Aktualitet

U shoqërua në Komisariat, gazetari Xhoi Malësia ngul këmbë: Një më dhunoi, më tha fjalë që…

11 Dhjetor 2020, 10:49 Nga DOSJA
U shoqërua në Komisariat, gazetari Xhoi Malësia ngul

TIRANË– Gazetari Xhoi Malësia, i cili u shoqërua mbrëmjen e djeshme në komisariatin numër 2 në Tiranë teksa ishte në protestën që po zhvillohet për vdekjen e Klodian Rashës ka dhënë detaje të tjera lidhur me ngjarjen. I ftuar në emisionin “Ditë e Re”, ai ka qenë duke kryer punën e tij kur është shoqëruar dhunshëm nga efektivët e policisë.

Sipas gazetarit, skena është filmuar e gjitha nga ai, por vetëm pjesërisht dhe u është nisur kolegëve të tij. 

“Aty ka ndodhur një turp i madh. Efektivit në fjalë unë i kam thënë jam gazetar dhe që po bëni gabim. Fjalët që janë nxjerrë nga goja e tij, nuk janë të denja… Të paktën ai njeri nuk është as polic, nuk ka as burrëri. Pra nuk njeh as ligj, as kanun. Një burracak që duhet të dalë e të kërkojë ndjesë. Është minimumi,”-u shpreh ai. 

PJESË NGA FJALA:

“E vërteta është që pas ditës sime të punës kam qenë në një seancë stërvitore në sallën sportive “Fahrije Hoti”. Është shumë pranë 21-shit. Duke u kthyer për në shtëpi kam vënë re që po ndodhte një trazirë dhe instikti i gazetarit, që nuk ka orar si punë, të paktën kolegët e kuptojnë diçka të tillë, më bëri të nxjerr celularin dhe të filmoj. Fillimisht kam parë që ndaj Komisariatit nr.2 po qëllohej me gurë. E kam filmuar pjesërisht skenën dhe i kam nisur materialet te një grup WhatsAppi që mbajmë për të komunikuar me njëri-tjetrin. Pas kësaj policia ka reaguar edhe protestuesit janë shtyrë drejt kryqëzimit të 21-shit ku kanë thyer edhe semaforë, tabela rrugore dhe çfarë tjetër ju vinte përpara. I kam filmuar dhe i kam dërguar sërish. Po dokumentoja ngjarjen. Faktin që ata kërkojnë bexhin më vjen turp se në momentin që unë bërtas sa forcë ka shpirti dhe kordat e mia vokale që jm gazetar. Dhe minimalisht të mos kërkosh një kartë identiteti dhe të mnë fyesh nga familja dhe të qëllosh në fytyrë është krim. Dhe kërkesa që kam ditën e sotme, efektivi dhe veçanërisht efektivi që më ka qëlluar në brendësi të komisariatit, ku shpresoj të ketë kamera, e të zbardhet e vërteta. Policia po mundohet ta fshehë individin. Unë nuk kam asgjë me policinë. Policët janë vëllezërit dhe motrat e mia. Mund të kem bërë mbi 10 emisione ku unë ankohem për pagat që nuk marrin, pagat suplementare, duke i lënë pa këpucë dhe detyrohet qeveria gjermane ti pajisë me këpcë. Unë kam bërë gjithë këto emisione kjo tregon që unë nuk kam asnjë gjë me efektivët. Është e turpshme ta mendosh! Aty ka ndodhur një turp i madh. Efektivit në fjalë unë i kam thënë jam gazetar dhe që po bëni gabim. Fjalët që janë nxjerrë nga goja e tij, nuk janë të denja… Të paktën ai njeri nuk është as polic, nuk ka as burrëri. Pra nuk njeh as ligj, as kanun. Një burracak që duhet të dalë e të kërkojë ndjesë. Është minimumi,”-u shpreh ai. 

LAJMI KRYESOR: Nis aksioni ‘post-protestë’! Policia nis prangosjen e ‘rebelëve’ në Korçë e Bulqizë, asnjë njoftim nga Tirana. Avokati i Popullit: U shkelën rregullat, të ndërhyjnë ndërkombëtarët

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet protesta per klodian rashen xhoi malësia protesta per klodian rashen xhoi malësia

Sondazh

Poll

Aktualitet 11 Dhjetor 2020, 10:45

TIRANE– Efektivi i Shqiponjave Nevaldo Hadëraj është shfaqur i penduar në ambientet e gjykatës. I riu ka kërkuar që në seancën e dhënies së masës së sigurisë të...

MË SHUMË