Bota

Vendet e Ballkanit shtrëngojnë masat anti-Covid, presion për të lehtësuar sistemet shëndetësore të mbingarkuara

10 Mars 2021, 20:47 Nga DOSJA
Vendet e Ballkanit shtrëngojnë masat anti-Covid, presion për

BALLKAN– Disa vende të Ballkanit thanë se ata do të rrisin kufizimet me shpresën për të lehtësuar presionin mbi sistemet e tyre të mbingarkuara shëndetësore.

Mjekët në kryeqytetin e Bosnjës, Sarajevë paralajmëruan se infektimet kanë shpërthyer në ditët e fundit dhe u kërkuan njerëzve të veprojnë në përputhje me rregulloret e pandemisë.  Autoritetet boshnjake thanë se të gjitha baret, restorantet dhe dyqanet jo-thelbësore në kantonin e Sarajevës do të mbyllen gjatë kësaj fundjave.

Sipas Guardian, më shumë se 1.000 raste të reja dhe 37 vdekje gjatë 24 orëve të fundit u raportuan të Mërkurën. Në një shënim pozitiv, dozat e para të vaksinës AstraZeneca të dhuruara nga Serbia fqinje, u administruan të mërkurën në Sarajevë.

Kryeministrja e Serbisë Ana Brnabiç tha se organi i emëruar nga qeveria e krizës së virusit ka shumë të ngjarë të takohet të Enjten për të vendosur mbi masat më të rrepta për fundjavën e ardhshme.

Në Malin e Zi, autoritetet shëndetësore thanë që shkollat ​​do të kalojnë në mësimin online, ndërsa qendrat e kujdesit ditor, baret dhe qendrat e fitnesit do të mbyllen si pjesë e masave shtesë të vendosura.

Në Maqedoninë e Veriut, një shtetrrethim dy-javor do të hyjë në fuqi të Mërkurën nga ora 10:00 deri në 5 të mëngjesit.

Vendi ynë aktualisht ka një mbyllje nga ora 20:00-06:00, ku nuk do të lejohet të lëvizë asnjë qytetar pa leje të posaçme, apo pa një arsye të domosdoshme. Të gjitha baret, restorantet dhe dyqanet gjithashtu do të mbyllen në këtë orar. Mësimi për shkollat e mesme dhe universitetet bëhet online.

(d.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota ana brnabic koronavirusi ne ballkan vaksinimi ne ballkan ana brnabic koronavirusi ne ballkan vaksinimi ne ballkan

Sondazh

Poll

MË SHUMË