ELBASAN– Pjerin Xhuvani, 56 vjeç, i njohur si mbështetës i Partisë Socialiste dhe ish-drejtori i Fondit të Detyrueshëm të Kujdesit Shëndetësor është ekzekutuar sot me armë zjarri. Dosja.al ka mësuar se Xhuvani ka marrë tre plumba në trup, por ai pranë zemrës i mori jetën dhe e la të vdekur. Ngjarja e rëndë që ka marrë tashmë dhe emrin “Masakra e Elbasanit”, la pas edhe katër persona të plagosur. Ata janë: ish-polici Emiljan Prenga 39 vjeç, person me precedent penalë; Pavlo Vuksani 50 vjeç, ish-efektiv i policisë kriminale; Eltjon Bodinaku 32 vjeç (dhëndrri i viktimës) si dhe efektivja e forcave “Shqiponja”, Xhensila Sota 27 vjeçe.
Të katër të plagosurit ndodhen në spitalin e Traumës, ku po marrin mjekimin e nevojshëm që por Bodinaku dhe Prenga janë në gjendje të rëndë për jetën. Ish-efektiv Prenga ka marrë një plumb në kohë, ndërsa Bodinaku ka hematoma të mëdha në pjesën e kohës dhe plagë të shkaktuar nga një armë zjarri në pjesën e kraharorit.
Si ndodhi e gjithë ngjarja?
Gjithçka nisi pasi shtabi elektoral i Partisë Demokratike kishte ndaluar një makinë, pasi dyshonte se personat që ndodheshin brenda saj, Pjerin Xhuvani dhe Mehmet Dafllaku po shpërndanin para në këmbim të votës. Anëtarët e PD-së kanë kërkuar që të kontrollojnë mjetin, ndërsa Xhuvani nuk ka pranuar. Kjo gjë ka sjellë përplasjen fizike me palëve. Të alarmuar nga ajo që po shikonin, banorët e zonës kanë lajmëruar policinë, por përpara uniformave blu, në vendin e ngjarjes kanë mberritur mbështetësit dhe njerëzit e Xhuvanit, që siç deklaroi më edhe Gazment Bardhi, ishin me makina të blinduara. Ata ishin të armatosur dhe qëlluan drejt shtabit të PD-së e pjesëtarëve të Strukturës për Mbrojtjen e Votës.
I pari që ka qëlluar rezulton të jetë Kelmend Xhaferri, i cili tashmë është shpallur në kërkim dhe akuzohet për pjesëmarrje në këtë masakër, pasi la të plagosur dy ishefektivët Prenga e Vuksani. Pala e Strukturës për Mbrotjen e Votës është kundërpërgjigjur dhe ka qenë ish-efektivi i forcave RENEA, Arbër Papleka ai që ka nxjerrë armën dhe ka qëlluar. Përplasja me armë zjarri ka vijuar, duke lënë kështu të vdekur Xhuvanin, duke plagosur dhëndrrin e tij, Bodinaku dhe efektivë Sota. Kjo e fundit bashkë me gruoin efektivëve të forcave “Shqiponja” ishin të pranishëm në momentin që ndodhi e gjitha masakra që përgjaku këtë fushatë zgjedhore.
Menjëherë pas krimit, ka qenë vetë Pepkola ai që është dorëzuar në polici. 36-vjeçari, një ish-efektivi i forcave RENEA dhe baba i katër fëmijëve ‘u zhduk’ nga skena e krimit, mori makinën e një qytetari dhe udhëtoi drejt Tiranës. Ai u fut në zyrën e komandantit të forcave RENEA, dorëzoi armën e zjarrit dhe u deklarua fajtor për vrasjen e Xhuvanit, duke u vënë më pas në pranga. Në dëshminë e tij, Pepkola ka thënë se ka qëlluar për vetëmbrojtje, pasi është ndjerë i kërcënuar për jetën ng apala përballë.
Hetimet për ngjarjen janë në vijim e sipër, por kjo masakër ka hapur një valë reagimesh në palët politike. Presidenti Ilir Metqa u tregua i prerë kur tha se nuk kishte asnjë koment për krimin e kryer, por që kërkonte zbardhjen e tij sa më shpejt. Kryeministri Edi Rama tha se kriminelët në këtë rast ishin ata të Partisë Demokratike pasi Pepkola ishte pjesë e skuadrës së tyre. Vetë Gazment Bardhi mohoi që Papleka të ishte truporoja e tij, por shtoi se ai ka reaguar pasi është qëlluar me armë zjarri nga pala e viktimës, Pjerin Xhuvani.
Ndërkombëtarët e kanë dënuar këtë krim të rëndë, dhe kanë bërë thirrje për zbardhjen e saj e për vënien e autorëve përballë drejtësisë. Gjithashtu ambasadorët kanë kërkuar përmbajtje nga liderët politikë.
Kush ishte Pjerin Xhuvani?
Pjerin Xhuvani është i njëjti person i cili u përfshi në sherrin mes mbështetësve të Partisë Demokratike dhe asaj Socialiste në Elbasan Ditën e Verës. Xhuvani ka qenë disa vite më parë drejtues i Lëvizjes Socialiste për Integrim, ndërsa tashmë në vitet e fundit ishte angazhuar pranë Partisë Socialiste. Xhuvani ka qenë ish- drejtor në Drejtorinë Rajonale të Fondit të Sigurimit të detyrueshëm të Kujdesit Shëndetësor Tiranë, dhe është prangosur 6 vite më parë pasi akuzohej se i shkaktoi dëm rreth 56 milionë lekë të reja shtetit. Më 14 mars ai ishte pjesë e turmës që goditi mbështetësit e PD të cilët thërritën Rama ik gjatë parakalimit të kryeministrit Edi Rama.
