KOSOVË-Albin Kurti nuk ishte certifikuar për të marrë pjesë në zgjedhje, por Lëvizja Vetëvendosje nuk e hoqi nga lista. Sipas Gazeta Express, kjo parti vazhdoi thirrjet që ai të votohej.
Glauk Konjufca ka deklaruar më herët se qytetarët do ta votojnë numrin një dhe se fletëvotimet ku votohet Kurti, nuk mund t’i shpallë të pavlefshme asnjë gjykatë.
“Gjykata kushtetuese nuk është zot në këtë vend. Ajo i nënshtrohet vullnetit të sovranitetit popullor, dhe prej tij ndërtohet parlamenti. Qytetarët e votojnë numrin 1 pa kurrfarë problemi, asnjë gjykatë nuk mund ta shpallë të pavlefshëm atë fletëvotim”, kishte deklaruar Konjufca.
Po ashtu, Albulena Haxhiu një anëtare tjetër e LVV-së, ka deklaruar se institucionet iu frikësuan legjitimitetit të Kurtit dhe i bënë të pamundësuan kandidimin. Madje, Haxhiu ka thënë se Kurti do të marrë një numër shumë më të madh e historik votash.
“Të gjitha votat për numrin 1 në listën e LV, numërohen. Vota për numrin 1 në listën tonë nuk është votë e pavlefshme as për subjektin dhe as për kandidatët tjerë. Vota për numrin 1 është votë për praninë që nuk mund të bëhet mungesë. Çdo votë për numrin 1 është votë për Albin Kurtin. Është votë kundër padrejtësisë që u bë nga institucionet e kapura. Disa pushtetarë, me anë të kontrollit që kanë mbi KQZ e institucione të tjera, e bënë këtë veprim vetëm që të pamundësojnë atë që dihet, që Kurti do të legjitimohet kësaj radhe me një numër shumë të madh e historik votash”, kishte deklaruar Haxhiu.
Ndërkohë, në këto zgjedhje, ku Lëvizja Vetëvendosje doli fituese nuk janë publikuar ende statistika për votat që ka marr Kurti. Gazeta Express ka publikuar rezultatet në Prishtinë, ku tregohet se në dy qendra të votimit, edhe pse nuk ka pasur hapësirë për numrin një, komisionerët kanë shkruar edhe votat e Albin Kurtit. Po ashtu në një vendvotimi në Prishtinë, Kurti ka marrë 146 vota, por më shumë vota ka marrë numri dy në listën e partisë së tij, Vjosa Osmani.
Ndërsa, në një vendvotim tjetër, në të cilin komisionerët i kanë numëruar dhe regjistruar votat e Kurtit, tregohet se ai ka marrë më pak se Osmani.
Deri më tani nuk dihet se sa vota ka siguruar Albin Kurti në zgjedhjet e 14 shkurtit dhe a i kanë numëruar komisionerët votat e tij, por Vjosa Osmani e cila me iniciativën e saj ishte pjesë e listës së LVV-së, ka dalë më e votuara në partinë e Kurtit.
Sipas raportimeve jozyrtare nëpër media, ajo ka marrë mbi 250 mijë vota. Nëse kjo qëndron, atëherë Osmani bëhet politikania më e votuar ndonjëherë në Kosovë, me sistemin zgjedhor me lista të hapura.
Kurti ishte zotuar që do të garonte në zgjedhje edhe pse kjo gjë ishte ndaluar nga Komisioni Qendror i Zgjedhjeve, pas vendimit të Gjykatës Kushtetuese i cili thoshte se të gjithë personat e dënuar në tri vitet e fundit, nuk mund të garojnë.
(k.a/dosja.al)
1 vit nga zgjedhjet e 25 prillit si e shikoni gjendjen e vendit:
KOSOVË-Zyra e Prokurorit të Specializuar do ta dorëzojë dosjen paraprake para datës 9 prill 2021 për çështjen e Hysni Gucatit dhe Nasim Haradinajt....
FRANCË-Mcfly dhe Carlito, dy komedianët francezë të njohur në YouTube kanë realizuar këngën për ndërgjegjësimin e respektimit të masave anti-Covdi. Sipas T...
DANIMARKË-Varianti britanik është më i rrezikshëm se lloji origjinal i Covid-19. Sipas një studimi danez të publikuar te TheGuardian, njerëzit e infektuar ...
EVROPË-Shtetet anëtare të Bashkimit Evropian, do të diskutojnë ditën e nesërme, në lidhje me certifikatat e vaksinimit për qytetarët e BE të cilët janë vak...
Prokuroria Speciale e Kosovës ka ngritur aktakuzë ndaj tre personave nën dyshimin për “Keqpërdorim të detyrës zyrtare” dhe për “Privim të kundërligjshëm të liri...
AUSTRALI-Një dele e egër dhe e sëmurë e quajtur Baarack e gjetur në një pyll në Australi, nga ekipet e shpëtimit, ka dhënë rreth 35 kilogramë lesh pas qethjes s...
“Një popull që përbëhet vetëm nga hajdutë, muzikantë, fallxhorë dhe lypës” – ky është përfytyrimi që ekziston në Gjermani për rreth 6,3 milion...
Një gjykatë në Gjermani ka dënuar një ish-zyrtar të inteligjencës siriane me katër vjet e gjysmë burgim, për bashkëpunim në krime kundër njerëzimit.Prokurorët n...
BRITANIA E MADHE-Një baba pretendon se vogëlushja i tij është tërhequr nën shtrat nga një fantazmë. Sipas Mirror, ai ka ngritur këto pretendime në bazë të një v...
KOSOVË-Forcat paqeruajtëse të KFOR-it kanë njoftuar se ditën e nesërme do të zhvillojnë një stërvitje rutinore në Kosovë.Sipas Gazeta Express, kjo stërvitj...
