Aktualitet

Gjykata Administrative rrëzon kërkesën Selami Simsek, s’përfiton azil në Shqipëri, rrezikon dëbimin drejt Turqisë

22 Dhjetor 2020, 11:37 Nga DOSJA
Gjykata Administrative rrëzon kërkesën Selami Simsek,

TIRANË– Gjykata Administrative ka rrëzuar padinë e Selami Simsek, i cili kërkoi azil në Shqipëri me argumentin se përndiqet nga autoritetet në Turqi. Edhe pse Simsek pretendon se i rrezikohet jeta në Turqi pasi pjesëtarët e familjes së tij janë mbështetës të lëvizjes Gylen.

Për momentin ai ka mundësinë e apelimit të vendimit dhe nëse rrëzohet edhe në Apelin Administrativ, Simsek rrezikon dëbimin drejt Turqisë, si miku i tij Harun Çelik.

Simsek u arrestua më 8 korrik të 2019-ës, për falsifikim dokumentash.Pas lirimit nga burgu ku kreu dënimin prej 1 viti, Simsek mbahet në kampin e refugjatëve në Kareç të Vorës.

Ai kërkoi që të largohej drejt Kanadasë me dokumenta të falsifikuara nëpërmjet aeroportit të Rinasit. Gjatë arrestimit, atij iu sekuestra pasaporta false. Së bashku me të u arrestua edhe mësuesi Harun Çelik, i cili u ekstradua drejt Turqisë. Ndryshe nga Çelik, Simsek mbahet në kampin e refugjatëve në Kareç të Vorës.

Selami Simsek ka bërë përpjekje për të frenuar ekstradimin drejt Turqisë. Ai i ka drejtuar një kërkesë Komisionit Kombëtar për Azilin dhe Refugjatët, për të ndaluar ekstradimin. Simsek këmbëngul, se nëse ndodh ekstradimi në Turqi, atij i rrezikohet jeta.

Drejtori i Drejtorisë së Azilit dhe Shtetësisë, Sokol Sheti, së bashku me tre specialistë, firmosën shkresën, ku thuhej se Simsek nuk i përmbush kushtet për njohjen e të drejtës së azilit. Në shkresë thuhej, se ndaj këtij vendimi, mund të bëhej ankimim brenda 15 ditëve në Komisioni Kombëtar për Azilin dhe Refugjatët.

Turku, i konsideruar nga qeveria e presidentit Recep Tajip Erdogan, si pjesë e gylenistëve që organizuan grushtin e shtetit në Turqi në korrik 2016, paditi më 28 tetor Drejtorinë e Azilit, Ministrinë e Brendshme dhe Komisionin Kombëtar për Azilin dhe Refugjatët.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet selami simsek selami simsek

Sondazh

Poll

Aktualitet 22 Dhjetor 2020, 11:23

SPANJË– Detaje të reja janë bërë me dije lidhur me vrasjen e shqiptarit Brandon Bregu në Spanjë, disa ditë më parë. Mësohet se 42-vjeçari nga Lushnj...

MË SHUMË