Politike

Prokuroria përfundon hetimet e thelluara për dy kandidatë: Napolon Laska i Nismës Thurje rezulton i pastër, Artur Bakut të

16 Prill 2021, 11:44 Nga DOSJA

TIRANË– Prokuroria e Përgjithshme ka mbyllur hetimet e thelluara për dy kandidatë të listave të Lëvizjes Socialiste për Integrim dhe Nismës Thurje. Në shkresën e sjellë nga Prokuroria e Përgjithshme, shihet se bëhet fjalë për kandidatin e Nismës “Thurje”, Napolon Laska dhe për një kandidat tjetër të cilin ende nuk i është zbuluar identiteti.

Në shkresën zyrtare, rezulton se Laska është i pastër, duke bërë që ai të garojë lirisht në zgjedhjet e 25 prillit. Konkretisht në dokumentin e prokurorisë thuhet se Laska nuk rezulton se:

-Nuk rezultoi të ketë kryer ndryshime në përbërësit e gjendjes civile të ndryshme nga ato të deklaruara në formularë;
-Nuk rezultoi i dënuar me vendim të formës së prerë, për kryerjen e ndonjë vepre penale, nga autoriteti gjyqësor shqiptar;
-Nuk rezultoi i dënuar me vendim gjyqësor jopërfundimtar nga një autoritet gjyqësor shqiptar për një çështje penale të pazgjidhur me vendim gjyqësor të formës së prerë;
-Nuk rezultoi të ketë qenë i ndaluar apo arrestuar nga organet ligjzbatuese, për kryerjen e një vepre penale;
-Nuk rezultoi të ketë qenë i siguruar me ndonjë masë shtrënguese të sigurisë personale.

Ndërsa kandidati i Lëvizjes Socialiste për Integrim, Artur Baku ka rezultuar që është arrestuar vënë në pranga në vitin 2015 ku dhe është akuzuar për ‘shpërdorim detyre’. Pavarësisht kësaj, dokumenti për Bakun është dërguar në KQZ për tu marrë vendimi përfundimtar në lidhje me të. 

 

Njoftimi i plotë:

Prokuroria e Përgjithshme në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, Vendimit nr. 17/2016 të Kuvendit të Republikës së Shqipërisë, si dhe urdhrit të Prokurorit të Përgjithshëm nr. 41, datë 11.02.2020 përfundoi verifikimin për 2 subjekte vetëdeklarues, kandidatë në zgjedhjet parlamentare të 25 prillit dhe ia përcolli organit kompetent, në këtë rast Komisionit Qendror të Zgjedhjeve rezultatet e verifikimit (në zbatim të nenit 12 e 13 të Kreut V të Vendimit të Kuvendit nr.17/ 2016), për të shqyrtuar nëse janë evidentuar të dhëna që përfshihen në sferën e kufizimeve të nenit 2 të ligjit nr. 138/2015 dhe në vijim dhe të vlerësojë nëse ato janë brenda periudhës së ndalimit të përcaktuar në nenin 4 të po këtij ligji.

Sektori i Dekriminalizimit në Prokurorinë e Përgjithshme është në komunikim të vazhdueshëm me të gjitha institucionet e përfshira në këtë proces dhe po trajton të gjitha kërkesat e përcjella, për verifikim të thelluar e të plotë të të dhënave të pasqyruara në Formularët e Vetëdekla rimit nga personat, subjekte të këtij ligji që garojnë për zgjedhjet parlamentare të 25 prillit. Kujtojmë se Prokuroria e Përgjithshme ka nisur hetimin e thelluar për 30 kandidatë për deputetë të partive të ndryshme, pasi ka dyshime se janë të prekur nga ligji i Dekriminalizimit.

Prej ditësh Prokuororia e përgjithshme ka nisur një hetim më të thelluar për 28 kandidatë që u përkasin listave të ndryshme të partive. 

LISTA E PLOTË

Koalicioni ABEOK
Altin Gjeloshaj
Elsa Voka
Daniel Prroj
Ervis Beu
Ido Pashaj

Partia Bindja Demokratike
Arsen Belaj
Bahri Shabani

Partia Lëvizja për Ndryshim
Dashamir Tahiri
Adrian Gjoka

Partia Lëvizja e Re
Ilmi Kuka

Partia Lëvizja Socialiste për Integrim

Arbër Arifaj
Ashim Tafilaku
Aelton Ismaili
Ferdinant Aligjoni
Ilir Hysi
Artur Baku

Partia Nisma Thurje
Boris Shakaj
Napolon Laska

Partia Demokratike
Agron Kapllanaj
Gentian Muca
Rezeart Tusha
Zef Hila

Partia Social Demokrate
Kleo Murataj
Tom Doshi
Serdar Hoxha

Partia Socialiste
Artan Bitri
Halim Dauti
Leonard Beqiri

(f.m/dosja.al)

Rama është propozuar për president nga disa deputetë socialiste, mendoni se:

View Results

politike politike napolon laska zgjedhjet 25 prill 2021 napolon laska zgjedhjet 25 prill 2021

Sondazh

Poll

Politike 16 Prill 2021, 11:30

TIRANË-Presidenti i Republikës, Ilir Meta përkujtoi betejën historike të Topanasë së 18 tetorit 1942 në Vlorë, duke vlerësuar me Dekoratën “Nderi i Kombit”...

MË SHUMË