. Biznesmeni ishte duke udhëtuar me automjetin e tij tip BMW x5 bashkë me një mikun e tij kur rruga i është prerë nga një tjetër automjet që ishte në ecje. Më shumë se 15 të shtëna janë lëshuar në drejtim të biznesmenit 40-vjeçar, i cili ka marrë 7 plumba. Ai u dërgua me urgjencë në spital por për fat të keq nuk ka mundur të shpëtojë. Me fat ka qenë miku i tij, i cili ka shpëtuar për mrekulli pavarësisht breshërisë së plumbave. Menjëherë pas ngjarjes, Policia e Shtetit ka ngritur një sërë pikash kontrolli në hyrje dhe dalje të Vlorës për të identifikuar dhe kapur autorët të cilët dyshohet se janë larguar në drejtim të Kaninës
(kle.mu./dosja.al)
Iftar dhe politikë, a u prek Muaji i Ramazanit nga politikanët?
DURRËS– Policia ka dalë me njoftim zyrtar pas arrestimit të djalit të Saimir Taullaut, Sajmojen Taullau dhe djalin e xhaxhait të tij.Policia bën me d...
VLORË– Rreth 20 persona janë shoqëruar në policinë e Vlorës gjatë mbrëmjes së djeshme, të cilët do të merren në pyetje për ekzekutimin e Delon Troqes.Dosja...
VLORË– Delon Troqe, 38 vjeçari që u ekzekutua me 15 plumba kallashnikovi mbrëmjen e djeshme pranë pallatit të sportit “Flamurtari” në Vlorë, përcil...
VLORË– Një makinë është djegur gjatë orëve të vona të natës në Vlorë.Një automjet i parkuar në oborrin e një banese, në zonën e quajtur ‘Ish-Fusha e Druve...
VLORË– Delon Troqe, 38 vjeçari që u ekzekutua mbrëmjen e djeshme me 15 plumba kallashnikovi, ditën e zgjedhjeve të 25 prillit është parë duke lëvizu...
Në vendin tonë moti do të karakterizohet nga alternime kthjellimesh dhe vranësirash të lehta që do të dominojnë gjatë orëve të para të ditës, ku më të shpeshta ...
VLORË- Fshati Zvërnec është një nder 100 fshatrat turistikë që qeveria shqiptare e ka vënë në listën prioritare. Por edhe pse është i rrethuar nga uji nga ...
VLORË– Delon Troqe, 38-vjeçari që u ekzekutua mbrëmjen e sotme kishte paditur Ministrinë e Financave në vitin 2017. Dosja.al ka mësuar se Troqe kërk...
VLORË- Të afërmit e Delon Troqes, i cili u ekzekutua mbrëmjen e sotme në Vlorë janë konflikuar më stafin e spitalit të Vlorës. Mësohet se një i afërm i vik...
VLORË- Edmond Breshanaj është mjeku që u dhunua mbrëmjen e sotme nga të afërmit e Delon Troqës, i cili u vra në Vlorë.Mësohet se të afërmit e Troqes, kanë ...