ELBASAN– Dosja.al ka mësuar se Emiljan Prenga, një nga katër personat që mbetën të plagosur në masakrën e Elbasanit që tronditi vendin mesditën e sotme ka qenë gjithashtu një efektiv policie. Prenga rezulton të jetë vënë në pranga në muajin nëntor të vitit 2016, pasi i ka bërë presion një personi me inicialet K.P., për t’i dhënë 11 mijë euro.
Ky kërcënim erdhi pas prishjes së pazareve të drogës mes Prengës dhe personit tjetër, me inicialet K.P.. Konkretisht ky i fundit kishte porositur 50 kg kanabis në Krujë me vlerë 550 euro për një kilogram për një mikun e tij në Durrës. Në momentin që droga nuk shkoi në Itali, në destinacionin që duhej të shkonte, Prenga nisi kërcënimet drejt personit me inicialet K.P..
Pjesë nga Dosja e Prokurorisë në vitin 2016
Në datë 01.11.2016, shtetasi K.P. banues ne Tirane, ka kallëzuar se: Rreth nje vit me pare, ky shtetas ishte njohur me punonjesin e policise me detyre agjent i Sektorit Operacional ne DVP Tirane, te quajturin Emiljan Prenga. Ne bisedat me Emiljanin, kallezuesi i ka treguar ketij te fundit edhe te shkuaren e tij ne Itali, ku ka qene ne burg per vjedhje dhe histori te tjera te ketij lloji. K.P. ka kallzuar se kishte planifikuar qe ne muajin gusht 2016 te shkonte ne Itali per disa pune te tijat dhe kete fakt ia ka bere te ditur gjate bisedave edhe Emiljan Prenges.
Sipas kallëzuesit, pasi ka mësuar këtë fakt Emiljani i kishte propozuar që të gjente persona të interesuar për blerjen e lëndës narkotike “cannabis sattiva”. Lidhur me transportin duhet të merreshin vetë të interesuarit. Ne muajin gusht 2016, kallezuesi ka shkuar ne Rome ne Itali dhe aty eshte takuar edhe me njohurin e tij, te quajturin A.N. i cili i ka thene nese njihte ndonje person ne Shqiperi qe t`i siguronte deri 50 kg hashash, te cilen t`ia dergonte nje shokut te tij ne Durres.
Ai e blinte ne Itali, por nuk kishte leke ne dore ne Shqiperi per t’a paguar dhe pagesen e mallit e bente pasi ta shiste hashashin në Itali. Këtë propozim kallezuesi ia ka treguar Emiljanit ne numrin e tij te telefonit xxxxx442 nga nje numër italin, te cilin nuk e kujton. Sipas kallëzuesit, Emiljani ka rene dakort qe te conte ne Durres tek personi qe ishte shoku i A.N. dhe per kete, po ne telefon, Emiljanos i ka derguar numrin e personit ne Durres me te cilin Emiljano duhet te komunikonte vete. Ne Itali, kallezuesi ka qendruar rreth dy muaj pasi autoritetet e policise italiane e kishin kthyer ne Shqiperi nepermjet Rinasit. Gjate kohes qe ai ka qene ne Itali, ai tregon se ka mesuar nepermjet bisedave qe ka bere me Emiljanon se ai kishte cuar tek personi ne Durres ne fillim 30 kg hashash, te cilin e kishte marre ne Kruje. Por personi kishte mbajtur vetem 20 kg, sepse 10 kg nuk kishin qen cilësi e mire.
