Aktualitet

I mori 10 mijë euro një mësueseje, pranga 49-vjeçarit në Shkodër, premtoi licensën e mësuesisë dhe shkollën e djalit

8 Maj 2019, 08:53 Nga DOSJA
I mori 10 mijë euro një mësueseje, pranga 49-vjeçarit

SHKODËR- Arrestohet një 49-vjeçar në Shkodër pasi akuzohet se ka mashtruar me të drejtë studimore jashtë vendit, një grua të cilës i kishte premtuar edhe se do t’i jepte të licensën e mësuesisë.

Dosja.al mëson se i arrestuari është Bekim Alla nga Librazhdi, ndërkohë që sipas policisë ai ka marrë 10 mijë euro nga shtetasja “B.P”, e cila sipas burimeve është mësuese.  Nën hetim janë edhe dy shtetas të tjerë.

Njoftimi i plotë: 

Shkodër

Finalizohet operacioni “Premtimi”

I premtonte për marrjen e provimit të licensës në mësuesi si dhe për të drejtë studimi jashtë shtetit për djalin, duke e mashtruar për përfitim të vlerave monetare, por arrestohet nga Policia.

Procedohen edhe 2 shtetas të tjerë për korrupsion aktiv dhe pasiv

Specialistët e Seksionit për Hetimin e Krimit Ekonomik – Financiar në Drejtorinë Vendore të Policisë Shkodër, në kuadër të operacionit të koduar “Premtimi”, bënë kapjen dhe arrestimin e shtetasit:

– B.A. 49 vjeç, banues në Librazhd, për veprat penale “Ushtrim i ndikimit të paligjshëm ndaj personave që ushtrojnë funksione publike” dhe ”Mashtrimi”, i dënuar dhe më parë për të njëjtat vepra penale.

Ky shtetas, në muajin Janar 2018, dyshohet se i ka marrë nëpërmjet mashtrimit shtetases B.P., shumën prej 6000 euro për të marrë provimin e Licensës së mësuesisë, si dhe shumën 4000 euro për të marrë një të drejtë studimi jashtë shtetit për djalin e saj. Si edhe ka ushtruar ndikim të paligjshëm tek shtetasi E.S., punonjës në fushën e arsimit.

Gjithashtu, u proçeduan në gjendje të lirë shtetasit:

– B.P. për veprën penale ” Korrupsion aktiv i personave që ushtrojnë funksione publike”

– E.S. për veprën penale “Korrupsion pasiv i personave që ushtrojnë funksione publike”

Materialet iu referuan Prokurorisë së Rrethit Gjyqësor Shkodër për veprime të mëtejshme.

(f.g/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet bekim alla mashtrim me licensa mesuesi bekim alla mashtrim me licensa mesuesi

Sondazh

Poll

MË SHUMË