PRISHTINË–Albin Kurti është zyrtarisht kryeministër i Republikës së Kosovës. Paraditen e sotme, kundërshtari i tij në zgjedhje, kryeministri në ikje, Avdullah Hoti i ka dorëzuar zyrtarisht detyrën e tij kreut të qeverisë që është zgjedhur nga zgjedhjet e jashtëzakonshme të 14 shkurtit. Pavarësisht “debateve dhe konflikteve” mes LVV dhe LDK-së, Hoti ka qëndruar në zyrë deri në momentin e fundit, nga ku edhe i kaluar kompetencat pasardhësit gjatë një ceremoni zyrtare. Menjëherë pas marrjes së detyrës, Kurti është zotuar se në detyrën e tij të re do të jetë i përulur përpara detyrave dhe se ky është një kapitull i ri për njerëzit e Kosovës.
“Të përulur përpara detyrave, ne shënojmë fillimin e një kapitulli të ri për njerëzit në Kosovë. Le të mos pajtohemi dhe le të debatojmë ashpër për të drejtën dhe drejtësinë, por nuk do të dështojmë kurrë të bashkohemi në të mirën e vendit tonë. Puna fillon tani!”,- shkruan ai.
Ndërkohë, mediat vendase kanë publikuar ehe axhendën e parë të Kurtit si kryeministër i vendit. Fillimisht është mësuar se Kurti do të zhvillojë një mbledhje me të gjithë anëtarët e kryesisë së Lëvizjes VetëVendosje, ndërsa më pas do të vizitojë kompleksin memorial “Adem Jashari” në Prekaz. Pasdite Kurti do të presë në zyrën e tij, ambasadorin e BE-së në Kosovë, Tomas Szunyog.
Dje deputetët e legjislaturës së tetë të Kuvendi të Kosovës me 67 vota pro, 30 kundër dhe asnjë abstenim zgjodhën qeverinë e re, e cila do të drejtohet nga kreu i Lëvizjes Vetëvendosje, Albin Kurti. Në qeverinë e re do të jenë 3 zvendëskryeministra, dhe 15 Ministri, ku ndër to 6 do të drejtohen nga femra.
NEGOCIATAT PËR PRESIDENT
Për shumicën parlamentare; Lëvizja Vetëvendosje, Vjosa Osmani është personi që duhet të qëndrojë në postin e kreut të shtetit, megjithatë duhen votat për të miratuar zgjedhjen e tyre. Edhe pse në zgjedhjet e 14 shkurtit kanë marrë 50,28% të votëbesimit sërish LVV-ja nuk mund ta zgjedhë e vetme.
Osmani dhe Kurti javën e kaluar kanë mbajtur takime konsultative me të gjithë përfaqësuesit e partive parlamentare, duke iu kërkuar atyre edhe votën për presidentin e ri. PDK-ja është shprehur qartë dhe e vendosur se nuk do ta votojë Osmanin për presidente duke e konsideruar si figurë “përçarëse”, ndërsa AAK-ja e Ramush Haradinajt ia kanë lënë detyrë kandidates për presidente dhe Kurtit që t’i gjejnë vetë votat e nevojshme.
Ndërsa ish-partia e Osmanit, Lidhja Demokratike e Kosovës, ende nuk e ka një vendim të qartë. Megjithatë kreu i kësaj partie, Lumir Abdixhiku është shprehur publikisht se Kosova ka nevojë për një president mbi palët. Deri më tani duket se dyshja Kurti-Osmani kanë siguruar vetëm votat e komuniteteve joserbe, sërish të pamjaftueshme.
SI ZGJIDHET PRESIDENTI NË KOSOVË:
Sipas Kushtetutës, që një person të zgjidhet president i Kosovës, në dy raundet e para të votimit duhet të sigurojë dy të tretat e ulësve në Kuvend, pra 80 kartona jeshilë nga 120 në total. Në raundin e tretë gjithçka lehtësohet, pasi president zgjidhet ai që merr shumicën e thjeshtë prej 61 deputetësh, por në votim duhet të marrin pjesë të paktën 80 deputetë. Nëse edhe raundi i tretë dështon, vendi shkon në zgjedhje të jashtëzakonshme të cilat duhet të mbahen brenda 45 ditësh.
(I.A;k.m.k.a/dosja.al)
Rama është propozuar për president nga disa deputetë socialiste, mendoni se:
BOTË-Shifra e të infektuarve me Covid-19 vazhdon të rritet, duke shënuar mbi 124 milionë persona, ndërkohë që kanë humbur jetën 2,735,707 njerëz dhe janë s...
BRUKSEL– Me këtë presidentja e Komisionit Europian, Ursula von der Leyen i refuzon kërkesat e Organizatës Botërore të Shëndetësisë, OBSH për dhurime të va...
Të hënën kompanitë kryesore ajrore amerikane dhe ato të udhëtimit i kërkuan qeverisë të hartojë një plan për të rihapur këtë verë kufijtë ndërkombëtarë, duke e ...
Administrata e Presidentit Joe Biden është përpjekur për javë të tëra të mos lejojë publikimin e imazheve si ato që u publikuan të hënën ku shfaqeshin fëmijë mi...
Sekretari i Shtetit Antony Blinken arriti në Bruksel të hënën për takime të cilat Departamenti i Shtetit thotë se synojnë forcimin e lidhjeve me aleatët e NATO-...
SHBA– Një burrë i armatosur ka hapur zjarr në një market ushqimor, duke lënë të vdekur 10 persona, mes tyre edhe një oficer policie. Ngjarja ka ndodhur në Bould...
KOSOVË– Deputetët e kuvendit të Kosovës votuan për qeverinë e re të Kosovës me kryeministër Albin Kurti. Qeveria Kurti mori 67 vota për dhe 30 kundër...
ZVICËR- Rregullatori zviceran i ilaçeve Swissmedic aprovoi ditën e sotme vaksinën anti-Covid Johnson & Johnson. Reuters shkruan se kjo është vak...
KINË- Vaksina kineze Sinovac Biotech ka filluar provat për vaksinimin e fëmijëve. The Guardian shkruan se nga rezultatet e provave të fazës së parë, Sinova...
TIRANË- Kreu i Partisë Demokratike Lulzim Basha ka uruar qeverinë më të rë të Kosovës. Në një postim në Facebook, Basha ka shkruar se i qëndron në mbështet...