Bota

Kriza në Venezuelë, Maduro pretendon fitore kundër përpjekjes së grushtit të ‘dështuar’

1 Maj 2019, 09:36 Nga DOSJA
Kriza në Venezuelë, Maduro pretendon fitore kundër

Situata në Venezuelë është përshkallëzuar, pasi mbështetësit e liderit opozitar Juan Guaido dolën sërish për të protestuar, ndërkaq forcat e presidentit të kontestuar Nicolas Maduro ushtruan dhunë për t’i shpërndarë protestuesit.

Në një video-incizim paraqitet një mjet i blinduar, i cili shkel  disa nga protestuesit.

Lideri opozitar Juan Guaido iu bëri thirrje mbështetësve të tij që sërish të tubohen në rrugë.

Dje ai delaroi se ka nisur “fazën finale” të planit të tij për ta larguar nga zyra presidentin e kontestuar, Nicolas Maduro duke pretenduar se ka mbështetje nga “ushtarë trima”.

Momenti është tani”, ka thënë ai, teksa në video paraqitet me disa ushtarë të armatosur në prapavijë.

Por, në një debat televiziv, Maduro i përshkroi mbështetësit e Guaidos si një “grup i vogël”, plani i të cilëve ka dështuar, si dhe akuzoi udhëheqësin e opozitës Juan Guaido dhe mentorin e tij politik Leopoldo López për të nxitur një konfrontim të armatosur që mund të përdoret si pretekst për një ndërhyrje ushtarake të huaj, raporton The Guardian.

Duke u ulur pranë komandantëve ushtarak, Maduro u zotua se do të ishte fitimtar përballë asaj që ai e quajti një përpjekje grusht shteti të mbështetur nga imperializmi amerikan. Ai tha gjithashtu se ngjarjet e së martës “nuk do të mbeten të pandëshkuara”.

Tirana është boshatisur për ditët e pushimit. Cilën nga ritet e shenjta po ndiqni:

View Results

bota bota

Sondazh

Poll