Bota

Kreu i LDK-së Hoxhaj takohet me mësuesit në vend: Përveç rritjes së pagave, do ta digjitalizojmë procesin mësimor

8 Shkurt 2021, 20:06 Nga DOSJA
Kreu i LDK-së Hoxhaj takohet me mësuesit në vend:

KOSOVË-Kryetari i Partisë Demokratike të Kosovës, njëherësh kandidati për kryeministër, Enver Hoxhaj së bashku me anëtarin e kryesisë, Muzafer Shala kanë takuar sot qindra mësues të vendit, të cilëve iu ka prezantuar dhe Planin e PDK-së Rimëkëmbjen e arsimit.

Sipas Telegraf, Hoxhaj ka thënë se arsimin e ka prioritet dhe se gjatë qeverisjes së tij, do t’i kushtojë vëmendje të veçantë krijimit të kushteve më të mira për nxënësit e mësuesit. Gjithashtu, ai ka thënë se pasi të marrë mandatin do të bëjë rritje të pagave për mësuesit  e të gjitha kategorive, duke nisur nga 700 euro për arsimin fillor, 800 për të mësimin dhe 1 mijë e 800 për universitetet.

“Nuk mund të ketë cilësi në arsim pa rritje të pagës së tyre dhe ne kemi vendosur një zotim i jonë që t’i rrisim pagat në arsimin fillor në 700 euro, në arsimin e mesëm në 800 euro dhe për të gjithë profesorët e universitetit në 1 mijë e 800. Dikush mund të pyet a është e mundshme kjo ju e dini që kemi bërë për të gjithë sektorët e tjerë dhe do ta bëjmë edhe kësaj here, meqë nuk mund të ketë mësimdhënie cilësore, nuk mund të ketë përkushtim të profesorëve, të mësimdhënësve në vitin 2021 me pagat që i keni”, tha ai.

Po ashtu, ai është shprehur se gjatë mandatit të tij qeverisë do të ndërtojnë 60 çerdhe në të gjithë vendin, ku dhe shtoi se çerdhe do të ketë në çdo fshat të vendit.

“Jemi shumë të interesuar që të ketë sa më shumë gjithëpërfshirje të të rinjve në edukimin parashkollor, parafillor, po duam ta rrisim numrin e çerdheve…Ne do të ndërtojmë gjatë mandatit tonë qeverisës 60 çerdhe të reja në të gjitha qytetet e Kosovës. Ndërsa në çdo fshat ku ka shkollë do të ketë po ashtu çerdhe”, tha ai. Para mësimdhënësve Hoxhaj prezantojë planin që e kanë për mësimin në kohë pandemie, derisa tha se qysh në 100 ditshin e parë do të punojnë për ta normalizuar mësimin në të gjithë vendin. Ju e dini që nxënësit kanë humbur shumë mësim, e dini që të dy qeveritë Hoti edhe Kurti dështuan me menaxhimin e pandemisë, unë nuk dua që t’i akuzoj para jush ata për ardhjen e virusit, po dua që t’iu hedhim fajin dhe e kanë fajin e përgjegjësinë për mos menaxhimin e përhapjes së tij. Ne do të jemi pranë mësimdhënësve që edhe ta ruajmë shëndetin e tyre, edhe ta ruajmë shëndetin e nxënësve se do të ofrojmë mbështetje direkte financiare, por edhe ta zbatojmë këtë konceptin e mësimit hibrid gjysma në shkolla gjysma online”, tha ai.

Ndërsa, anëtari i kryesisë së PDK-së, Muzafer Shala, ka thënë se programi i PDK-së për arsim ka për qëllim krijimin e kushteve për zhvillim të qëndrueshëm ekonomik si dhe krijimin e kushteve te përshtatshme për punë.

“Ky program ne fazën e parë përfshinë reagimin e shpejte në përmirësimin e procesit mësimor si pasoje e keqqeverisjes në kushte pandemie te dy qeverive të fundit ku me veprime konkrete do të bëhet funksionalizimi i Ministrisë së Arsimit, Shkencës dhe Teknologjisë, sigurimi i pajisjeve të nevojshme për mbarëvajtje të mësimit në distancë, zbatimi dhe mirëmbajtja e Sistemit për Menaxhimin e Mësimit, trajnimi i mësimdhënësve për mbarëvajtjen e mësimit në distancë apo virtual, rritja e stafit mbështetës në shkolla, zbatimi i konceptit Hibrid të klasave me rotacion ku gjysma e nxënësve ndjekin mësimin fizikisht dhe gjysma tjetër ndjekin mësimin në formë virtuale, sigurimi i mjeteve mbrojtëse kundër pandemisë Covid-19 për mësimdhënës dhe nxënës duke e rregulluar edhe bazën ligjore.”, ka thënë Shala.

Kosova në zgjedhje, 5 ditë na ndajnë nga momenti i shumëpritur, Kurti dhe Osmani flasin për “The Guardian”, Hoxhaj merr urime nga ish-sekretari i OIC-së : VV meriton të vijë në pushtet

(k.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

diaspora diaspora enever hoxhaj zgjedhjet ne kosove enever hoxhaj zgjedhjet ne kosove

Sondazh

Poll

MË SHUMË