Politike

Integrimi në BE, Xhaçka takim online me homologun portugez, temat e diskutimit

19 Janar 2021, 08:52 Nga DOSJA
Integrimi në BE, Xhaçka takim online me homologun portugez, temat e

TIRANË– Ministrja e Jashtme e Shqipërisë, Olta Xhaçka ka zhvilluar një takim online me Augusto Silva, ministrin e Punëve të Jashtme të Portugalisë. Nëpërmjet një postimin në Twitter Xhaçka bën të ditur se gjatë bisedës u diskutua për presidencën portugeze e KE dhe zgjerimi i BE-së.

‘Mirënjohës për Portugezin FM Augusto Santos Silva për diskutim shumë të sinqertë dhe miqësor mbi integrimin në BE, trajtimin e  COVID19 dhe përparimin e lidhjeve dypalëshe. Vlerësojmë thellësisht angazhimin e fortë të FM për të punuar në drejtim të miratimit të kornizës negociuese dhe caktimin e datës për IGC 1’– shkruan Xhaçka në Twitter.

Ministrja Xhacka e informoi lidhur me reformat e ndërmarra në Shqipëri në përmbushje të kërkesave të Këshillit të marsit 2020. Portugalia, e cila ka marrë Presidencën e Këshillit të BE, nga 1 janar -30 qershor 2021 angazhohet, nën moton për veprim, të çojë përpara punën për miratimin e kornizës negociuese për Shqipërinë dhe mbajtjen e Konferencës së parë Ndërqeveritare brenda qershorit 2021.

Kryediplomati portugez nënvizoi se, reformat e deritanishme të ndërmarra nga Shqipëria janë në rrugën e duhur dhe se interesi i Portugalisë është ruajtja e besueshmërisë së BE-së në rajon, nëpërmjet zbatimit të vendimeve të marra. Xhaçka falënderoi homologun Silva për mbështetjen që Portugalia ka treguar në avancimin e Shqipërisë në rrugën drejt BE, dhe për prioritizimin e qartë të punës së mbetur për dosjen e zgjerimit.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

politike politike augusto silva olta xhacka augusto silva olta xhacka

Sondazh

Poll