Sport

Parisi, “shtëpia e tij”, ylli brazilian Nejmar gati për rinovimin me PSG

2 Shkurt 2021, 18:24 Nga DOSJA
Parisi, “shtëpia e tij”, ylli brazilian Nejmar gati për

FRANCE – Lajmi kishte ditë në ajër. Nejmar kishte thënë, se Parisi është tani është shtëpia e tij. PSG është klubi, me të cilin ai synon të vazhdojë të fitojë. Barcelona, ​​duke luftuar me borxhet dhe angazhimin problematik të Mesit, sigurisht nuk mund të përballojë yje të tjerë në gjirin e saj. Kështu braziliani thuhet se ka dhënë dritën jeshile për të rinovuar me klubin e Emirit të Katarit. Në Francë, portali “RmcSport” e konsideron marrëveshjen si të mirëqenë edhe për 4 vitet e ardhshëm, duke konfirmuar disa zëra që dolën nga Brazili.

Sulmuesi Nejmar synon të vazhdojë rrugën e filluar në 2017, me transferimin e tij rekord prej 222 milionë eurosh, të paguara nga sundimtari i Dohas për ta rrëmbyer atë nga katalanasit. Një operacion, që hapi një kapitull të ri në historinë e Paris SG, nën “sundimin” e Katarit, i cili në të njëjtën verë, siguroi gjithashtu Mbapé për 180 milionë. Megjithatë, në verën e vitit 2019, ylli brazilian dëshironte t’i jepte fund përvojës pariziene dhe të kthehej te Barcelona. Ishte një negociatë, që kurrë nuk u bë e vërtetë, sepse klubi “blaugrana” nuk ishte i gatshëm të paguante çmimin e vendosur nga drejtori sportiv Leonardo, rreth 180 milionë.

Kështu, Nejmar mbeti në fillim si një armik në shtëpi, por me kalimin e muajve, ai u bë “shoferi” i një skuadre, që e çoi në finalen e Champions League, pasi fitoi gjithçka në Francë. Rënia financiare e Barças dhe kriza pandemike, që ka tharë buxhetet e të gjitha klubeve të tjera të mëdha europiane, ndoshta ka lehtësuar negociatat për një rinovim përtej skadimit natyror të kontratës më 2022.

Nëse thashethemet e para konfirmohen, braziliani, i cili do të festojë 29-vjetorin pas tri ditësh, po përgatitet të nënshkruajë një katër-vjeçar. Atëherë do të kuptohet, nëse do të jenë të njëjtat kushte si marrëveshja e mëparshme, që i garanton Nejmarit pagën prej tre millionë në muaj. Bonuset dhe çmimet e përjashtuara.

B.T (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport barcelona nejmar paris sg sulmuesi brazilian sundimtari i dohas barcelona nejmar paris sg sulmuesi brazilian sundimtari i dohas

Sondazh

Poll

Sport 2 Shkurt 2021, 16:04

Lacio, java e Simone Inzagit: pritet rinovimi

ITALI – “Countdown” për në Lacion. Ka filluar java vendimtare për nënshkrimin dhe rinovimin e kontratës me trajnerin Simone Inzagi. Sipas “Il Messaggero”,...

Sport 2 Shkurt 2021, 12:15

ITALI-Raffaella Fico është rikthyer të flasë për historinë e saj të vjetër të dashurisë, atë me Cristiano Ronaldon. Një lidhje që zgjati disa muaj dhe daton mbi...

MË SHUMË