TIRANË– Ndryshime të papritura në qeveri! 4 muaj para zgjedhjeve, ministri i deleguar i Punëve të Jashtme, Gent Cakaj ka dhënë dorëheqjen. Ky është versioni i ministrisë së Jashtme, ndërsa kryeministri Edi Rama teksa ka bërë publik lajmin, thotë se është momenti që stafeta t’i kalojë Olta Xhaçkës, pa e sqaruar nëse Cakaj iku vetë, apo u shkarkua. Ndërkohë që vendin e ministres aktuale të Mbrojtjes e ka zënë Niko Peleshi, i cili rikthehet pas gati 4 vitesh në qeveri, duke marrë drejtimin e Ministrisë së Mbrojtjes.
POSTIMI I PLOTË I RAMËS NË TWITTER:
Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes.
Por çfarë ndodhi? Pse u largua Gent Cakaj?
Në një njoftim për mediat, MPEJ thotë se ishte Cakaj që i ka dorëzuar kryeministrit Edi Rama dorëheqjen e parevokueshme. Dorëheqja duket se ka qenë e papritur edhe për kryeministrin, i cili në dy orë komunikim me gazetarët, nuk e dha lajmin e largimit të Cakajt. Ndërsa vetë Cakaj, thotë se meqënëse nuk synon as karrierën për zgjedhjet parlamentare 2021 si deputet, atëherë puna e tij në diplomacinë shqiptare ka përfunduar.
“Pas përfundimit me shumë sukses të kryesisë së OSBE-së, hapjes së negociatave për anëtarësim me BE-në, punës së jashtëzakonshme për të siguruar një ulëse në Këshillin e Sigurimit për 2022-2023, zbatimit të një sërë masash të pashembullta për ngritjen e faktorit shqiptar në Ballkanin Perëndimor, si dhe duke qenë se Shqipëria është në pragfushatë zgjedhore, ku unë nuk synoj të angazhohem si kandidat për deputet, konsideroj që kapitulli i shërbimit tim në krye të diplomacisë shqiptare është i përfunduar.”-thotë Cakaj në reagimin e tij.
Ndërkohë që largimi i Cakajt, është përshëndetur menjëherë nga ambasadorja amerikane Yuri Kim. Disa minuta pasi u njoftua largimi i Cakajt, Kim i ka uruar suksese, ndërsa ka theksuar faktin se marrëdhëniet e mira mes dy vendeve vazhdojnë falë udhëheqësve si Cakaj. Ndërkohë pas dorëheqjes së Cakajt është shkarkuar edhe zv.ministri për Ministrinë e Jashtme, Sokol Dedaj.
(F.g.dosja.al)
1 vit nga zgjedhjet e 25 prillit si e shikoni gjendjen e vendit:
TIRANË–Gent Cakaj ka dhënë dorëheqjen nga posti i Ministrit të Jashtëm. Pas këtij lajmi pasoi dhe emërimi i tij në Ministrinë e Brendshme e për pasojë kali...
TIRANË– Ministri në detyrë për Punët e Jashtme Gent Cakaj ka sqaruar largimin e tij nga ky post nga kryeministri Edi Rama. Në një sqarim zyrtar të Ministri...
TIRANË– Kryeministri Edi Rama ka bërë ndryshimet e fundit në qeveri. Rama ka vendosur në krye të Ministrisë së Mbrojtjes, Niko Peleshin. Pas emërimit të Ol...
TIRANË– Bindja Demokratike dhe Lëvizja Demokratike Shqiptare kanë ankimuar ditën e sotme Kodin Zgjedhor i cili është miratuar në Kuvend.Bindja Demokratike ...
TIRANË– Kryeministri Edi Rama e ka mbyllur m këshilla konferencën e fundit të këtij viti me gazetarët. Kreu i qeverisë u uroi festat gazetarëve dhe i këshi...
TIRANË– Kryeministri Edi Rama është shprehur i bindur se do të fitojë një mandat të tretë në 25 prill të vitit të ardhshëm. Në konferencën e fundit me gaze...
TIRANË– Kryeministri Edi Rama nuk preferoi të komentojë punën e panisur akoma të Gjykatës Kushtetuese. Rama nuk la pa thumbuar edhepresidentin Ilir Meta, i...
TIRANË– Kryeministri Edi Rama insistoi gjatë konferencës së fundit për këtë fundvit me gazetarët se nuk ka asnjë marrëveshje me Greqinë për zgjerimin me 12...
TIRANË– Në konferencën për bilancin e vitit që po mbyllet, kryeministri Edi Rama u pyet nëse ka një person që do t’i kërkojë falje. Kreu i qeverisë tha se ...
TIRANË– Gjatë konferencës me gazetarët Rama u pyet dhe për ligjin antishpifja për të cilin nisi fjalinë duke thënë se u katandis. Kryeministri tha se ligji...