Politike

‘Punëson 73 persona vetëm disa muaj para zgjedhjeve’/ Bregu publikon DOKUMENTIN: Bashkia e Vorës si koshere elektorale, K

14 Janar 2021, 19:53 Nga DOSJA

VORË– Bashkia e Vorës disa muaj para zgjedhjeve ka vendosur që të marrë staf shtesë, duke numëruar plot 73 punonjës të rinj. Lajmin e ka bërë të ditur Koordinatori i Lëvizjes Socialiste për Integrim në Vorë, Vojo Bregu, i cili edhe ka publikuar dokumentin e kontratës. 

Ndërkohë në një postim që ka bërë në rrjetet sociale, ai ka thënë  se një vendim i tillë është në kundërshtim me ligjin dhe ka si qëllim vetëm efektet elektorale, në mënyrë që administrata të sjellë sa më shumë vota. Në reagimin e bërë nga Bregu në Facebook, kërkohet që Komisioni Qendror i Zgjedhjeve të nisë hetimin administrativ për këto shkelje.

“Me sa duket, kryetari i pazgjedhur i bashkisë Vorë, i ka shkuar deri në fund planit rilindas, për shndërrimin e bashkisë në një koshere elektorale. Në kundërshtim me ligjin, vetëm 3 muaj para zgjedhjeve, jo vetëm që ka shtuar 73 punonjës, por njëkohësisht i ushtron presion 473 punonjësve, me transferimin nga vendi i punës për shkak të ristrukturimit. Përveç KQZ, e cila duhet të fillojë menjëherë hetimin administrativ, i bëjmë thirrje prokurorisë për fillimin e hetimeve për veprën penale të “Shpërdorimit të detyrës”,”- deklaron Vojo Bregu në një postim në Facebook.

(a.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike bashkia vore punesimet ne bashkine vore bashkia vore punesimet ne bashkine vore

Sondazh

Poll

MË SHUMË