Aktualitet

Ishte i paidentifikueshëm. Del autopsia, si u qëllua Admir Murataj

1 Maj 2019, 17:01 Nga DOSJA
Ishte i paidentifikueshëm. Del autopsia, si u qëllua Admir Murataj

TIRANË– 22 ditë pas grabitjes spektakolare në pistën e Rinasit ka dalë autopsia e vrasjes së Admir Muratajt. Ky i fundit, i cilësuar si ‘truri’ i grabitjes mbeti i vrarë në të njëjtën ditë teksa tentoi të shpërqëndronte policinë, në mënyrë që bashkëpunëtorët e tij të largoheshin me thasët me 6 milionë euro.

Autopsia tregon se Murataj u qëllua me një armë Kallashnikov, në syrin e djathtë, shkruan A2CNN. Kjo gjë bëri që fytyra e Muratajt të ishte e paidentifikueshme dhe është dashur ndërhyrja e familjarëve për të kuptuar nëse bëhej fjalë për të njëjtin person.

Gjatë grabitjes ai mbante një maskë, e cila është tashmë një provë materiale në duart e policisë. Admir Murataj, ngeli i vrarë në grabitjen spektakolare të 9 prillit 2019, ku u morën 6 milionë euro.

Raportimi për vrasjen e tij, është se ai vdiq gjatë një shkëmbimi zjarri me policinë. Murataj, bashkë me një grup të tjerë, 6 prej të cilëve janë arrestuar, kishin organizuar një sërë grabitjesh. Mister mbetet ende fati i parave dhe personi që qëlloi mbi Muratajn.

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet admir murataj grabitja e 6 milione eurove grabitja ne rinas admir murataj grabitja e 6 milione eurove grabitja ne rinas

Sondazh

Poll

Aktualitet 1 Maj 2019, 12:51

TIRANË- Drejtori i Institutit të krimeve të Komunizmit Agron Tufa, ka reaguar në rrjetet sociale, ku ka sqaruar akuzat dhe ofendimet që i janë bërë prej de...