Politike

Komisioni i Ligjeve e njoftoi për nismën për shkarkim, Meta: S’ka asnjë sqarim megjithatë takohemi me 10 maj

5 Maj 2021, 10:03 Nga DOSJA
Komisioni i Ligjeve e njoftoi për nismën për shkarkim, Meta:

TIRANË– Presidenca i ka kthyer përgjigje nismës së maxhorancës për shkarkimin e Ilir Metës nga pozita e kreut të shtetit. Me anë të një dokumenti zyrtar, Presidenca pretendon se në dokumentin me firmat e deputetëve nuk jepet asnjë njoftim apo sqarim lidhur me arsyet se përse dërgohet, por është shprehur gati që të paraqitet në Komisionin  e Ligjeve më 10 maj. Por Meta gjithashtu kërkon zbardhjen e disa ngjarjeve të tjera gjatë fushatës elektorale, duke përmendur plagosjen në Kavajë; vrasjen e Elbasanit dhe përplasjen më 14 mars, po në të njëjtin qytet. 

“Pra, kush e nxiti krimin? Kush i mbrojti personat me precedentë penalë? Përse nuk u hetuan dhe ndaluan në kohë? Nga këtu duhet ta nisi Kuvendi! Këtyre pyetjeve duhet t`i japë përgjigje Kuvendi! A ishin personat me precedentë penalë që shoqëruan Kryeministrin në Ditën e Verës dhe që ushtruan dhunë ndaj mbështetësve të opozitës në 14 mars, të njëjtë me personat që u kallëzuan nga Partia Demokratike në SPAK në datë 7 prill, dhe po të njëjtët ata që u përfshinë dhe nxitën konfliktin në ngjarjen e Elbasanit të datës 21 prill?!Ndërkohë që në ngjarjen e 21 prillit 2021, ishin të pranishëm drejtues të Policisë së Shtetit dhe efektivë të saj, pse Policia e Shtetit nuk ndërhyri, por u lejua largimi i personave të përfshirë nga vendi i krimit? Përse organet ligjzbatuese (Policia dhe Prokuroria) dhanë dy versione të ndryshme për ngjarjen? Kjo çështje patjetër që duhet zbardhur!,”-shkruhet ndër të tjera në përgjigjen zyrtare. 

Kjo është hera e dytë që PS-ja përpiqet të shkarkojë Presidentin Ilir Meta, me pretendimin se ka ndërhyrë në zgjedhje. Herën e parë gjithçka nisi pasi Meta nuk pranoi të dekretonte ministrin Gent Cakaj si Ministër për Europën dhe Punët e Jashtme, si dhe Sandër Lleshajn për postin e Ministrisë së Brendshme. Kulmi arriti kur Presidenti nuk pranoi të dekretonte 30 qershorin si datën e zgjedhjeve.

Komisioni Hetimor për shkarkimin e Presidentit Ilir Meta, doli në konkluzionin, se kreu i shtetit ka shkelur kushtetutën me dy dekretet e tij, por nuk çojnë domosdoshmërisht në shkarkimin, e tij, por duhet marrë masa për të evituar situata të tilla në të ardhmen. Sipas Komisionit, veprimet e Metës nuk kanë pasur pasoja të rënda për vendin. Pas deklaratës së Komisionit, Meta dhe Ruçi zhvilluan një takim dhe u zotuan se do të vijonin punën së bashku.

Lexo të plotë dokumentin këtu

(k.m/dosja.al)

Rama është propozuar për president nga disa deputetë socialiste, mendoni se:

View Results

politike politike ilir meta komisioni i ligjeve shkarkimi i metes 2 ilir meta komisioni i ligjeve shkarkimi i metes 2

Sondazh

Poll

Politike 5 Maj 2021, 09:20

TIRANË– Kryeministri Edi Rama dhe kreu i Partisë Demokratike Lulzim Basha janë larguar nga Rinasi në një periudhë kohore 2 minuta pas njëri-tjetrit. Ata da...

MË SHUMË