FIER– Dy të rinj janë vënë në pranga dhe një tjetër është shpallur në kërkim, pas një kontrolli në mjetin me të cilin po udhëtonin tre të rinjtë.
Ngjarja ka ndodhur në qytetin e Fierit dhe sipas njoftimit zyrtar nga Policia e Shtetit, tre të rinjtë, F.K, 22 vjeç, banues në Durrës, K.Gj, 22 vjeç, banues në Durrës dhe A.P, 29 vjeç, banues në Durrës, qarkullonin me armë zjarri në makinë dhe me doza marijuane.
Pistoleta dhe droga u sekuestruan nga autoritetet dhe në pranga ranë vetëm dy 22-vjeçarët. Kurse 29-vjeçari është larguar në drejtim të paditur duke përfituar nga errësira.
Në banesën e këtij të fundit, policia gjeti edhe 40 doza të tjera droge, të llojit hashash. Ai rezulton gjithashtu me precedentë kriminalë të mëparshëm në fushën e krimeve ndaj pronës.
Njoftim i policisë Fier
Finalizohet operacioni policor i koduar “Silenciatori”. Policia parandalon një ngjarje të mundshme kriminale. Sekuestrohet në cilësinë e provës materiale një armë zjarri pistoletë me silenciator dhe 41 doza me lëndë narkotike cannabis sativa.
Arrestohen në flagrancë dy shtetas si dhe shpallet në kërkim një tjetër.
Patrulla e Përgjithshme e Komisariatit të Policisë Fier gjatë patrullimit në orët e para të mëngjesit, në dalje të qytetit Fier, ka konstatuar një automjet Renault që kryente lëvizje të dyshimta dhe porsa ka parë makinën e policisë është larguar me shpejtësi.
Patrulla e Përgjithshme është vënë në ndjekje të automjetit si dhe ka kërkuar ndihmën e shërbimeve të tjera, ku menjëherë në ndihmë të tyre janë nisur forca të tjera policore të DVP Fier.
Gjatë ndjekjes njëri prej pasagjerëve ka mundur të largohet duke përfituar nga errësira ndërsa drejtuesi i mjetit dhe një pasagjer tjetër janë kapur në flagrancë.
Gjatë kontrollit në automjet policia gjeti dhe sekuestroi një armë zjarri pistoletë me silenciator së bashku me karikator me fishekë, si dhe një dozë me lëndë narkotike cannabis sativa.
Policia ka arrestuar në flagrancë shtetasit:
F.K, 22 vjeç, banues në Durrës, drejtuesi i mjetit, për veprat penale “Prodhimi dhe shitja e lëndëve narkotike” dhe “Armbajtje pa leje”.
K.Gj, 22 vjeç, banues në Durrës, për veprën penale “Moskallzim krimi”
Si dhe u bë shpallja në kërkim e shtetasit A.P, 29 vjeç, banues në Durrës, me precedent kriminal të mëparshëm në fushën e krimeve ndaj pronës.
Gjatë kontrollit të ushtruar në banesën e shtetasit A.P, Policia e Fierit në bashkëpunim me Policinë e Durrësit kanë gjetur 40 doza me lëndë narkotike Cannabis Sativa.
Specialistët për Hetimin e Narkotikëve dhe Trafiqeve të Paligjshme në Drejtorinë Vendore të Policisë Fier, po vijojnë punën për zbardhjen e plotë të rrethanave dhe qëllimit të lëvizjen së këtyre personave të armatosur nga Durrësi në Fier.
Gjithashtu vijon puna për kapjen e personit të shpallur në kërkim, si dhe për identifikimin dhe kapjen edhe të personave të tjetër që mund të jenë të përfshirë në veprimtari të mundshme kriminale.
Materialet i kaluan Prokurorisë pēr veprime të mëtejshme
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Aida Shtino, gazetarja e cila për gati 10 vite drejtoi një nga emisionet më të shikuara “Njerëz të Humbur”, në një intervistë për Dosja.al ka treguar arsyet pse...
VLORË– Dy persona kanë rënë në prangat e policisë pasi gjatë operacionit ‘Prita’ në një banesë është gjetur 48 kg kanabis dhe 97 fidanë ...
TIRANË- Gazetarja Aisa Shtino në një intervistë për Dosja.al është shprehur se drejtues mediash në vendin tonë janë të shitur te pushteti. Ajo thekson se f...
SHQIPËRI– Besimtarët ortodoksë kremtuan në mesnatë ngjalljen e Krishtit në meshën e pashkëve.Të krishterët në festën e pashkës kremtojnë ringjalljen e Kris...
GREQI- Si u masakruan shqiptarët e Çamërisë? Krimet, përdhunimet, vrasjet e fëmijëve, varret masive, në rrëfimet tronditëse të të mbijetuarve.Si kurrë më...
Gazetarja Aida Shtino ka treguar për Dosja.al arsyet pse i kanë mbyllur emisionin “Njerëz të Humbur”. Sipas saj emisionin e mbyllën ata që i cënonte direkt apo...
Këshilli i Lartë i Prokurorisë i heq shpresat Donika Prelës që të zgjidhet prokurore e Strukturës së Posaçme Kundër Korrupsionit (SPAK).Drejtuesja e Krim...
Tirana është boshatisur për ditët e pushimit. Cilën nga ritet e shenjta po ndiqni:View Results...
TIRANË- Një aksident i rëndë ka ndodhur sot në mbrëmje, ku dy persona kanë humbur jetën. Sipas informacioneve paraprake mësohet se një mjet ka humbur kontr...
TIRANË- Për më shumë se 1 vit, Rudi Erebera sëbashku me disa artistë e qytetarë të angazhuar, po vijojnë qëndresën e tyre kundër shembjes së dy teatrove. E...