Politike

21 Prill 2021, 09:32 Nga DOSJA

TIRANE- Ish-trajneri i kombëtares shqiptare të futbollit, Gianni de Biasi ka qenë nën vëzhgimin e patronazhistëve të Partisë Socialiste. Sipas regjistrit elektronik rezulton se De Biasi ka qenë nën patronazhin e Alban Hoxhës, ndërsa nuk dihet nëse ky emër përkon me atë portierit të Partizanit, apo është një person tjetër.

Ndërkohë që në një intervistë për “Panorama Sport”, ish-trajneri me shtetësi shqiptare, sot nën drejtimin e kombëtares së Azerbajxhanit, e ka pritur me humor, duke e quajtur patronazhistin e tij, spiun.

Mister, a keni dëgjuar ndonjëherë për “patronazhistin”?

Ç’dreqin është ky?

Është një vullnetar që aderon në një parti dhe siguron të dhëna për qytetarë të ndryshëm, të cilët ai i ka në “patronazh” dhe informon se për kë votojnë, çfarë bindjesh kanë etj…

Edhe ç’lidhje kam unë me këtë?

Prej dsa ditësh në Shqipëri është bërë publike lista e Partisë Socialiste për qindra mijëra qytetarë dhe aty figuron edhe emri juaj.

Po me mua ç’kanë? Pse duhet të jetë emri im aty…?

Po, sepse edhe ju keni një patronazhist…

Prit pak prit, se këtë termin që përdorni me sa kuptoj e keni fjalën për dikë që raporton për mua apo për të tjerë se çfarë bëjmë, kë votojmë, etj…

Pak a shumë…

Ah, po dakord pra, por thuaj “spiun”. Këta janë spiunë… Pra edhe unë e paskam një spiun?! Uh, e çuditshme.

(F.G/dosja.al)

Rama është propozuar për president nga disa deputetë socialiste, mendoni se:

View Results

politike politike alban hoxha gianni de biasi skandali me te dhenat personale alban hoxha gianni de biasi skandali me te dhenat personale

Sondazh

Poll