Bota

‘Unë zgjohem i frikësuar’, fëmijët e Gazës tregojnë tmerrin që po përjetojnë nga sulmet izraelite

19 Maj 2021, 06:24 Nga DOSJA
‘Unë zgjohem i frikësuar’, fëmijët e Gazës

IZRAEL– Një total prej 63 fëmijëve në Gaza dhe dy fëmijë në jug të Izraelit janë vrarë në përleshjet gjatë javës së kaluar. Për më tepër, 366 fëmijë janë plagosur në sulmet në Gaza, sipas shifrave të reja nga autoritetet shëndetësore në Rripin e Gazës të Martën.

Kjo do të thotë që tre fëmijë të rinj janë plagosur në luftë çdo orë që ka kaluar që kur konflikti u ndez të hënën e kaluar.

Sipas mediave të huaja, një djalë dhjetë vjeç në Gaza i tha Save the Children se sulmet ajrore e bënin atë shumë të frikësuar.

“Unë zgjohem i frikësuar. Sa herë që duam të dalim dhe të vijmë te dera, ka një sulm të ri, dhe ne duhet të vrapojmë përsëri sa më shpejt që të kemi mundësi. Sa herë që vë kokën në jastëk, ka një sulm të ri dhe zgjohem i frikësuar, ”– tha djali.

Save the Children paralajmëron për një krizë të trefishtë për fëmijët në Gaza. Vetë bombat, sistemi energjetik dhe infrastruktura që po shkatërrohen, dhe fakti që fëmijët e plagosur dhe të sëmurë nuk lejohen të largohen nga Gaza për mjekim.

“Rreth 60 fëmijë në Gaza janë vrarë brenda një jave. Sa familje duhet të humbin të dashurit e tyre para se bashkësia globale të marrë masa? Ku mund të vrapojnë fëmijët për t’u mbuluar kur sulmet ajrore bien në shtëpitë e tyre, “– vuri në dukje Jason Lee, menaxher i vendit për Palestinën në Save the Children.

Luftimet nisën pas një përplasje mes policisë izraelitëve dhe palestinezëve në vendin e shenjtë në Jeruzalemin lindor. “Haram al sharif” është Mali i Tempullit dhe frekuentohet edhe nga myslimanët palestinezë edhe nga izraelitët. Përplasjet vazhduan dhe autoritetet izraelite përgjatë muajit të Ramazanit kërkuan të dëbonin familjet palestineze që jetojnë në Jeruzalemin lindor. Gjatë përplasjeve, Hamas kërkoi që qeveria izraelite të largonte policinë dhe të mos dëbonte familjet por thirrjet nuk u dëgjuan.

Lajmi kryesor/ 10 ditë LUFTË! Konflikti mes Izraelit dhe Palestinës shënon 220 viktima, në pak minuta hidhen 122 bomba në Gaza. Save the Children ngre alarmin: Krizë e trefishtë për fëmijët

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota jason lee lufta izrael-palestine save the children jason lee lufta izrael-palestine save the children

Sondazh

Poll

MË SHUMË