Çmimi me te cilin Emiljano e kishte siguruar hashashin kishte qene 550 euro/kg sepse ishte dora e pare e hashashit te Krujes. Kete 20 kg hashash personi ne Durres ia kishte dhene nje shoferi qe ta conte ne Bari te Italise, por ky i fundit nuk e kishte nisur mallin per Itali, duke i genjyer disa here. Per kete shkak, Emiljano kishte shkuar dhe e kishte rrahur shoferin dhe kishte marre mbrapsh edhe 20 kg e hashashit, te cilat ashtu sic i kishte ambalazhuar ne nje kuti te mbyllur i kishte cuar ne shtepine e kallezuesit, ku jetonte bashkejtuesja e tij, shtetesja A. A. Kjo e fundit ka marre ne telefon kallezuesin, duke i shpjeguar se Emiljano kishte sjelle ne shtepi nje kuti qe binte ere te keqe dhe pas dy ditesh me kerkesen e kallezuesit, Emiljano ka shkuar e ka marre prape kutine e hashashit nga shtepija e kallezuesit. Kallezuesi eshte kthyer ne Shqiperi nga policia italiane dhe kur eshte takuar me Emiljanon, ky i fundit i ka thene qe te merrte 20 kg e hashashit qe ai kishte blere dhe Emiljanos t`i jepte njembedhjete mije euro aq sa ai e kishte blere. Kallezuesi i eshte pergjigjur se nuk kishte pune me kete problem, por Emiljano sipas tij e ka kercenuar duke i dhene afat nje muaj per ta shitur 20 kg e hashashit. Per kete Emiljano e kishte marre dy ose tre here ne dite ne telefon kallezuesin per t`u interesuar se cfare po bente dhe eshte takuar pothuajse cdo dite, duke e mbajtur nen presion per te gjetur 11 mije eurot qe kerkonte Emiljano, duke i thene se 20 kg e hashashit i kishte tek Emiljano t`i merrte e t’i shiste e t’i jepte leket Emiljanos.
Sot Prenga ishte në Elbasan në momentin që ndodhi ngjarja e rëndë, ku mbeti i vdekur Pjerin Xhuvani, dhe shkaku kryesor dyshohet se është shitblerja e votës. Pjerin Xhuvani, një emër i njohur i botës së krimit në Elbasan, me një organizim të hershëm politik në LSI e së fundmi në PS u vra në rrethana të panjohura, ndërsa autori mendohet se është një nga anëtarët e shtabit të PD, Arbër Papleka, ish-oficer i RENEA. Ai është arrestuar tashmë nga policia dhe ka thënë se e gjitha ka qenë për vetëmbrojtje. Të plagosur mbetën katër persona të tjerë, Emiljan Prenga, Eltjon Bodinaku, Pavlo Vuksani dhe efektivja Xhensila Sota.
(f.m/Dosja.al)
Rama është propozuar për president nga disa deputetë socialiste, mendoni se:
ELBASAN- Pjerin Xhuvani, mjek dhe politikan lokal–ish-drejtues i LSI në Elbasan i afruar së fundmi me Partinë Socialiste, mbeti i vrarë në një konflikt me armë ...
TIRANË– Gazetari investigativ Artan Hoxha ka deklaruar se paraditen e sotme janë parë në Elbasan të qarkullonin tre furgonë. I ftuar në ABC, Hoxha th...
VLORË– Policia ka dhënë njoftimin zyrtar për ngjarjen e ndodhur në Vlorë. Në njoftim thuhet se është qëlluar me armë zjarri drejt një lokali në pronë...
TIRANË- Elisabeta Gjopalaj ka humbur jetën ditën e sotme. 33-vjeçarja mbeti e aksidentuar ditën e djeshme nga autostradën Lezhë-Milot.Burime për Dos...
VLORË- Të shtëna me armë zjarri janë regjistruar në Vlorë pasditen e sotme. Mësohet se persona ende të paidentifikuar kanë qëlluar me armë zjarri drejt një...
ELBASAN- Dosja.al ka siguruar momentin kur makina ku dyshohet se kishte para dhe karta identiteti është marrë nga vendi i ngjarjes. E hipur mbi një karrotrec, m...
TIRANË– Gazetari Artan Hoxha ka komentuar masakrën që tronditi Elbasanin mesditën e sotme, ku mbeti i vdekur Pjerin Xhuvani dhe katër të tjerë u plag...
TIRANË– Mbërrijnë në spitalin e Traumës dy nga të plagosurit e masakrës së Elbasanit, Eltjon Bodinaku dhe Pavlin Vuksani. Të dy janë sjellë me emergjencë n...
TIRANË– 5 viktima dhe 138 raste të reja, ky është bilanci i koronavirusit gjatë 24 orëve të fundit në vend. Ministria e Shëndetësisë ka bërë me dije ...
ELBASAN– Kelmend Ymer Xhaferri është shpallur në kërkim nga policia pas masakrës së ndodhur në qytetin e Elbasanit ku mbeti i vrarë Pjerin Xhuvani. Mësohe...