TIRANË– Gjysmat e kutive të votimit (2661) janë numëruar në të gjithë vendin dhe forcë e parë sipas rezultateve të deritanishme është Partia Socialiste, me 37,4437 vota (48.79 %). Partia Demokratike bashkë me Lëvizjen Socialiste për Integrim janë mjaft të favorizuara në zonën e Veriut. PD-ja ka 30,1488 vota (39.28 %), ndërsa LSI-ja ka 54,077 vota (7.05 %). Partia e katërt në rang vendi është PSD-ja e Tom Doshit me 16,391 vota, ose 2.14 %.
Nga të gjithë kutitë e hapura është vënë re një trend; PS dhe LSI kanë pësuar rënie në elektorat, ndërsa PD ose ka rritje, ose nuk ka humbur asnjë votë nga zgjedhjet e 2017. Edhe në ato që mund të cilësohen si bastione të sigurta të PS-së, socialistët kanë shënuar rënie në rezultat, duke i krahasuar shifrat me ato ç’ka fituan në vitin 2017. Po ashtu të njëjtin trend por edhe më drastik ka LSI-ja. Mesa duket dy forcat e majta nuk kanë punuar mjaftueshëm me bazat duke i cilësuar si të sigurta, por rezultatet tregojnë se kanë gabuar.
Në Shkodër PD-LSI marrin 43.20 % të votave, shumë më tepër se PS-ja që ka marrë vetëm 29.83 %, ndërsa në Lezhë PD-LSI që marrin 55.9% kundrejt PS me 42.8%. Edhe në Dibër, PD-LSI kryesojnë me 50.2% kurse PS ndjek me 47.2%. Në Kukës PD-LSI kanë 62.9% të votave, kurse PS 35.9%. PSD ka 9 mijë e 745 vota, 1,94%. Në 8 qarqet e tjera PS-ja kryeson me mbi 50%. Më favorite është në Durrës e Vlorë ku ka mbi 56.1% dhe 58.4% të votave në këto dy zona.
Një zhvillim i papritur ka qenë edhe tërheqja e Tom Doshit nga procesi i zgjedhjeve. Me një letër drejtuar KQZ-së, Doshi kërkoi zëvendësimin e tij. Vendimi i Doshit ka ardhur në mënyrë të papritur, kur në fakt PSD-ja sipas të dhënave zyrtare ka marrë një numër të konsiderueshëm votash, prej 5384 votash (3 deputetë), por Doshi pretendon se do të sigurojë 4, me nga 2 në Shkodër e Durrës.
5199 QV kanë pritur 107 mijë e 024 të rinj, të cilët kanë ushtruar votën për herë të parë. Në këto zgjedhje marrin pjesë 12 parti dhe tre kandidatë të pavarur nga Lëvizja Vetëvendosje. I pavarur kandidon dhe minatori Elton Debreshi.
Partia Socialiste kërkon të marrë një mandat të tretë, që nuk është dhënë asnjëherë në historinë pluraliste të Shqipërisë, ndërsa opozita, e përbërë nga Partia Demokratike, Lëvizja Socialiste për Integrim dhe parti të tjera aleate kërkojnë rotacion. Exit Poll-et kanë nxjerrë fituese Partinë Demokratike, edhe pse rezultati ka qenë i ngushtë. Mesa duket do të jenë mandatet e LSI-së ato që do të vendosin krijimin e qeverisë së re.
SI ËSHTË REZULTATI NË TRE PARTITË MË TË MËDHA?
Partia Socialiste 48.82% ose 352,967vota.
Partia Demokratike 39.23 % ose 283,578 vota.
LSI 7.09 % ose 51,248 vota.
PSD 2.12% ose 15, 337vota në rang vendi.
(I.A;k.m;f.m;kle.mu/dosja.al)
Rama është propozuar për president nga disa deputetë socialiste, mendoni se:
VLORË– Ambasadori britanik në Shqipëri, Duncan Norman ka ndjekur nga afër procesin e numërimit në qytetin e Vlorës. Në një prononcim të shkurtër për gazeta...
KOLONJË– Partia Socialiste ka rrëmbyer fitoren në Kolonjë dhe simpatizantët socialistë nuk e kanë fshehur dot gëzimin.Ata janë rreshtuar jashtë zyrave të q...
TIRANE- Një rezultat i ngushtë me gjasë do të jetë përfundimi i zgjedhjeve të 25 prillit. Partia Demokratike dhe Partia Socialiste dy rivalet kryesore, nuk e ki...
Procesi i numërimit të votave të së dielës u ngadalësua derisa pothuajse ndaloi mesditën e së hënës, ndërsa kutitë e numëruara tregojnë se socialistët mund të j...
TIRANË– Komisioni Qendror i Zgjedhjeve ka bërë përditësimin më të fundit të të dhënave. Në total janë numëruar 2244 kuti nga 5199, pra rreth 43.2%, dhe re...
DURRËS– Mbështetësit e Partisë Demokratike kanë nisur festën e fitores pas mbylljes së procesit të votimit më 25 prill. JOQ ka publikuar videon e një...
TIRANË– Zëdhënësja e fushatës së Partisë Demokratike, Floriana Garo ka lëshuar sinjal fitoreje nga selia blu në kryeqytet. Në një deklaratë për mediat, Gar...
TIRANË- Kryetari i degës së Lëvizjes Vetëvendosje në Shqipëri dhe kandidati i kësaj partie për deputet në qarkun e Tiranës, Boiken Abazi, është ankuar se p...
DIBËR– Një incident ka ndodhur ditën e sotme në Dibër, në një qendër votimi. Në video të ‘Dosja.al’ shihet që policia ka qënë e pranishme në ambinetet e qe...
TIRANË– Ende pa nisur numërimi i votave të kandidatëve për deputetë, ka startuar lufta mes llojit. Ish-kryeministri Berisha ka publikuar një video ku shfaq...