Bota

Bashkimi Evropian kritika ndaj Kosovës për ambasadën në Jerusalem 

1 Shkurt 2021, 20:24 Nga DOSJA
Bashkimi Evropian kritika ndaj Kosovës për ambasadën në

KOSOVË- Komisioni Evropian (KE) ka lëshuar kritika mbi planet e Kosovës për të hapur ambasadën në Jerusalem, pasi të dy vendet nënshkruan sot marrëveshjen për krijimin e marrëdhënieve diplomatike, duke kujtuar pozicionin e bllokut mbi çështjen në përputhje me rezolutën e Këshillit të Sigurimit të Kombeve të Bashkuara 478 të vitit 1980.

Sipas mediave të Kosovës, zëdhënësi i BE-së Peter Stano, ka thënë se pozicioni i BE-së është saktësisht i njëjtë me atë që ishte kur kjo pyetje u bë vitin e kaluar pas nënshkrimit të marrëveshjes midis Kosovës dhe administratës Trump më 4 shtator.

“Pozicioni i BE-së për lëvizjen e ambasadave në Jerusalem është i qartë: Në përputhje me rezolutën e Këshillit të Sigurimit të KB 478 të vitit 1980, e cila u bëri thirrje të gjithë anëtarëve të KB-së për të zhvendosur ambasadat e tyre në Tel Aviv, të gjitha ambasadat e Shteteve Anëtare të BE-së si dhe Delegacionin e BE-së në Izrael. janë të vendosura në Tel Aviv”, ka thënë Stano, sipas  Gazetës Express.

Ndër të tjera mësohet si Stano ka thënë se Kosova, me anë të kësaj ‘lëvizje’ për të hapur ambasadën,  po dëmton rrugën e saj drejt integrimit në BE.

“Kosova ka identifikuar integrimin në BE si përparësinë e saj strategjike. BE-ja pret që Kosova të veprojë në përputhje me këtë angazhim në mënyrë që perspektiva e saj evropiane të mos minohet”, ka thënë Stano.

Njohja e Kosovës nga Izraeli erdhi si pjesë e marrëveshjes midis Kosovës dhe Serbisë të ndërmjetësuar nga administrata Trump në shtator. Marrëveshja përfshinte gjithashtu normalizimin midis Izraelit dhe Kosovës dhe që të Kosova dhe Serbia të hapnin ambasadat e tyre në Jeruzalem.

(A.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni marreveshja kosove- izrael marreveshja kosove- izrael

Sondazh

Poll

MË SHUMË