Kush është Arbër Papleka?
Arbër Papleka, i cili tashmë ndodhet pas hekurave si autor i masakrës së ndodhur në qytetin e Elbasanit ka qenë efektiv i forcave RENEA. 36-vjeçari, babai i katër fëmijëve, me origjinë nga Tropoja, ka qenë shef i njësisë së posaçme në policinë e shtetit në Tiranë dhe efektiv i forcave RENEA. Në vitin 2018, Papleka u shkëput nga forcat RENEA dhe u zgjodh si pjesë e grupit të sigurisë nga stafi i Ambasadës Amerikane në Tiranë. Papleka u bë pjesë e një konkursi të cilin e fitoi pasi kishtë një përgatitje shumë të mire. Më pas, ai u bë pjesë e grupit të Strkturës për Mbrojtjen e Votës në Elbasan.
Kush është Emiljan Prenga?
Emiljan Prenga, një nga katër personat që mbetën të plagosur në masakrën e Elbasanit që tronditi vendin mesditën e sotme ka qenë gjithashtu një efektiv policie. Prenga rezulton të jetë vënë në pranga në muajin nëntor të vitit 2016, pasi i ka bërë presion një personi me inicialet K.P., për t’i dhënë 11 mijë euro. Ky kërcënim erdhi pas prishjes së pazareve të drogës mes Prengës dhe personit tjetër, me inicialet K.P.. Konkretisht ky i fundit kishte porositur 50 kg kanabis në Krujë me vlerë 550 euro për një kilogram për një mikun e tij në Durrës. Në momentin që droga nuk shkoi në Itali, në destinacionin që duhej të shkonte, Prenga nisi kërcënimet drejt personit me inicialet K.P..
Kush është Pavlo Vuksani?
Pavlo Vuksani ka qenë punonjës i policisë kriminale. Dosja.al ka mësuar se më 19 shkurt të vitit 2013, Vuksani ka rënë pre e një atentati me eksploziv. Artan Koçeku dhe dy vëllezërit Nikolin dhe Marjan Thani kanë vendosur eksploziv makinës së ish-efektivit Vuksani, në lagjen “Skënderbeg”, në qytetin e Shkodrës. Ishte një operacion i koduar “Pikat e karburanteve”, që solli zbulimin dhe arrestimin e autorëve, të cilët veç vendosjes së eksplozivit ndaj automjetit të oficerit të Policisë Vuksani kanë kryer grabitjen e 8 pikave të karburantit në zonën e Shkodrës dhe të Lezhës, vjedhjen e 12 dyqaneve (kryesisht televizorë “Plazma”), si dhe të 2 automjeteve.nga atentati në fjalë, Vuksani nuk mbeti i plagosur pasi nuk ishte në mjet në momentin që shpërtheu lënda plasëse.
(k.m;f.g/dosja.al)
Rama është propozuar për president nga disa deputetë socialiste, mendoni se:
ELBASAN– Një mjet i cili dyshohet se shpërndante para është ndaluar ditën e sotme në qytetin e Elbasanit. Mësohet se mjeti i shpërndante paratë në lagjen ‘5 Maj...
SHQIPËRI– Një operacion masiv i Europol kundër grupeve kriminale ka çuar në pranga 151 persona. Operacioni “Trivium XIV” është zhvilluar në 17 vend...
TIRANË– Luan Rama ka reaguar në lidhje me arrestimin e dy militantëve të LSI-së në Vlorë. Ai ka ndarë foto me turkun Abdulgafur Balikç i cili ...
BERAT– Dy persona të shpallur në kërkim kanë rënë në prangat e policisë së Beratit ditën e sotme, të cilët akuzohen për vepra të ndryshme penale.Polica bë...
KORÇË-Një 38-vjeçar është arrestuar ditën e sotme në Korçë, pasi u kap duke tentuar të trafikonte emigrant të paligjshëm drejt vendeve...
TIRANË- Taulant Mekollari i cili tentoi disa ditë më parë që të përplaste çiftin me makinë, është lënë në burg.Ky është vendimi që është dhënë ditën...
TIRANË– Të martën pasdite, Lapsi.al ka dorëzuar në sekretarinë e Gjykatës së Posatçme një ankim kundrejt vendimit politik, të padrejtë dhe të ...
TIRANË– Nga zgjedhjet e 25 prillit na ndajnë vetëm 4 ditë. Ndërkohë ka nisur puna për të ruajtur institucionet më kryesore në vend.Dosja.al mëson se për sh...
TIRANË– CRCA/ECPAT Shqipëri do të përballet më 29 Prill 2021 në një gjyq me Bashkinë e Tiranës. Qendra për Mbrojtjen e të Drejtave të Fëmijëve i është dre...
TIRANË– Vazhdon “maratona” për gjyqin e grupit të Shullazit. Në seancë është kërkuar dorëheqja e gjyqtares Miliana Muça, por Gjykata ka rrëzuar kërk...