Akuzohet për dy vepra penale, dënohet me 6 muaj burg ish-deputetja e LVV-së
29 Mars 2021, 11:15Nga DOSJA
KOSOVË– Gjykata Themelore në Prishtinë e ka dënuar me 6 muaj burgim me kusht dhe 400 euro gjobë ish-deputeten e Kuvendit të Kosovës, Shqipe Pantina.
Siç raportohet nga mediat vendase, Pantina ka pranuar fajësinë për veprën penale të armëmbajtjes pa leje dhe atë të sulmit ndaj personave zyrtarë gjatë ushtrimit të detyrës.
Sipas aktgjykimit të shpallur nga gjykatësi Isuf Makolli, e akuzuara Pantina u dënua me 400 euro gjobë për armëmbajtje pa leje, kurse me 6 muaj burgim me kusht për sulm ndaj personit zyrtar gjatë kryerjes së detyrës zyrtare.
Sipas aktakuzës së Prokurorisë Themelore në Prishtinë, të 11 gushtit 2016, Shqipe Pantina akuzohet se me 27 shkurt 2016, rreth orës 16:30, në sallën e punimeve të Kuvendit të Republikës së Kosovës, në mënyrë të paautorizuar ka poseduar një bombol gazi lotsjellës, të cilën ka tentuar ta ndezë në ulësen ku ishte e ulur afër grupit të vet parlamentar dhe e njëjta i është konfiskuar nga ana e policisë.
Me këtë, Pantina akuzohet se ka kryer veprën penale “Mbajtja në pronësi, kontroll ose posedim të paautorizuar të armëve”.
Akuza e dytë ka të bëjë me sulmin e saj ndaj personave zyrtar, policët Valdete Gubetini dhe Fikrije Rashica, të cilat ishin në kryerjen e detyrave zyrtare, derisa të dëmtuarit ishin duke u përpjekur që të pandehurës t’ia marrin bombolën e gazit lotsjellës nga dora, me ç’rast të dëmtuarës-polices Valdete Gubetini i ka shkaktuar lëndime të lehta trupore.
(kle.mu./dosja.al)
Rama është propozuar për president nga disa deputetë socialiste, mendoni se:
GJERMANI– Kancelarja gjermane Angela Merkel, u bëri presion shteteve të Gjermanisë për të rritur përpjekjet për të frenuar infeksionet me koronavirus dhe ngriti...
KOSOVË– Nis vaksinimi anti-COVID në Kosovë! I pari që është injektuar me dozën e vaksinës së kompanisë AstraZeneca ishte kryeministri Albin Kurti. Kreu i q...
BRUKSEL– Thierry Breton, kreu i Task forcës së vaksinave të Bashkimit Evropian tregoi “pasaportën shëndetësore” të parë evropiane, duke shtuar se ajo do t...
KANADA- Antonio Guterres, Sekretari i Përgjithshëm i OKB i bëri kritikë vendeve të pasura për ruajtjen e tepruar të vaksinave dhe i kërkon atyre ti shpërndajnë ...
BRITANI– Një studim në Britani për banorët e shtëpive të kujdesit ka zbuluar se rreziku i tyre i infektimit me Covid-19 ra me 62% pesë javë pasi morën doz...
KINË– Kina dhe OBSH kanë bërë një studim te bërbashkët për origjinën e Covid-19 dhe sipas tyre skenari më i mundshëm është se virusi mund të përhapet...
ANGLI-Anglia bën hapin e madh nga bllokimi ndërsa Boris kërkon kujdes maksimal.Kryeministri Jonson kërkon që qytetarët të jenë të kujdesshem ne maksimum, ndërsa...