TIRANË- Kryeministri Edi Rama i ka dhënë një përgjigje thashethemeve e deklaratave të fundit të kryeministrit të Kosovës Ramush Haradinaj për një plan mes tij, presidentit të Kosovës dhe Presidentit të Serbisë për copëtimin e Kosovës. Rama ironizoi deklaratën e tij me shprehjet: ‘Budallain sa pa dalë Facebook e njihte vetëm shtëpia e vet’ dhe e dyta ‘nëse do që gënjeshtrën tënde ta besojnë bëje të pabesueshme’.
Pyetja: Keni ardhur për Ditën e Europës, ju nuk keni asnjë plan për ndërhyrjen mes palëve politike por në vitin 2017 e keni bërë në kur situata nuk ishte kaq e rëndë. Pse nuk ka nga BE një iniciativë të tillë. Jeni besimplotë që zgjedhja do të gjendet apo të zhgënjyer nga palët që prodhojnë kriza të tilla?
Rama: Në 2017 negocimi dhe zgjidhja ka qenë tërësisht e palëve në Shqipëri. Sigurisht, miqtë dhe partnerët tanë kanë qenë të shqetësuar dhe të interesuar të ndihmojnë komunikimin, të mundësojnë lidhjen e komunikimit, por vendimmarrja ka qenë e jona. Këtë herë, unë mund të them dy gjëra. Së pari, nuk shoh askënd që të shqetësohet si në 2017. Natyrisht, jo sepse çka ka ndodhur nuk është shqetësuese, por sepse çfarë ka ndodhur i tejkalon të gjithë kufijtë e të durueshmes, nga pikëpamja e kornizës demokratike, të bashkëjetesës dhe për sa më takon, ka ardhur koha që ne t’i qëndrojmë sistemit, t’i qëndrojmë rrugës së përcaktuar nga Kushtetuta dhe nga ligji sepse me sa duket, zgjidhjet për të kaluar një krizë të krijuar për t’u zgjidhur dhe për të përfituar diçka nga zgjidhja, nuk na kanë ndihmuar të rritemi më shpejt dhe të bëhemi më të fortë nga pikëpamja e konstitucionit tonë demokratik si shoqëri dhe si politikë. Kështu që zgjidhjet e asaj natyre i kemi provuar. 2017 ishte maksimumi që mund të bëjë një maxhorancë për opozitën, për të dhënë një zgjidhje të gjithëpranuar dhe afatgjatë. Nuk funksionuan.
Tani, sistemi, kush qëndron në sistem, qëndron, kush nuk qëndron në sistem, ka zgjedhjen e vet të lirë. Ama nuk ka shans të pengojë të tjerët që të qëndrojnë në sistem.
Pyetja: Presidenti serb Vuçiç tha se nuk do ta njihte Kosovën edhe sikur ta varnin, ndërsa Haradinaj pretendon se ju, presidenti Thaçi dhe kryeministri Rama keni një plan për ndarjen e Kosovës.
Rama: Për sa i përket komplotit për të copëtuar Kosovën dhe për të krijuar në mënyrë të fshehtë një hartë të re të botës, më kujton atë shprehjen që sa pa dalë Facebook-u, budallain e njihte vetëm shtëpia e vet. Sot jetojmë në një botë që nga kjo pikëpamje është fatkeqe. Ajo porosia e një manuali të agjitacionit nazist që thoshte, nëse do që gënjeshtrën tënde ta besojnë, bëje të pabesueshme, është në përdorim të përditshëm për të goditur kundërshtarë, për të sulmuar njerëz, për të masakruar karaktere, personalitete, individë në të gjitha nivelet, duke përfituar pikërisht nga Facebook-u dhe nga mundësia për torolisur gjithë dynjanë me gënjeshtra të përmasave marramendëse dhe me budallallëqe të rrezikshme. Unë nuk dua të zgjatem më shumë në këtë pikë, por dua të them kaq në fund. Nëse gjenden aq shumë budallenj sa të besojnë se një proces që përfshin shtete dhe jo dy shtete, por të gjitha shtetet e botës, që përfshijnë parlamente, që përfshijnë parti politike, që përfshijnë shoqëri, që përfshijnë votime referendare në fund, mund të bëhet fshehurazi nga disa persona dhe të kalojë në gjithë këtë proces që thashë si miu nën mustaqe, atëherë kjo botë ka marrë fund, por unë besoj që jo. Unë besoj që çdo njeri i arsyeshëm, çdo shqiptar me dy fije mend në kokë e kupton që kjo është e gjitha një gënjeshtër e bërë aq e pabesueshme, që pikërisht të mund të shitet e të blihet në territorin e marrëzisë online.
Për më shumë, unë do të angazhohem dhe do të shpjegoj më tutje kur të më jepet mundësia, por me kaq sa thashë, besoj që mjafton për sot.
Pas takimit të Berlinit Haradinaj ka deklaruar se është vënë nën presion dhe shantazh nga Kryeministri i Shqipërisë Edi Rama për të hequr taksën 100% Serbisë. E gjitha kjo ka ndodhur në Samitin e Berlinit, në sytë e kancelares Merkel, presidentit Macron dhe gjithë liderëve të rajonit. Vetë kryeministri Edi Rama me anë të një statusi në rrjetet sociale e mohoi këtë gjë.
(k.m, a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Presidenti Ilir Meta është takuar mbrëmjen e sotme me Përfaqësuesen e Lartë të Bashkimit Europian, Federica Mogherini.Në fokus të bisedes së tyre k...
Aktivistët e Lëvizjes “Vetëvendosje!” protestuan në bulevardin Dëshmorët e Kombit, ku po protestojnë kundër ardhjes së Presidentit të Serbisë së Aleksandër Vu&c...
TIRANË- Eduart Ndocaj, ose i njohur ndryshe si deputeti ‘kaubojs’ në legjislaturën e kaluar, ka shafqur të tjera ambicie për qytetin e tij, Lezhën. I regj...
TIRANË– Kryeministri Edi Rama në një konferencë për shtyp bashkë me Frederica Mogherinin ka folur lidhur me çeljen e negociatave për Shqipërinë. Gja...
TIRANË– Kryeministri Edi Rama gjatë konferencës për shtyp me shefen e politikës së Jashtme, Frederica Mogherini, ka folur edhe për zgjedhjet lokale. Rama t...
TIRANË– Kryeministri dhe njëherazi kryetari i PS-së, Edi Rama ka dhënë një prononcim për shtyp pas përfundimit të mbledhjes së Kryesisë së PS-së.Rama me ga...
TIRANË– Shefja e Politikës së Jashtme, Frederica Mogherini gjatë një konference për shtyp me kryeministrin Edi Rama ka folur lidhur me vendimin që pritet t...
TIRANË- Ish-kreu i grupit parlamentar të Lëvizjes Socialiste për Integrim, Petrit Vasili, ka reaguar pas vizitës së Shefes së politikës së Jashtme të Bashk...
Kryeministri Edi Rama përveç çeljes së negociateve ka folur edhe lidhur me zgjedhjet lokale.“Do të ndjehesha në pozitë të vështirë nëse qeveria dh...
TIRANË– Shefja e Politikës së Jashtme Federica Mogherini ka komentuar edhe mospërfshirjen e saj për zgjedhjen e krizës politike në Shqipëri. Pyetjes Mogher...