Aktualitet

Greva në Rinas/ Ushtria dhe FNSH-ja marrin në mbrojtje godinën, nisin hetimet, Balluku: Do nxirreni jashtë, ky është grush

7 Prill 2021, 07:52 Nga DOSJA
Greva në Rinas/ Ushtria dhe FNSH-ja marrin në mbrojtje godinën,

TIRANË– Shqipëria i ka të mbyllura të gjitha fluturimet hyrëse dhe dalëse ende pa afat. Një situatë e paprecedentë dhe kaotike ka ndodhur ditën e sotme, ku 65 kontrollorët e Albcontrol (një kompani me kapital 100% shtetërore), refuzuan të dilnin në punë pasi firmosën edhe deklaratën e paaftësisë në punë. Ata kërkojnë që paga e tyre të vazhdojë si përpara pandemisë në mbi 4 mijë dollarë dhe për këtë kërkojnë ndërhyrjen e ministrisë së Energjisë dhe Infrastrukturës.

Por kërkesat e tyre nuk janë mbështetur. Ministrja Belinda Balluku shkoi vetë fillimisht në Rinas ku bisedoi me kontrollorët por mbledhja dështoi dhe fluturimet vijuan të jenë të mbyllura. Në një konferencë urgjente me gazetarët, ministrja foli për një grusht shteti të mbështetur edhe nga opozita Meta-Berisha. Në një konferencë të dytë për mediat, Balluku deklaroi prerë se çdokush prej kontrollorëve që nuk punon në aeroportin e Rinasit, do të nxirret jashtë që aty.

Në aeroportin e Rinasit ka zbarkuar ushtria dhe FNSH-ja dhe kanë rrethuar godinën, duke e marrë atë në mbrojtje. Ministri i Mbrojtjes Niko Peleshi deklaroi se vigjilenca është rritur pas këtij bojkotimi.

Qëndrimi i Ballukut u mbështet edhe nga kryeministri Edi Rama i cili në një reagim disa minuta pas konferencës paralajmëroi kontrollorët me burg. “Organizatorët do të kallëzohen penalisht”-tha Rama. Ndërkohë që në një reagim në mbrëmje, Rama përforcoi kërcënimet. Ai ftoi kontrollorët që të ‘braksitin’ organizatorët si dhe shtoi: kush nuk nis nesër punën, nuk gjen më vend në Albcontrol!

Presidenti Ilir Meta iu përgjigj duke thënë se ai e ka bërë detyrën e tij si numri 1 i shtetit. Meta tha se Shqipëria duhet të garantojë sigurinë e hapësirës ajrore ndërsa tha se ndërprerja e punës nuk është zgjidhje. Presidenti tha se kërkesat e kontrollorëve janë injoruar por puna duhet të vazhdojë. “I kam paralajmëruar institucionet të gjenin zgjidhje”-deklaron sot Meta. Nga Vlora, Kreu i Shtetit kërkon një dialog mes palëve.

Kjo grevë ka sjellë edhe reagime të tjera. Unioni Europian i Kontrollorëve të trafikut Ajror bëri apel që problemi dhe konflikti të zgjidhet në mënyrë të civilizaur nëpërmjet dialogut dhe jo në qasje absolute. Unioni ka ftuar Qeverinë dhe Autoritetet Kombëtare Polake dhe atë Shqiptare për të vlerësuar praktikat e dialogut në mënyrë që të zgjidhej çështja nëpërmjet palëve. Ambasada e Shteteve të Bashkuara të Amerikës ka teelfonuar kontrollorët pas orëve të gjata të grevës.

Një nga kontrollorët, Andel Trebicka akuzoi ministren Balluku se ka përdorur gjuhën e Erdoganit duke i kërcënuar me 20 vite burg, ai shtoi se do kërkojnë azil politik, pasi ndihen të kërcënuar.

Greva e kontrollorëve të trafikut ajror ka sjellë rrjedhimisht edhe mbylljen e kullës së vrojtimit, duke penguar uljen e aeroplanëve në pistë. Një avion i nisur nga Athina qëndroi për rreth 30 minuta në ajër dhe më pas u kthye në Greqi.

Sindikata e Pavarur e Kontrollit të Trafikut Ajror (SPKTA) paralajmëroi që dje protestë pasi ishin të pakënaqur me trajtimin dhe kushtet e punës prej një viti, që nga fillimi i pandemisë, duke renditur të gjitha një më një ankesat e tyre.  Vitin e kaluar bordi i “AlbControl” i uli pagat me 62%, ndërkohë që kontollorët kanë firmosur kontratën e paaftësisë në punë edhe për shkak të stresit ndaj pandemisë, por nuk është marrë parasysh nga drejtuesit. 

Nga ana tjetër, prokuroria e Rrethit Gjyqësor të Tiranës ka nisur hetimet pa një dite bllokim të trafikut ajtor në Shqipëri. Dosja.al mëson se Prokuroria po heton për veprën penale Shpërdorim detyre, parashikuar nga neni 248 i Kodit Penal. Oficerët e policisë gjyqësore po kryejnë veprimet për të zbardhur personat që fshihen pas protestëve të kontrollorëve. Ndërkohë ka nisur marrja në pyetje të gjithë kontrollorëve. Intervistat nga OPGJ-të do të zbulojnë rolin e secilit kontrollor në këtë grevë të nisur që ka shkaktuar bllokimin e të gjithë vendit.

Kërkesat e kontrollorëve
– Rikthim i kolegëve në punë;
– Shfuqizim i vendimeve të bordit;
– Rikthimi i pagës së plotë sipas kontratës kolektive;
– Transparencë financiare e plotë për vitin 2020;
– Një anëtar sindikate të jetë anëtarë bordi.

13 fluturimet e anuluara që ishin parashikuar për ditën e sotme
Austrian Airlines – Tiranë – Vjenë dhe kthim
Ëizz Air – Tiranë – Milano dhe kthim
Lufthansa – Tiranë – Frankfurt dhe kthim
Air Albania – Tiranë – Stamboll dhe kthim
Air Albania – Tiranë – Bolonja dhe kthim
Aegean – Tiranë – Athinë dhe kthim
Ëizz Air – Tiranë – Bergamo dhe kthim
Air Albania – Tiranë – Bergamo dhe kthim
Austrian – Tiranë – Vjenë dhe kthim
Pegasus – Tiranë – Stamboll dhe kthim
TUI – Tiranë – Bruksel dhe kthim
Air Albania – Tiranë – Romë dhe kthim
Alitalia – Tiranë – Romë dhe kthim

(k.m;f.g;a.b;I.A;f.m/dosja.al)

Rama është propozuar për president nga disa deputetë socialiste, mendoni se:

View Results

aktualitet aktualitet aeroporti i rinasit protesta e kontrolloreve ne rinas proteste ne aeroport aeroporti i rinasit protesta e kontrolloreve ne rinas proteste ne aeroport

Sondazh

Poll

MË SHUMË